23. Acrostichon super Ave Maria.

1. Alpha et O nominate,

Jesu rex altissime,

Cum aeterno regnas patre

Atque sacro flamine,

En devotus curro ad te

Cum affectu animae

Supplicans pro gratia,

2. Vt matrem tuam bcatam,

Gloriosam virginem,

Modo tecum collocatam

Superna Jerusalem,

Omni bono decoratam,

In hac oda praedicem

Mentis cum Industria.

3. Ejus merito honorem

Inhianter sitio,

Cujus jugiter valorem

Gratiarum sentio,

Meum lenit nam laborem

Suo beneficio

In mundi miseria.

4. Meis culpis cum prostratus

Essem horribiliter

Et ob hoc Irem turbatus

Corde mirabiliter.

Ad antiquum reparatus

Statum sum feliciter

Ipsius clementia.

5. Aliunde haec persona

Cunctis venerabilis,

Multa mihi fecit bona

Meis In periculis.

Quae vix caperet membrana

Centum In capitulis

Scriptis cum peritia.

6. Rerum jam deposcit modus

Decorque dictaminis,

Ut accendar mente totus

In amore virginis.

Quam naturae duxit nodus

Carnalis originis

Regum de prosapia.

7. In propheta Isaia

Siquidem describitur,

Quod de genealogia

Jesse stirps egreditur,

Ex qua non naturae via

Flosculus exoritur

Sed Dei potentia.

8. Atqui flos Ibidem scriptus

Verus est Emanuel,

Qui et lapis fuit dictus,

Sicut scribit Daniel,

Quem Mariae coelo missus

Nuntiavit Gabriel

Summa reverentia.

9. Gaude ergo, mater Dei

Atque domicilium

Nec non ager speciei

Mire gignens lilium,

Ex quo plenum sumunt rei

Animae remedium

Acta poenitentia.

10. Reges tres ab oriente

Tunc venerunt protinus.

Tuum natum te vidente

Adorant devotius,

Offerentes prona mente

Fidem cum muneribus

Freti sapientia.

11. Auro regnum designatur

Christi, regis omnium,

Thus, quod Deo Immolatur,

Signat sacerdotium,

Myrrha, cum qua condiatur,

Crucis post supplicium

Summa diligentia.

12. Custos tuus virginalis,

Joseph tunc Instruitur,

Quod Herodis fraus feralis

Contra Jesum nititur,

Sic mens tua matemalis

Terrore concutitur

Gravique angustia.

13. Inde, virgo, te disponis

Iter ad Incognitum,

Visitare Pharaonis

Populum Indomitum,

Ut servares a praedonis

Ense unigenitum

Atque fraudulentia.

14. At peregrinationis

Tunc peracto tempore

Venit consolationis

Nuntius ab aethere,

Vocans vos ad regionis

Vestrae solum propere

Vel cum festinantia.

15. Porro cum appropinquaret

Joseph vestris finibus,

Audiens quod his regnaret

Archelaus partibus,

Atque Illuc trepidaret

Ire, venit nuntius

Missus coeli curia.

16. Locum Illi designavit,

Nazareth florigeram,

Virginem qua obumbravit

Virtus Dei teneram,

Teque sanctus impraegnavit

Spiritus puerperam

Sua assistentia.

17. Euge, mater, flos candoris,

Fragrans plus quam lilium,

Quantum tibi vis amoris

Dabat refrigerium,

Nati delicati oris

Tu sumebas basium,

Mater, nam fiducia.

18. Nam, ut reor, habitante

Tecum tuo filio,

Est amota velut flante

Vento tribulatio,

Quam ferebas procurante

Rege In exsilio

Magna patientia.

19. Anni vero duodeni

Jam decurso tempore,

Jesus tecum ductu leni

Dignatur ascendere

Templum, quo scriptura pleni

Solebant exponere

Moysis legalia.

20. Dolor, dum repatriares,

Te pressit cum Impetu,

Jesum dum considerares

Deesse In reditu,

Et amissum repedares

Quaere cum gemitu

Mentisque Instantia.

