1. Hymnus amatorias de s. Trinitate.

1. Saday o Domine,

Institutor rerum,
A coelesti agmine

Et per totum clerum
Colendus laudamine

Per cultum sincerum,
Fave, te ut carmine

Laudem Deum verum.

2. Adonay, Domine,

Creatorum praesul,
Fonte sapientiae

Electorum consul,
Hostiles versutiae

Per te fiant procul,
Ne In hymno gloriae

Perturbetur exsul.

3. Nulli accessibilis

Virtus trinitatis,
Neque explicabilis

Ullis praedicatis,
Praesta tibi credulis

Manum pietatis,
Absolvens a vinculis

Suis et peccatis.

4. Causa vel Initium

Creatarum rerum,
Naturarum omnium

Nec non specierum,
Fateor te Dominum

Atque Deum verum,
Unde pango munium

Tibi hoc sincerum.

5. Trinitas, laudabilis
Cunctae creaturae,
Sed superamabilis
Omni menti purae,

Solve me a vinculis
Omnis imposturae,

Junge tandem Incolis
Coelicae structurae.

6. Unum o mirificum,

Uniens rixantes,
Impetum per bellicum

Se scandalizantes,
Carmen hoc versificum

Tibi modulantes
Duc In regnum coelicum

A carne migrantes.

7. Sempiterna trinitas,

Quam corde sincero
Per scripturae latebras

Diligenter quaero,
Agam caeremonias

Tibi Deo vero,
Interim quod semitas

Hujus vitae tero.

8. Deus, te quaerentium

Praepotens adjutor,
Sed invenientium

Pius retributor,
En tibi credentium

Saevus persecutor
Nos molestat plurimum,

Noster esto tutor.

9. Ens mirabilissimum,

Ens summi decoris,
Tu amabilissimum

Vinculo amoris
Suscipe per crudum

Nostri redemptoris,
Hymnum amatorium

Tui laudatoris.

10. Unum numen credimus

Te trinis personis,
Quem et voce colimus

Exsultationis,
Te devote petimus

His hymnorum sonis,
Post mortem nos protinus

Infer coeli thronis.

11. Summe Deus nutriens

Igne caritatis
Tuos, ab his abigens

Esum pravitatis,
Culpam a me removens

Sis cupiditatis
Et amorem tribuens

Sanctae paupertatis.

12. Strategos fortissime

Christianitatis,
Quem laudo cordintime

In his praedicatis,
Potestate supprime

Vim adversitatis,
Quam fero justissime

Meis pro peccatis.

13. Adsis, sancta trinitas,

Pie te laudanti
Ac devote gratias

Tuas postulanti,
Hosti suas machinas

Preme me temptanti,
Atque per malitias

Me inquietanti.

14. Nam nocte per varias

Me Illusiones
Vexat, die subdolas

Per suggestiones,
Per suas Insidias

Ac turbationes,
Procurat et frivolas

Machinationes.

15. Curator promptissime
Rerum creatarum,
Credentum potissime
Tibi animarum,

Respice, piissime,
Fontem lacrimarum

Flentum amarissime
In loco poenarum.

16. Tubis mirabilibus,

Trinitas beata,
Psallat omnis spiritus

Laude tibi grata,
Me prosterno pedibus

Tuis flens peccata,
Annis juvenilibus

Et post perpetrata.

17. Uirtus o cunctipotens,

Virtus Infinita,
Potentatu continens

Mundi tripartita,
Virtute sit mea mens

Per te redimita,
Uti vivat moriens

In futura vita.

18. Simplex o divinitas,

In personis trina,
Edocet ut veritas

Sacraque doctrina,
En me culpae foeditas

Gravat et ruina,
Quam tua benignitas

Abigat divina.

19. Finis et principium

Omnis boni Deus,
Quem per desiderium

Cupit amor meus,
Tuum ad vestigium

Sterno me ut reus,
Quem premit flagitium

Sive Jebusaeus.

20. O immensurabilis

Omnium mensura
Neque figurabilis

Aliqua figura,
Tamen venerabilis

Vere summa cura
Propellas a famulis

Nobis nocitura.

21. Rex, Inexpugnabilis

Cujus fortitudo,
Cujus nec capabilis

Exstat magnitudo.
Opprimit en criminis

Nos amaritudo,
Pellat quam dulcedinis

Tuae multitudo.

