1. Hymnus amatorias de s. Trinitate.
3. De s. Trinitate Abcdarius II.
4. De s. Trinitate Abcdarius III.
9. Oratio pro se Ipso de corpore Christi.
11. Oratio poenitentiae ad Christum et pro hono fine.
17. Acrostichon super Ave Maria.
20. Acrostichon super Maria, mater gratiae.
1. Alpha et o nominate,
Deus rerum conditor,
Quem per hymnum ordinate
Venerari molior,
Adsis mihi miserate,
Te devote deprecor.
2. Benedicens te sincero
Corde, sancta trinitas,
Mea tibi Deo vero
Se substernit pravitas,
Veneratur quem cum clero
Tota Christianitas.
3. Cujus cernens paupertatem
Pietatis oculo
Auferas calamitatem
Cum omni periculo
Ducens hanc per aequitatem
Sine offendiculo.
4. Deum trinum In personis,
Unum In substantia,
Doctus legibus divinis
Et superna gratia,
Veneror, quamvis sim cinis,
Mentis cum constantia.
5, Elevare nunc Ignote
Mea mens ad Dominum,
Choro jungens te devote
Supernorum civium
Intuendo vel devote
Cordis per suspirium.
6. Forti nunc contritioni
Linque sensibilia
Nec non operatione
Intelligibilia,
Mystica In visione
Scande ad coelestia.
7. Grnare linquens ac sincere
Omnem rem creabilem,
Tibi sinens adhaerere
Nec Intelligibilem,
In divinam, dico vere,
Mox Intras caliginem.
8. Hac te rite exsistentem
In felici tenebra,
Deo te Illuminante
Clare cernes cetera,
Quae habent Ipso creante
Terra, pontus, aethera.
9. In hoc statu obmutesces
Intelligibiliter,
Omni quoque actu cares
Ibi sensibiliter,
Miro modo hilaresces
Et amicabiliter.
10. Earum tuum Ibi videns,
Electum ex milibus,
Collaudabis ut arridens
Jubilis et plausibus,
Semper frui concupiscens
Ipsius amplexibus.
11. Luce sic Illuminata
Divisque fulgoribus,
Ecce regi desponsata
Magnis cum honoribus
Absque cunctis delicata
Quiescis moeroribus.
12. Modo, soror jucundare,
Istis In deliciis,
Nemo potest adaequare
Quae mundanis gaudiis,
Nec quibusdam Indagare
Saeculi scientiis.
13. Nempe Ibi defecerunt
Scrutantes scrutinio,
Quamvis multa Invenerunt
Suo exercitio,
Tandem tamen perierunt
Mortis exterminio.
14. O miranda virtus Dei,
Virtus Indicibilis,
Quaeso, miserere mei
Servans a piaculis,
Extremae hora dei
Junge me coelicolis.
15. Pietati recommendo
Tuae meum genimen,
Tutes Ipsum protegendo
Ut per tuum regimen
Nec non Ipsis providendo
Sempiternum alimen.
16. Quantas miserationes
Mihi confers misero,
Gratiarum actiones
Pro quibus nunc refero,
Nec ad Inquinationes
Me tradam de cetero.
17. Rorem ergo nunc Infunde
Mihi, sancta trinitas,
Per quem mediter profunde
Semper tuas gratias
Quibus mihi tam abunde
Mentis das delicias.
18. Sursum agis saepe mentem
Meam ad coelestia,
Facis quoque quiescentem
In tui memoria,
Et, quaemundisunt, spernentem
Ac quaecunque tristia.
19. Tuum ergo famulatum
Prosequor ex debito,
Quem, exoro, habe gratum
Pro Mariae merito,
Et post mundi Incolatum
Ad coelos me ducito.
20. Ubi laudant jucundanter
Te cum sanctis omnibus,
Hymnis tuis qui ovanter
Insistunt et laudibus,
Quos In mundo principanter
Tuta nunc ab hostibus.
21. Xristum quoque qui sequuntur
Rerum per Inopiam
Et ei subjiciuntur
Crucis per molestiam,
Gratiose perducuntur
In aeternam gloriam.
22. Ymnizantum angelorum
Turmae hic praecipuae
Trinitati ducunt chorum
Semper individuae,
Ipsum per hymnum decorum
Laudantes assidue.
23. Zeloten, verbum et flamen
Yeneremur jugiter,
Beatorum quem examen
Laudat aeternaliter,
Quem laudemus et nos, amen,
In coelis perenniter.