38. Abecedarius XIII.

1. Acumen Impetra

mihi scientiae,
Quo digne venerer

te matrem gratiae,
Meae submoveas

pondus inertiae,
Peccati cumulum

et negligentiae.

2. Benedicentibus

te laeto carmine
Adsis hilariter

tuo juvamine,
praeserves penitus

hos et a crimine
Et a tartarei

hostis fraudamine.

3. Candens prae floribus

cunctis o lilium,
Virgo concipiens

gignensque filium,
Qui tuis precibus

praestet auxilium
Per mundi graviter

pressis exsilium.
4. Diram da judicis

iram nos fugere,
Cum nostram venerit

vitam discutere,
Velis Insidias

hostis tunc pellere,
Et nobis januas

coelorum pandere.
5. Es hortus floridus

pollens deliciis,

Virtutum floribus
splendescens variis.

Mundi gravissime
prassis miseriis

Succurre citius
tuis praesidiis.

6. Fuga Inertiam

a te laudantibus,
Veram solertiam

da praesidentibus,
Sequi justitiam

praesta judicibus,
Obedientiam

subjectis omnibus.
7. Gedeon extrahens

rorem ex vellere
Videtur mystice

illud exprimere,
Quod Christum poteras

divino munere
Virgo concipere

et virgo parere.
8. Hujus amabilis

partus editio
Nostrorum scelerum

sit abolitio,
Et exsistentium

in purgatorio
Fiat plenaria

poenae remissio.
9. Irrora servuli

cor culpis aridum,
Coelestis gratiae

dans stillicidium,

Quod menti conferat

cito remedium,
Quae modo premitur

grave per taedium.
10. Earum credentibus

manna, ros coelice,
Das quando generas

Christum mirifice,
Quo, dulcis domina,

quaeso, me refice,
Cum vitae terminum

complebo lubricae.
11. Luna sub pedibus

tuis prosternitur,
Quo apertissime

illud elicitur,
Per te Inferior

quod mundus spernitur,
Coelique claritas

pulchra eligitur.

12. Modo tripudians

virgo In aethere,
Dilecti filii

conjuncta dexterae,
In vitae termino

adesto propere,
Nos tecum faciens

coelos oscendere.

13. Nos Illic ultima

saltem In acie
Electi filii

jucunda facie
Fac tuo perfrui

precatu satie,
Qua vere confluunt

omnes deliciae.

14. O mater Inclita

superni numinis,
Illustres Intimi

medullas hominis,
Mei solamine

tui precaminis
Ab eo dimovens

foetorem criminis.

15. Perflatus gratia

hortus describens,

Fructum mirificum
quae praebes superis,

Nobis remedium
qui donet miseris,

Et purgatorii

vinctis In tenebris.

16. Quos cum absolverit

sua ex gratia,
Ab omni perferunt

quam nunc miseria,
Clementer subvehas

in coeli gaudia,
Per saecla jubilent

ubi perennia.

17. Rogo devotius

te matrem gratiae,
Uti clementius

succurras hodie
Ex mea corpore

natis progenie,
Poenae excruciant

quos purgatoriae.
18. Solamen gaudii

praesta gementibus,
Panemque coelicum

esurientibus,
Nos tutes sedulo

a persequentibus,
Hos procul abigens

cum suis fraudibus.
19. Tu invincibile

es Illud oppidum,
Quo Christus posuit

suum palatium,
Cum ferre voluit

mundi exsilium
Atque tribuere

suis auxilium.
20. Virga Mosaica

mare quae dividens,
Mergens Aegyptios,

fideles eruens,
Ob sitim populi

petram percutiens,
Potu deifico

sis nos reficiens.