25. Laudatorium B.V.M.

Ad Matutinum.

I.

1. Ave, Dei filia

Christique conclave,
Cujus patrocinia

redolent suave,
Canere praeconia

tua mihi fave,
Nam hoc tua gratia

non est mihi grave.

2. Ave, splendens gemmula

Virtus divinalis
Servavit a macula

Quam originalis
Culpae, sed et scandala

Noxae venialis
Nescis per curricula

Vitae virginalis.

3. Ave quae es regia

Nata parentela.
Cujus privilegia

In Ista loquela
Concino, contagia

Mea, precor. vela
Et mihi, egregia

virgo, te revela.

4. Ave, virgo Israel,

populi fidelis,
Porto quam Ezechiel

Suis fert loquelis,
Ad te sanctus Gabriel

Missus est de caelis.
Dicens, ut Emanuel

Mater esse velis.

5. Ave, cui angelus

Idem dicens ave,
Nomen diligentius

Vertit matris Evae,
Precor te devotius

Per hoc ave suave,
Libera me penitus

Miserorum a vae.

6. Ave admirabilis

In conditione
Et Inviolabilis

In conceptione,
Homini perutilis

In parturitione,
Adsis tuis famulis

Cum protectione.

7. Ave, cujus utilis

Partus In effectu
Fuit admirabilis

Suo In conceptu.
Nam inperceptibilis

Est ab Intellectu,
Sed multum amabilis

Nobis In affectu.

8. Ave, radix germine

Miro decorata,
Ab aeterno flamine

Cum es foecundata,
Meo cum genimine

Salva me, beata,
Mundans nos a crimine

Velut advocata.
9. Ave, rubus coelicae

Apparitionis
Tempore dominicae

Incarnationis,
Ob laudem hymuidicae

Hujus cantionis
Memor sis catholieae

Congregationis.

10. Ave, o ficulnea

Signum dans aestatis,
Cum circumdas trabea

Carnis verbum patris,
O domus eburnea

Sanctae trinitatis,
Ad verna aetherea
Duc me cum beatis.

II.

11. Salve, quae hospitium

Christo peregrino
Praebuisti uterum

Ex nutu divino,
A casu me miserum

Serves repentino,
Ne trahar ad Inferum

Impulsu Sathanino.

12. Salve, quae de Nazareth,

Postquam concepisti,
Ad sanctam Elisabeth

Gaudens perrexisti,
Pietas appropriet

Tua mihi tristi
Gratiamque Impetret

Mihi Jesu Christi.

13. Salve, virgo, requies

Creatoris rerum,
Qua per novum ordinem

Pausavit dierum,
Deprecor, propities

Mihi Deum verum,
Nunc per actum pluries

Laesum Insincerum.

14. Salve, o Jerusalem

Filia formosa,
Pascua In Bethlehem

Gignens pretiosa,
Ad coeli progeniem

Meam gaudiosa
Meque tuum supplicem

Duc, o gloriosa.

15. Salve, virgo tenera,

Vates quam scripserunt,
Sacra cujus ubera

Christum Iactaverant,
Pia mater, propera,

Me nam Invaluerunt
Caro, mundus, vipera

Stygis ac laeserunt.

16. Salve, carens stimuli

Tua genitura,
Quam collaudant angeli

Omnisque factura,
Servo tuo flebili

Adesse matura,
Quando carne debili

Linquam transitura.

17. Salve, cujus gremium

Tenet puellare
Humanum solatium,

Dei salutare,
Hostibus credentium

Digneris obstare,
Hosque per obsidimn

Tuum expugnare.

18. Salve, florens virgula

Aaron Levitae,
Flore tuo scandala

Cuncta pellens rite,
Post mundi pericula

Dic nobis: Venite,
Laeti tabernacula

Coeli Introite.

19. Salve, candens lilium

Verae castitatis
Cujus odor filium

Traxit Dei patris,
His, quos purgatorium

Punit pro peccatis,
Porrige suffragium

Tuae pietatis.

20. Salve, virgo nobilis,

Cunctis reverenda,
Nobis tamen famulis

Tuis post colenda,
Nostris a piaculis,

Mater, nos emenda
Precibusque sedulis

Nato recommenda.

III.

21. Gaude, cujus viscera

Casta permanserunt,
Contra moris foedera

Quando genuerant,
Isto partu supera

Regna patuerunt,
His, qui sua scelera

Poenis diluerunt.

22. Gaude, aromatica

Cella redemptoris,
Quae nostri es unica

Medela languoris,
Quaeso, me pacifica

Intus atque foris,
Abigens tristifica

Insidiatoris.

