21. O pulcherrima mulierum.

1. Ave, decus virginum,

Sacri fons dulcoris,
Expiatrix criminum,

Thalamus pudoris,
Supernorum agminum

Speculum decoris,
Proscriptrix formidinum,

Pultrixque moeroris.
2. Ave, vitae pabulum,

Fons dilectionis,
Castitatis speculum,

Vellns Gedeonis,
Pauperis umbraculum

Cunctis plena bonis.
Nos, quos premit saeculum,

Tuis fove donis.
3. Ave, fons laetitiae,

Flos virginitatis.
Fons misericordiae,

Lumen veritatis.
Domus sapientiae,

Sedes honestatis,
Portus indulgentiae,

Forma sanctitatis.
4. Ave, lumen gratiae.

Deo valde grata,
Summae sapientiae

Nutu fabricata,
Radix pudicitiae

Nunquam Inquinata,
Humanae miseriae

Succurre parata.
5. Ave, sole pulchrior

Stella matutina,
Liliis fioridior,

Olens In pruina,
Rosis rubicundior,

O coeli regina,
Me, qui tibi famulor,

Serves a ruina.

6. Ave, salutifera

Gratiae pincerna,
Radix odorifera

Veniae lucerna,
Purga me, puerpera,

A labe veterna.
Ad tuendum propera,

Ne mergar ad Inferna.
7. Ave, coeli domina,

Terrae atque maris,
Valde felix femina,

Parens expers paris,
Super coeli agmina,

Virgo, exaltaris,
Mea terge crimina,

Portus salutaris.
8. Ave, plenum gaudium,

Puella decora,
Salutis exordium,

Tutrix sine mora.
Coeleste sacrarium.

Paradisi prora,
Amoris connubium

Per coelorum fora.
9. Ave, pacis vinculum,

Morum disciplina,
Sidus coeli rutilum,

Flagrans lux divina,
Exorantem servulum

Te prece supina
Per juvamen sedulum

Tuere festina.
10. Ave, virgo regia,

Rivus fluens melle,
Tua per suffragia

Mala procul pelle,
Me passum naufragia

Omni purga felle,
Ut sim gratus dulia

Tibi maris stellae.

11. Ave thronus gratiae,

Vitis fundens vina,
Navis omni carie

Carens et sentina,
Da, ne cadam hodie

Morte repentina,
Inferni malitiae

Ne fiam rapina.
12. Ave, lux laetitiae,

Mater liberalis,
Vitis abundantiae,

Fove me sub alis,
Da ritu justitiae

Ne conjungar malis,
Sed per dona gratiae

Justis sim aequalis.
13. Ave, flos munditiae,

Mundus a pruina,
Myrthus temperantiae,

Aegri medicina,
Dono sapientiae

Et legis doctrina
Menti meae sauciae

Medelam propina.
14. Ave, regis gentium

Sponsa Sunamitis,
Sitim pellens mentium

Radix verae vitis,
Per te, lux errantium

Detur pax contritis,
Flamma discordantium

Suffocetur litis.

15. Ave, turtur nubilis,

Virgo columbina,
Mater admirabilis,

Rosa sine spina,
Turris Invincibilis

Stellaque marina,
Mandatorum vinculum

Deo me combina.

16. O verum solatium

Juva mortis hora,
Dulce refrigerium

Coelitus irrora,
Tuum mitem filium

Pro me tunc exora,
Delictorum omnium

Veniam Implora.
17. O virtutum regula,

Genitrix benigna,
Virgo sine macula,

Summa laude digna,
Scandens fumi virgula,

Nos tibi consigna,
Cuncta prece sedula

Comprime maligna.
18. O Christi puerpera,

Dulcis mi patrona,
Me peccantem repara

Auferendo vana,
Nato me confoedera,

Ut per sua dona
Mihi dones prospera

Et coelorum dona.
19. O regina tenera,

Nostra advocata,
Per quam sunt facinora

Mundi reserata,
Mentis pia vulnera,

O virgo beata,
Quae Inflixit effera

Cohors et damnata.
20. Tuum mihi jugiter

Adsit consolamen,
Ac In morte firmiter

Prosit adjuvamen,
Orco ne perenniter

Tradar post examen,
Sed tecum feliciter

Deo fruar. Amen.