21. O quam magno solabaris,

Pia mater, gaudio,

Natum cum intuebaris

In doctorum medio

Quasi unum ex Ignaris

Quaerere cum studio

Scripturae mysteria.

22. Mihi, dicis, quid fecisti,

Fili peramabilis,

Quare Ita subtraxisti

Te a tuis famulis,

Quem quaerebam corde tristi

Domibus et viculis

Loca per distantia.

23. Ille vultu pietatis

Plectro vocis tenerae

Motum suae dulcis matris

Conabatur flectere;

Dixit: In his, quae sunt patris,

Decet me consistere

Ex obedientia.

24. Nazarenam civitatem

Vobis redeuntibus,

Et per veram paupertatem

Illic habitantibus

Per Innatam pietatem

Subdidit se plenius

Vobis curo modestia.

25. Uerum tempus dum Instaret,

Ut In mirabilibus

Mundo se manifestaret

Signis et virtutibus,

Et mortem acccleraret

Pati pro hominibus

Multaque opprobria;

26. Servum suum baptizantem

Peccatores adiit,

Se nos omnes emendantem

Baptizari petiit,

Prae timore reluctantem

Luculenter Instruit

Omni de justitia.

27. Tunc vox venit paternalis

Audita de nubibus:

Hic est meus naturalis

Ac dilectus filius,

In quo mihi specialis

Amor est prae omnibus

Inter existentia.

28. Ejus voci vel mandatis

Obaudite jugiter,

Viam vobis aequitatis

Nam pandet veraciter,

Ut tenentes hanc vivatis

Secum aeternaliter

In aeterna gloria.

29. Coepit enim propalari

Mundo In miraculis,

Quem vix possent declarari

Mille In periculis,

Quae per sacra Indagari

Multis In capitulis

Ponunt evangelia.

30. Vires mentis, o Maria,

Sublevo devotius

Ad te hac In hymnodia,

Quam nunc In coelestibus

Omnis laudat hierarchia

Hymnorum concentibus

Sine dissonantia.

31. Maris stella, quae cacumen,

Tenens In sublimibus,

Deitatis clarum lumen

Largiris terrestribus,

Gratiarum quod dat flumen

Sibi adhaerentibus

Legis cum custodia.

32. Bono summo nos commenda,

Patri, nato, flamini,

Cujus virgo praecolenda

Adstas celsitudini,

Hora mortis In horrenda

Ne nos det discrimini

Propter nostra vitia.

33. Ejus nobis leni pectus,

Virgo venerabilis,

Unicornis qui Illectus

Carnis tuae vinculis,

Malos cum damnabit rectus

Judex et terribilis

Finali sententia.

34. Nimis certe metuendus

Est hic mundi terminus,

Universis cum tremendus

Judicabit Dominus,

Atque Satan est tradendus

Suis cum complicibus

Stygis ad supplicia.

35. E diverso praepolitis

Ferro poenitentiae

Ornatisque margaritis

Sanctae continentiae

Judex apparebit mitis

Cum signo clementiae

Vocando ad praemia.

36. Deus erit merces Ibi,

Hoc est In coelestibus,

Cum devotione sibi

Rite servientibus,

Credo certe, quod et tibi

Juste famulantibus

Cordis vigilantia.

37. In superna regione

Omnis Introducitur,

Qui per tribulationem

Hic In mundo premitur

Ullam consolationem

Nec habere sinitur

Propter adversantia.

38. Conculcantur nempe multi

In mundi miseriis,

Qui putantur tamquam stulti

Indigni solatiis,

Sed profecto bonis fulti

Exstant exercitiis

Mentisque prudentia.

39. Tales certe sic despecti

Malis ab hominibus,

Si perseverabunt recti

Suis In virtutibus,

Deducentur ut electi

Cum beatis omnibus

In regna perennia.

40. Audi modo, mater clemens,

Precatum ecclesiae,

Quo solamen a te petens

Insistit quotidie.

Nam hanc premit Ira fremens

Populi perfidiae

Magna cum saevitia.

