17. Acrostichon super Ave Maria.

1. Ave, mater gratiae,

Mater pietatis,
Vas misericordiae,

Vas divinitatis,
Evae prolem respice,

Fons benignitatis,
Mundans nos a crimine

Nostrae pravitatis.

2. Ave, virgo virginum,

Nescia mixturae,
Rosa flagrans, rutilum

Sidus vitae purae,
Interpella filium

Tuae geniturae,
Arceat ut nubilum

Omnis imposturae.

3. Gemma pudicitiae,

Forma castitatis,
Regula justitiae,

Limes aequitatis,
Ave, individuae

Templum trinitatis,
Carens Impetigine

Omnis foeditatis.

4. In conclavi vernula

Dum te salutavit,
Arce missus supera,

Verbum instillavit,
Puellaris cellula

Quod post eructavit,
Legi carnis obvia

Dum sic generavit.

5. Ex conceptu deitas

Verbi non mutata
Nec tua virginitas

Exstat deflorata,
Ast prior Integritas

Utrique servata,
Dum tibi divinitas

Est concorporata.

6. O felix puerpera,
Quam sic visitavit,
Mundi qui facinora
Deus expiavit,

In te vitae limina

Nobis reseravit,
Nostrae carnis trabea

Dum se calceavit.
7. Uere cum In thalamo

Coeli te locavit,
Sponsus dulci basio

Te laetificavit,
Te quidem a saeculo

Languens affectavit,
Et sine divortio

Sibi copulavit.
8. Collaudant jam studia

Te nostrae sophiae,
Fenerantur organa

Dulcis symphoniae,
Mare, tellus, aethera,

Coelestes usiae,
Benedicunt omnia

Tibi, matri piae.
9. Ergo, coeli Domina

Mundique lucerna,
Nobis fer praesidia

De sede superna,
Et cordis elimina

Vitia Interna,
Dirige per devia

Mentes ad aeterna.
10. In hoc mundo naufrago

Carne fluctuamus,
Carnis In profluvio

Sed ne pereamus,
Te precatu cernuo

Jugiter pulsamus
Atque corde sedulo

Ad te suspiramus.

11. Trahe nos per maria,

Stella claritatis,
Ueni, arce nubila

Contrarietatis,
Insolentes tempera

Fluctus voluptatis,
Ne mortis per Invia

Currat nostra ratis.

12. Mortem carnis naufragae

Fac nos evitare,
Vanitatis defluae

Rete declinare,
Luxum perfunctoriae

vitae propulsare,
In tuae clementiae

Sinu respirare.

13. Ecce jam In sordibus

Foedis volutamur,
Recidivis anxiis

Iterum gravamur.
Insperatis hostibus

Ubique vallamur,
Quorum ab Incursibus

A te protegamUR.

14. Ueni ergo coelitus,

Regina virtutis,
Suffragare citius

Ope destitutis.
Et suis perplexius

Faecibus Imbutis
Tribue clementius

Veniam salutis.

15. Blandimentis noxiis

Jube nos obstare,
Et quibusque vitiis

Carnis obviare
Necnon lenociniis

Mundi repugnare
Et virtutum studiis

Mentem applicare.

16. Da. ut sic flagitium

Omne propulsemus,
Ipsum regem scelerum

Ut exsuperemus,
Cujus supercilium

Sic eliminemus.
Tuum per auxilium

Ne recidivemus.

17. Ueni, veni, propera.

Mater orphanorum,
Salva reos, vincula

Laxans peccatorum,
Firma vacillantia

Corda miserorum,
Rogans prece sedula

Regem angelorum,

18. Ut In nobis roboret

Omne decoratum,
Clarius elucidet

Cor obtenebratum,
Tergat et eliminet

Quodque depravatum,
Ueniam multiplicet.

Deleat reatum.

19. Sic tua benignitas

Nobis suffragetur,
Vt omnis Iniquitas

Nobis relaxetur.
Et cum vitae stadium

Hujus destruetur,
Nobis perpes bravium

Per te condonetur.

20. Tuere, quos carcerat

Haec vita poenalis.
Reprobos cum feriet

Mors interminalis.
Ipse nos ne reprobet

Deus aeternalis,
Sed benignus liberet

A quibusque malis.

21. Tecum ut In dextera

Omnes collocemur,
Ubi et per saecula

Vita jucundetur
Iesum et In gloria

Patris contemplemur,
Cum sancto spiramine

Semper veneremur.