9. Oratio pro se Ipso de corpore Christi.

1. Ave germen prodiens

Ab agro virginali,
Specie te contegens

Sub sacramentali,
Cor meum deficiens

Culpa prae mortali,
Quaeso, sis reficiens

Dono spiritali.

2. Ave, mihi carior

Cunctis o sophia,
Cui devote famulor

Hac hymnologia,
Succurre, te deprecor,

Cum matre Maria
Mihi, qui depopulor

Mentis discrasia.

3. Ave, alimonia

Pascens uberose
Tuos tua gratia,

Qui te aruorose
Sumunt et Inania

Spernunt virtuose,
Meque de te satia.

Quaeso, fructuose.
4. Ave vitis gratiae,

Vitis generosa,
Fundens indulgentiae

Vina copiosa,
Riga conscientiae

Meae aridosa,
Donum des laetitiae

Pellens luctuosa.
5. Ave, Indeficiens

Copia credentum,
Altaris te tribuens

His per sacramentum.
Cor meum esuriens

Te vinum, frumentum,
Precor, sis reficiens,

Tibi fac Intentum.
6. Ave, mi amabilis

Atque reverende,
Semper mihi sedulis

Votis requirende,
Prece venerabilis

Matris apprehende
Arma et periculis

Cunctis me defende.
7. Ave, Jesu, epulum

Mentis amorosae.
Quam nunc et In saeculum

Reples copiose,
Sumere me servulum

Fac te operose,
Ne me velut nihilum

Spernas odiose.

8. Ave, suavissimum

Animae nutrimen.
Dans delicatissimum

Gratiae linimen,
Contra hostem pessimum

Mihi sis munimen,
Cum cis vitae terminum

Carnis scandam limen.
9. Ave, panis coelice.

Qui esuriei
Succurris munifice

Famulorum Dei,
Peto, rex magnifice,

Miserere mei,
Auferendo hosticae

Fraudes rabiei.
10. Ave, o dulcissimum

Nomen Jesu, ave,
Mihi jucundissimum

Mihique suave,
Servum strenuissimum

Tuum fore, fave
Mihi, et ad ultimum

Libera me a vae.
11. Ave, alimonia

Populi credentis,
Laudis per praeconia

Te benedicentis,
Refice Inania

Meae, quaeso, mentis,
Hostium Immania

Bella patientis.
12. Ave unguentariae

Praestans medicamen,
Perturbata varie

Quo mens relevamen
Recipit, pro gratiae

Tuae consolamen,
Munda me a carie

Vitiorum. Amen.