41. Tolle, mater, nunc flagellum

Prece tua dulciter,

Per rapinam et per bellum

Gravans terribiliter.

Christianum quod popellum

Premit tam hostiliter

Temporum per spatia.

42. Ut amoto adversantis

Fortunae excidio

Tuae precis exorantis

Optato praesidio

Concinamus concrepatis

Chori cum tripudio

Hymnos et laetitia.

43. Illud sic depopulamen

A nobis credentibus

Ablatum per adjuvamen

Tuum stringit arctius

Ad canendum jubilamen

Tibi nos devotius

Remota desidia.

44. Nazareni mater floris

Florisque deifici,

Quem collaudant cunctis horis

Ordines angelici

Fac Ipsius nos amoris

Odoratu refici

In superna patria.

45. Mire quippe nos renatos

Ejus odor allicit

Et a culpis emendatos

Copiose reficit,

Sic In bono confirmatos

Tandem plene proficit

Sua efficacia.

46. Fana mundi modo miro

Sua facit spernere

Sapiensque prae deliro

Prudenter discernere,

Ut nec hostis ense diro

Valeat avertere

Hos ab Innocentia.

47. Liquet Illud manifeste

Per agones martyrum,

Persuasores qui modeste

Superarunt scelerum.

Ita regnum Christo teste

Meruere superum

Sua per martyria.

48. Iucundare Incessanter,

O sancta theotocos,

Quae post Deum principaliter

Regnas super coelicos

Nos ad nati duc laetanter

Excessus theoricos

Et ad coeli gaudia.

49. Est nam pulcher Christi vultus

Et desiderabilis,

Mira luce circumfultus

Cunctis carens maculis,

Homo. quem virtute cultus,

Veneratur titulis

Laudum cum constantia.

50. Rogo, mater, plorabundis

Aurem praebe vocibus,

Opem a te de profundis

Misere precantibus,

Per te gratiarum undis

Absolvantur citius

Poena purgatoria.

51. Illis Ita liberatis

Et solutis debitis

Ac Ipsorum reparatis

Bonis culpa perditis,

His fons summae pietatis

Det pro tuis meritis

Sanctorum consortia.

52. Belluinam pravitatem

Infernalis bestiae

Tuam per benignitatem

Preme, mater gratiae,

Ne trahat ad falsitatem

Filios ecclesiae

Sua cum fallacia.

53. Halla vallo scripturarum

Mentes te colentium,

Ne In conscientiarum

Domos Intret vitium,

Quo cogantur tenebrarum

Intrare confinium

Carnis post excidia.

54. Sectas ergo fac nos gnare

Perversorum dogmatum

Semper omnes declinare,

Ne nos per Indebitum

Sensum queant Inclinare

Mortis ad Interitum

Sua ex astutia.

55. Ediderunt nam Inculta

Cerinthus et Ebion,

Quibus addiderunt multa

Arius et Marcion,

Quorum reprobare stulta

Fac nos, o theotocon,

Fidei scientia.

56. Talem vero fidem praesta,

Fidem Inquam fervidam,

Qua vitemus Inhonesta

Et doctrinam perfidam,

Ac ad coeli ducat festa

Nos et aulam floridam,

Quae caret molestia.

57. Bona, cujus mens perfecte

Non potest percipere,

Neque lingua circumspecte

Aliis exprimere,

Quae dignatur genti rectae

Deus retribuere

Ex benevolentia.

58. Ecce Illud verum scias

Et Infallibiliter,

Hoc, quod scribit Isaias,

Relegas sagaciter,

Qui per suas prophetias

Hoc pandit veraciter

Dei conniventia.

59. Nunc te, virgo, deprecarer

Tristeque accedimus,

Qui gravamur Incessanter

Perfidis ab hostibus,

Ut nos tutes miseranter

Ab Ipsorum fraudibus

Et malevolentia.

60. Eorundem paca mentes

Abigens Invidiam,

Qua Insurgunt Insolentes

Dei In ecclesiam

Ac ut lupi Irruentes

Suam per ferociam

Christi In ovilia.

