8. Ad eundem.

1. Amor meus, Jesu pie,
Fili Dei et Mariae,
Meae ductor esto viae,
Qua Incedam hac In die

Tua providentia.
Ecce furor leoninus
Saevit, dolus sed vulpinus
Latet atque draconinus,
Unde cadam nunc supinus,

Ni adsis cum gratia.

2. Ergo, Jesu, lux divina,
Moesti cordis medicina,
Donum mihi nunc propina,
Quod me servet a ruina,

Donum sapientiae.
Tuam per benignitatem
Praesta mihi caritatem,
Fidem, spem et mititatem,
Vincam qua malignitatem

Auctoris malitiae.

3. O tu summa pulchritudo,
Omnis veri certitudo,
Esto mea fortitudo,
Ne pecati gravitudo

Mentem meam deprimat.
Mater tua, maris stella,
Pietatis rorans mella,
Me conservet In procella,
Hostis quoque dira bella

Sua prece reprimat.

4. Alma virgo mater Dei,
Clemens reparatrix rei,
Esto defensatrix mei,
Ne me vincat Jebusaei

Hostisve fallacia.
Fac me fortem, blandum, rectum
Et In cunctis circumspectum,
Meum, quaeso, Imperfectum
Tollens duc me per directum
Ad coeli palatia.