10. Ad sanctam crucem.

1. Ave, crux amabilis,
Quam Jesus Messias
Suis tulit scapulis
Passionis vias

Currens, a piaculis
Munda mentes pias,

Fantes laudum titulis
Tibi melodias.

2. Ave, praedicabile

Crucis Christi signum.
Omnibus amabile,

Omni laude dignum,
O inaestimabile

Paradisi lignum,
Aufer omne flebile

Hostemque malignum.

3. Ave, crux signaculum

Timorosae mentis,
Animae piaculum

Sese punientis,
Hostis aufer jaculum

In nos Insurgentis,
Praestans habitaculum

Vitae permanentis.

4. Ave, crux quae Inferis

Stragem procurasti,
Cum auctorem aetheris

In te bajulasti,
Tu piatrix sceleris

Adae protoplasti,
Trahens hunc a tenebris

In coelum locasti.

5. Ave, crux credentium

Tutum defensamen
Nec non poenitentium

Verum recreamen,
Mentibus lugentium

Praesta consolamen.
In terra viventium

Ducens post examen.

6. Ave, crux quae gaudium

Satanae solvisti,
Quando nostrum pretium.

Corpus Jesu Christi,
Tortum per martyrium

In te protulisti,
Et sic nobis praemium

Coeli praestitisti.

7. Ave, crux quae Impetus

Frangis sataninos,
Quando Christus gemitus

In te dat agninos,
Nostrae carnis strepitus

Aufer asininos,
Largiendo habitus

Nobis turturinos.

8. Ave, admirabilis

Crux et lignum vitae,
Satanae terribilis,

Nobis vero mite,
Loca nos In dexteris

Cum dicetur: Ite
Reprobis sed credulis:

Mecum nunc venite.