61. Dolus hostis probitatis

In mundo praevaluit,

Atque decus honestatis

Plurimum jam tepuit,

Nam rector communitatis

Mala non Inhibuit

Sua ex Ignavia.

62. Illis malis, mater pia,

Petimus humiliter,

Nato tuo cum Messia

Occurre velociter,

Ne vel justos recta via

Currentes atrociter

Portabant ad Invia.

63. Caros nostros et parentes

Cum benefactoribus.

Vivos sive jam degentes

In terrae pulveribus,

Exoramus te gementes,

Consolentur citius

Tua beneficia.

64. Tristes mente subleventur

Tuo patrocinio,

Et quicunque detinentur

Aliquo supplicio.

Nec non omnes, qui torquentur

Pro quocunque vitio

Stygis per Incendia.

65. Uectes ergo Phlegetontis

Tuis frange viribus

Et absolve hos a tantis

Poenis et tam gravibus,

Absolutosque de fontis

Gratiarum Imbribus

Abundanter satia.

66. Sic hos ergo liberatos

A poenarum vinculis

Atque plene expurgatos

Suis a piaculis

Et honeste perornatos

Meritorum titulis

Perduc ad coelestia.

67. Famulatum, o Maria,

Respice clementius,

Promimus In hymnodia

Ista, quem attentius,

Offerentes tibi, pia,

Verbis et operibus

Mentium encaenia.

68. Reverenda nam es certe

Creaturis omnibus,

Magis tamen et diserte

Christo adhaerentibus,

Quorum salus constat per te

Dimissis criminibus

Plena Indulgentia.

60. litis ex te germinavit

Supremae fragrantiae,

Quae visura obumbravit

Filios ecclesiae

Ac devotos laute pavit

De vino laetitiae

Et In abundantia.

70. Cujus vitis botrus crucis,

Prelo cum exprimitur

Tua mens, o mater lucis.

Gladio confoditur

Mundusque ab hostis trucis

Vinculis eripitur

Et ejus versutia.

71. Tuus mater praedilectus

Sic miserabiliter,

Pendens tristis ac despectui

A Judaeis viliter,

Ejus adfuit affectus

Tibi filialiter

In pressura nimia.

72. Uni, qui evangelista

Exstitit praeeipuus,

Jubet, ut In vita Ista

Tuus sit assiduus

Servus, comes et hymnista

Ac provisor cemuus

Tua neccessaria.

73. Sepultura cum completa

Esset sacri funeris,

Tune Jobannem insecnta

Reverenter sumeris,

Et honore matris freta

Ab eodem pasceris

Carnis alimonia.

74. Vbi vero mundiale

Complesti exsilium,

Glorianter aeternale

Ascendisti solium,

Inde, decus virginale,

Tuum per auxilium

Nobis fer solatia.

75. Euge, virgo veneranda,

Cum aeternis jubilis

In aeternum collaudanda

A beatis angelis,

A nobis praeconisanda

Semper tuis famulis

Laudum resonantia.

76. Nisu toto adbaerentes

Tibi, mater gratiae,

Dita modo poenitentes

Dono Indulgentiae,

Simus semper ut gaudentes

Domo conscientiae

Sine arrogantia.

77. Tali dono sic repleti

Tuum per subsidium

Collaudemus semper quieti

Te ac tuum filium,

Mundique linquamus laeti

Miserum exsilium

Et non cum moestitia.

78. Rosulentum tuum vultum

Nec non venerabilem

Tunc ostende, nobis multum

Cunctisque amabilem,

Et repelle hostem stultum

Nimisque terribilem

Cum sua pellacia.

79. Is nam nostra nobis cuncta

Mala sic objiciet,

Quod momenti atque puncta

Minima praeteriet

Sed te matre nobis juncta

In cunctis deficiet

Ejus pertinacia.

80. Sic signati sancta cruce

Tuisque praesidiis

Et fugato hoste truce

Suis cum Insidiis,

Conjungamur tunc te duce

Sanctorum consortiis

In superna regia.