22. Theosin mirifica,

Coeli hierarchiae
Quam laudant per cantica

Dulcis melodiae,
Quaeso, me bonifica

Meritis Mariae
Et perduc ad coelica

In extremo die.

23. Infinita bonitas

Sempiterni Dei,
Qua en actualitas

Exstat omnis rei,
vere tu satietas

Sola cordis mei,
Nempe multas gratias

Gratis praestans ei.

24. Summa tu maximitas

Desideriorum,
Summas dans delicias

Choris angelorum,
Purga conscientias

Tuorum servorum,
Inquinat quos foeditas

Turpis vitiorum.

25. Sapiens o trinitas,

Cunctis admiranda,
Neque per scientias

Nobis indaganda,
Sed per conscientias

Puras adaman da,
Et per caerimonias

Dignas veneranda.

26. Admiranda species
Dei et decora,
Rutilans millesies
Magis quam aurora,

Te coelestes acies
Omni laudant hora,

His post rerum ordines
Me junge sine mora.

27. Nomen Ja laudabile

Omni pnrae menti,
Immo venerabile

Omni prorsus genti,
Te superamabile

Devote quaerenti,
Summe delectabile

Te invenienti.

28. Cunctis praeoptabile

Bonum summi Dei,
Te communicabile

Omni praestans rei,
Ens o venerabile,

Miserere mei,
Quem gravat culpabile

Onus Jebusaei.

29. Trinitas laudabilis

Omni iudefesse,
A primaevis saeculis

Quibus praestas esse,
His te laudum titulis

Colentes expresse,
Fac tibi cum angelis

In coelis adesse.

30. Vita, quae nos respicis

Nos vivificando
Et amore reficis

Mentes Inflammando,
Perfice nos coelicis

Donis consolando,
Te laudantes Inclitis

Sonis jubilando.

31. Simplum o deificum,

Trinum sed personis
Praebens te symbolicum

Luci rationis,
Duc In anagogicum

Contemplationis,
Fantem carmen Inclitum

Tis laudationis.

32. Exemplar et veritas

Omnis speciei,
Absoluta entitas

Cujuscunque rei,
Supplex te humilitas

Petit cordis mei,
Culpas ut praeteritas

Tu remittas ei.

33. Tibi laus et gloria,

Trinitas beata,
Laude multifaria

Quam laudant creata,
Mea decoloria

Munda vel peccata,
In me quae ut scoria

Exstant radicata.

34. Imnum Istum concino

Mente non Ingrata
Tibi summo Domino,

Quem colunt creata,
Hujus vitae termino

Vitave peracta
Ducas me cum gaudio

Ad regna beata.

35. Miranda Infinitas,

Vere tu es Deus,
Quam nec Christianitas

Capit nec Judaeus,
Tibi se pusillitas

Spiritusque meus,
Prosternit malitias

Confitens ut reus.

36. Mian te substantiam

Tribus In personis
Fateor per gratiam

Revelationis,
Fanti hujus hostiam

Jubilationis,
Da post mortem gloriam

Tuae visionis.

37. O Deus mirabilis,
Finis sine fine,
Collaudandus titulis
Plebis Seraphinae,

Sacris adminiculis
Virginum reginae

Imbue me regulis
Coelicae doctrinae.

38. Rerum exsistentium

Causa effectiva,
Quam per hoc servitium

Vox collaudat viva,
Sana per remedium

Mea defectiva
Praeservans in posterum

Me a recidiva.

39. Tu virtus omnipotens

Summae trinitatis,
Res prudenter dirigens

Universitatis,
Me sis quaeso muniens

Manu pietatis,
Quem conturbat saeviens

Vis adversitatis.

40. Antiquus nam fortiter

Hostis me Impugnat.
Ut me Infeliciter

Ad peccatum trahat,
Anima debiliter

Ejus fraudi obstat,
Quam misericorditer

Conforta ne cadat.

41. Lux Inaccessibilis,

Lux o sempiterna,
Summe diligibilis

Virtute Interna,
Solve nos a vinculis

Umbraque veterna,
Ducendos ab angelis

In coelorum verna.

42. Ibidem jucunditas

Habitanti datur,
Per te, sancta trinitas,

Cum te contemplatur,
Et mea pusillitas

Illuc perducatur,
Sanctorum communitas

Ubi gloriatur.

