13. Ad BV. Mariam.

1. Ave virgo, coeli nobilitas,
Singularis cujus est dignitas,
Matris verae vera virginitas.
Et virginis vera fecunditas,

Sine viro viri nativitas,
Incarnata vera divinitas,
Deitati nubens humanitas,
Ab aeterno provisa veritas.

2. Ave, cujus tam sancta puritas
Et tam pura fuit Integritas,
Tam profunda fuit humilitas,
Habitaret ut In te deitas;
In te totum hoc egit trinitas,
Ut sentiret Adae posteritas,
Quod redemptor, salus et sanitas
Mittebatur ad oves perditas.

8. Ave stella, cujus serenitas
Prophetias solvit absconditas,
Per quam vetus cessit Infirmitas,
Videns videt antiqua caecitas,
Temperatur legis austeritas,
Tempus habent spes, fides, ca-
ritas,
Per quas Dei dono gratuitas,
Lucet justis aeterna claritas.

4. Ave, per quam veuit haec novitas,
Regum regis thronus et civitas.
Sua nobis praebet benignitas,
Sic delere sordes praeteritas,
Ne nos urat irae calamitas,
Cum venerit justa severitas,
Voluptates puniens aequitas,
Quas sequitur nostra stoliditas.

5. Sed sic tua nos juvet castitas,
Patri preces fundens emeritas,
Sua nobis ut parcat bonitas,
Timentibus ob res Illicitas,
Ut In regno, quod est aeternitas,
Ubi vera ridet hilaritas,
Salus, quies, pax et prosperitas,
Laudes Christo canamus de-
bitas.