81. Tuta loca sic tenentes

Laetanter In coelicis,

Extollemus nostras mentes

Hymnodiis melicis,

Deum te quoque colentes

Choris cum angelicis

Summa concordantia.

82. Tnum Deum substantive,

Trinum personaliter,

Regnantem Indefective

Vel potentialiter

Cernemus admirative

Nec non facialiter

Et absque acedia.

83. In hac quippe visione

Juxta verbum Domini

Sive In cognitione

Salus datur homini,

Huic ex dilectione

Adhaerenti numini

Non ex violentia.

84. Illic, mater o benigna

Atque praeamabilis.

Quam antiqua docent signa

Honoranda titulis.

Sede semper fulges digna

Prae sanctis et angelis

Mira excellentia.

85. Hos profecto tu praecellis

Tuis privilegiis,

Sicut mundum sol prae stellis

Suis lustrat radiis,

Quod doctores In cancellis

Modis probant variis

Lege falsi nescia.

86. Ergo, clemens o regina,

Cunctis venerabilis,

In coelorum officina

Sic exstans laudabilis,

Nobis esto medicina

In mundi periculis

Precum per suffragia.

87. Sicut enim jam cunctorum

Patescit obtutui,

Totus mundus vitiorum

Subjacet conflietui.

Opem fer praesidiorum

Christi exercitui,

In quo stat ecclesia.

88. Ut gravatus jam gentili

Manu foris acriter,

Intus vero et civili

Rixa multipliciter,

Arte devincat subtili

Mala et viriliter

Vel cum patientia.

89. Sempiterni patris verbum,

Tuus dulcis filius,

Sua morte qui superbum

Suis privat viribus,

A nobis omne acerbum

Tuis tollat precibus

Cum omni Infamia.

90. Christum adoramus cuncti

Natum ex te virgine,

Cujus gloriamur uncti

Sanguinis aspergine,

Exoramus te compuncti

Hostis nos fraudamine

Tutes et a furia.

91. Robur cujus tu subnerva

Ejusque satellitum,

Voluntate quo proterva

Facit In nos Impetum,

Tua prece nos conserva,

Ne nos ad Interitum

Trahat ex audacia.

92. Induit is nam frequenter

Formulam angelicam,

Qua occultat fraudulenter

Speciem satanicam,

Multa mentem Insolenter

Docet sic catholicam

Inconvenientia.

93. Siquidem sic minus tritos

In dono scientiae

Ad errores Infinitos

Sub virtutum specie

Trahit. quos sic Irretitos

Laqueis nequitiae

Trahit ad Inania.

94. Te regnantem jam In arce

Summae celsitudinis

Venerantes, hujus calce

Deprecamur carminis,

Ut praeserves a fornace

Aeternae uredinis

Corda te amantia.

95. Uana mundi aspernari

Fac nos virtualiter,

Et quae Dei sunt, sectari

Animo hilariter,

Mereamur, ut beari

Cum sanctis perenniter

Maris post naufragia.

96. Salve, mater benedicta,

Salve, salve millies,

Vero sole stans amicta

Splendens ut meridies,

Jam Iratum ob delicta

Filium propities

Nosque reconcilia.

97. Amoris hoc signum cernas

Tibi famulantium,

Dictum voces per externas

More jubilantium,

Quod nos ducat ad aeternas

Odas te laudantium

Cum perseverantia.

98. Mater sempitemae lucis,

Mater clemens pauperum,

Quae ad vitam nos reducis

Ab errore scelerum,

Frena fraudem hostis trucis,

Ne ducat In Inferum

Sua nos ferocia.

99. En ad te, virgo, clamamus,

Matris Evae filii,

Qui In hujus oberramus

Fluctibus exsilii,

Maternalis nobis manus

Tuique praesidii

Praestes et auxilia.

100. Ne finale post examen

Propter nostra scelera

Demergamur In sufflamen

Stygis vel In tartara

Sed per te laetanter, amen,

Levemur ad aethera

Sine resistentia.