43. Summum Ibi gaudium,

O summa majestas,
Choro te laudantium

In aeternum praestas,
Ubi nec disturbium

Nec ulla tempestas,
Sed juge solatium

Omnisque honestas.

44. Maria cum angelis

Ibi jucundantur,
Vates cum apostolis

Quibus sociantur,
Paulus cum discipulis

Ipsis glomerantur
Ac te laudum titulis

Digne venerantur.

45. Istis sancti martyres

Summique doctores,
Monachi ac virgines

Nec non confessores,
Ceterique coelites

Mundi contemptores
Junguntur per ordines,

Tui laudatores.

46. Sim ego per gratiam

Et mei sodales
Per legis justitiam

Illis coaequales,
Et post hanc miseriam,

Qua sumus mortales,
Duc In horum gloriam

Ut contubernales.

47. El, qui quem Inhabitas

Tuum per amorem,
Hunc et beatificas

Mundi post laborem,
Clementer respicias

Tuum laudatorem,
Abigens tristitias

Ejus et languorum.

48. Rector orbis inclite
Ejusque creator,
Cui prosterno subdite
Me sicut peccator,

Esto meae perditae
Vitae reparator,

Ut collaudent debite
Te, o mi amator.

49. Ens liberalissimum

Tua pietate,
Et abundantissimum

Omni bonitate,
Me servum nequissimum

Ne repellas a te,
Sed fac me vel ultimum

In beatitate.

50. Rex cuncta laetificans

Tua bonitate,
Et haec bene ordinans

Ex benignitate,
Esto me rectificans

Tua veritate,
Qui oberro cespitans

Mentis caecitate.

51. Eloy amabilis

Cunctis Incessanter,
Nobis tamen famulis

Tuis et ovanter,
Nam nos adminiculis

Tuis abundanter
Pascis et a vinculis

Solvis principanter.

52. Nomen El mirabile,

Venerandum vere
Cunctis, sed amabile

Es mihi sincere,
En cor meum flebile

Clamatis Miserere,
Bonum infmibile

Da me possidere.

53. O inexhauribilis

Fons deliciarum,
Semper praesens angelis

Donis gratiarum,
Nobis tuis famulis

Fontem lacrimarum
Praesta, quo a maculis

Lavemur culparum.

54. Benedicta trinitas,

Nobis veneranda,
Sed tua Infinitas

Non est indaganda,
Attamen te caritas

Possidet amanda,
Servatque humilitas

Cunctis amplexanda.

55. Imnum hunc thearchicum,

Tibi summo bono
Metrum hoc per rhythmicum

Quem devote cano,
Suscipe Idoneum,

Fac de tuo dono,
Te ut In perpetuum

Laudem coeli throno.

56. Semper cum angelicis

Choris angelorum
Nec non et cum ceteris

Turmis electorum
Colam te organicis

Titulis hymnorum
His finitis saeculis

In regno coelorum.

57. Alpha et O Domine
Universitatis,
Exstantis creamine
Tuae potestatis,

Defunctis pro crimine
Poena praegravatis,

Digneris porrigere
Manum pietatis.

58. Mariae per meritum,

Genitricis Dei,
Cujus patrocinium

Petunt omnes rei,
Meae adjutorium

Des progeniei,
Et post vitae terminum

Praesta vitam ei.

59. Ens inattingibile

Hominis per sensum,
Neque expressibile,

Quia es Immensum,
Tibi acceptabile

Meum sit Incensum,
Et propitiabile

Mihi sit expensum.

60. Numen o deificum,

Pater, nate, flamen,
Quod laudat angelicum

Jugiter examen,
Solare catholicum

Gregem per juvamen,
Ab eodem hosticum

Virus pellens. Amen.

2. De s. Trinitate Abcdarius I.

1. Alme rerum conditor,

In personis trine,
Quem unius fateor

Virtutis divinae,
Te laudare molior

Stilo columbinae
Vocis, salva deprecor

Me In meo fine.

2. Benedicam, Domine,

Tuam majestatem
Coelesti cum agmine

Per aeternitatem,
Si tuo cum lumine

Meam caecitatem
Pellis et cum crimine

Omnem pravitatem.

