14. Super Ave Maria.

1. Ave, mater altissimi,
Tu civitas refugii

Ad te confugientibus,
Quam angelus consilii
Arte struxit mirabili

Virtutum ex lapidibus.

2. Maria jaspis gratiae,
Curans febres malitiae,
Parienti subveniens,
Ut gignat prolem gratiae,
Phantasias nequitiae

Procul a nobis removens.

3. Gratia tu es nobilis,
Caput, linguam cum oculis

Sicut saphirus recreans,
Dum de te mens fit hilaris
Et ratio affabilis

Obtutum sursum elevans.

4. Plena donis coelestibus,
Ad te ut chaledonius
Trahis Inferni paleas,

Tu vincis In fidelibus
Causa tui pugnantibus,
Ut nos victores habeas.

5. Dominus tuam faciem
Ut In smaragdum nobilem

In te respexit clarius,
Qui lapis reddit aerem
Suo colore viridem,
Sed tu multo amplius,

6. Tecum sardonyx varius,
Niger, albus et rubeus,

Tuas virtutes praedicat.
Nigredo pauper spiritus,
Candorque castus animus,

Sed tuus amor rutilat.

7. Benedicta a Domino,
Assimilata sardio,

Qui totus est sanguineus,
Sic Interna compassio,
Qua passa es cum filio,

Laudatur cum martyribus.

8. Tu aureus chrysolitus,
Quia scintillas coelitus

Ex te emittis homini,
Per te fugatur ocius
Timor nocturnus noxius
Ruptis vinclis diaboli.

9. In beryllo sex anguli
Sunt cum pallore viridi

Reficientes oculos,
Sic sex verba consilii,
Quae ore profers humili,

Pascunt et sanant populos.

10. Mulieribus flentibus
Tu es facta topazius,

Undas flentes mitigans,
Qui cunctis cum lapidibus
In colore simillimus,

Sic Christus In te habitans.

11. Et chrysopassus viridis,
Guttis respersus aureis,

Tua felix est anima,
Utens visu cum angelis
Fulgensque actu hominis

In praesenti ecclesia.

12. Benedictus sit Dominus,
Qui posuit In manibus

Tuis jacinthum nobilem,
Qui clarus fit et nubibus
Sicut color aereus,

Sic te formas ad hominem.

13. Fructus tuus rosaceus
Cum viola purpureus

Est amethysto similis,
Qui lapis est contrarius
Cunctis ebrietatibus,

Sic virtus hujus virginis.

14. Ventris thronus eburneus,
Ornatus his lapidibus

Fit Salomonis sessio,
Qui est verus pacificus
Nec non Deus magnificus,
Ac profugi regressio.

15. Tui Indigni servuli
Auctrix, suscipe, meriti

Pauperrimum compendium.
Quod tibi offert virgini,
Ut fiat tui filii

Ornatum habitaculum.