3. Causa o pulcherrima
Omnium bonorum,
. Quam laudat catholica
Plebs sono hymnorum,
Aufer cuncta lubrica

Desideriorum
Nec non et phantastica
Cum causis eorum.

4. Divina potentia

Sanctae trinitatis,
Quam laudat Industria

Meae paupertatis,
Tua me clementia

Mundet a peccatis
Repleatque gratia

Omnis honestatis.

5. Ens, quod laudant superi

Summo cum conatu,
Angeli et ceteri

De coeli comitatu,
Ad te clamant miseri

Maximo ploratu,
A suo ut liberi

Fiant Incolatu.

6. Factor orbis mclite,

Trine In personis,
Qui laudandus debite

Es hymnorum sonis,
Audi preces subditae

Hujus concionis,
Dans juvamen solitae

Consolationis.

7. Grates nunc referimus

Sanctae trinitati,
Qua sumus et vivimus

Fide congregati,
Tibi nos prosternimus

Summae bonitati,
Ut nos mundes ocius

A sorde peccati.

8. Hujus nempe pondere
Ita nunc gravamur,
Tuam lucem cernere
Ut Impediamur,

Unde tincti cinere
Supplices precamur,

Ut ab omni scelere
Citius solvamur.

9. Incomprehensibilis

Contemplatione
Et Interminabilis

Es duratione
Ac Inexplicabilis

Quocunque sermone,
Sed omni laudabilis

Es devotione.

10. Kyrie laudabilis

Cunctae creaturae,
Sed superamabilis

Vere menti purae,
Nos finitis saeculis

Hujus vitae durae
Infer tabernaculis

Gloriae futurae.

11. Lux inconfuscabilis

In personis trina,
Nobis venerabilis

Mente cum supina,
Serva nos ab aemulis

Mentisque ruina
Cunctisque piaculis

Gratia divina.

12. Majestas deifica

Summe singularis,
Jugiter angelica

Plebe quae laudaris
A fraude Sathanica

Tuos tuearis,
A quibus hac rhythmica

Laude veneraris.

13. Nomen admirabile

Tuum universis,
Cunctis praedicabile

Gentibus perversis,
Nobis praeamabile

Ad te nunc conversis,
A te formidabile

Merito aversis.

14. O forma forinificans,

Forma principalis,
Cunctas res essentialis

Ut harum causalis,
Sis nos tibi glutinans

Legis tuae palis
Et In fine congregans

Gratiae sub alis.

15. Pulchrum o deificum

Et esseutiale
Et vere mirificum

Omnium causale,
Meum tibi placitum

Fac rationale,
Quod nimis pestiferum

Premit sensuale.

16. Quid rogo est altius

Deo Infinito?
Quid Inscrutabilius

Etiam perito
Tamen nihil dulcius

Mihi te quaesito,
Adesse clementius

Mihi velis cito.

17. Regnum tuum omnium

Eegnum saeculorum,
Coelorum, terrestrium

Et Inferiorum
Hic stipendiarium

Tuum fac decorum,
Quem reddunt Indecorum

Sordes vitiorum.

18. Spes In te sperantium,

Trinitas o Deus,
Remus naufragantium,

Ad quem clamat reus,
Spiritus flagitium

Confitetur meus,
Nimis quem per vitium

Gravat Jebusaeus.

19. Trinitas benefica

In largitione,
Cuncta quam hierarchica

Laudant concione,
Hac petentes psalmica

Te oratione
Praeserves ab hostica

Impugnatione.

20. Vere lux es nobilis

Super omnem lucem,
Quem nostrum cum angelis

Profitemur ducem,
A nobis cum scandalis

Hostem pelle trucem,
Qui ligatus vinculis

Est per sanctam crucem.

21. Xristianae citius

Digneris adesse
Plebi, Deus, pluribus

Malis jam oppressae;
Dum naturae legibus

Mori est necesse,
Electorum coetibus

Nos fac Interesse.

22. Ymnizans te veneror

Unum atque trinum,
Infinitum fateor,

Quem et ens divinum,
Machinamen deprecor

Aufer Sathaninum,
Sed et nunc, quo deprimor,

Impetum vulpinum.

23. Zelotes amabilis,

Pater, Logos, Flamen,
Quem laudat cum angelis

Nostrum congregamen,
Tutet a periculis

Nos tuum solamen
Et finitis saeculis

Ad te ducat. Amen.