23. Gaude, templum gratiae

Atque castitatis,
Templumque potentiae

Summae trinitatis,
O mater clementiae,

Praesta mihi gratis
Donum sapientiae

Atque pietatis.

24. Gaude, turris continens

Clipeos virtutum,
A devotis abigens

Quibus es versutum,
Quaeso, mei miserens

Esto mihi scutum,
Ut a mundo transiens

Iter vadam tutum.

25. Gaude, sapientiae

Dei pia nutrix,
Ac coelestis gratiae

Larga distributrix,
Sanctae sis ecclesiae

In cunctis adjutrix,
Meaeque miseriae

Totius solutrix.

26. Gaude, virgo vigilans

Bonos protegendo,
Daemones tristificans

Procul abigendo,
Manus meas jubilans

Ad te nunc extendo,
Me meosque supplicans

Tibi recommendo.

27. Gaude, vitis, daemones

Fugans tuo flore,
Culpae impetigines

Qui sedat odore,
Ejus me corrobores

Tuique amore,
Vagantem per turbines

Mundi cum labore.

28. Gaude, quae magnifica
Veneratione
Laudaris In coelica
Semper regione,
Colentes hymnidica
Hac te cantione
Serves a Sathanica
Impugnatione.

29. Gaude, quae laetitiam

Angelis fecisti,
Quando sapientiam

Dei genuisti,
Peccatori veniam,

Consolamen tristi,
Trinitati gloriam

tunc retribuisti.

30. Gaude, cujus gremium

Fovit medicamen,
Quod reis remedium

Dat et relevamen,
Auferas credentium

Praesens tribulamen,
Ipsos persequentium

Vim repellens. Amen.

Secunda Pars.
Ad Laudes.

I.

81. Ave. per quam oritur

Lux In coelo sita,
Qua majestas cernitur

Dei Infinita,
Inimici pellitur

Nostri fraus molita,
Et mors nostra moritur,

Reparatur vita.

32. Ave, virgo nobilis,

Felix et praeclara,
Mundo praeamabilis,

Deo multum cara,
Nobis tuis famulis

Vana fac amara,
Et In tabernaculis

Coeli locum para.

33. Ave, coeli gaudium,

Rutilans aurora,
Tu spes te colentium,

virginum decora,
Largire praesidium

Nobis sine mora,
Ducens post exsilium

Ad coelorum fora.

34. Ave, lux et domina

Coeli, terrae, maris,
Quae In sacra pagina

Jacob stella faris,
Precor te, genimina

Mea tuearis
Hoste, per haec carmina

A quibus laudaris.

35. Ave, Jesse virgula,

Cujus solvet fructus
Vitiorum vincula

Tristiumque luctus,
Per haec Stygis pessula

Hostisque destructus
Et Adam cum copula

Est In coelum ductus.

36. Ave, luminarium

Splendens In supernis,
Nam omne, contrarium

Quod est luci, spernis,
Tuum devotarium

Mundes In Internis,
Quem peccatum varium

Inquinat, ut cernis.

37. Ave, cui In citharis

Hujus symphoniae
Jubilo cum ceteris.

Qui te laudant pie,
Cunctos mei generis,

O mater Messias,
Segreges a miseris

In extremo die.

38. Ave, arcus positus

Foederis In signum,
Tempestatis spiritus

Omneque malignum
Pellens, Ista servitus

Faciat me dignum
Tuis semper laudibus,

Cautum et benignum.

39. Ave, fortitudinis

Urbs atque regalis,
Sorde carens criminis

Omnibusque malis,
Pelle VI precaminis

Tui virginalis
Impetum moliminis

Hostis Infernalis.

40. Ave, tabernaculum

Foederis divini,
Quam laudant In saeculum

Coeli Inquilini,
Veneni periculum

Aufer zabulini,
Iram atque scandalum

Motus asinini.

II.

41. Salve, de qua canitur:

Ave maris stella,
Tu, qua Christus conditur,

Scirpea fiscella,
Plebis ejus quatitur

Navis In procella,
Per quam ad te fugitur,

O dulcis puella.

42. Salve, quam hilariter

Condo fidelis
Cantionum jugiter

Veneratur melis.
Rogo te humiliter

Me sanare velis
Laesum horribiliter

Inimici telis.

43, Salve, habitaculum

Domini Messiae,
Quem laudant In saeculum

Coeli hierarchiae,
Salva me per jubilum

Hujus symphoniae,
Aliquod ne scandalum

Incidam hac die.

44. Salve, sidus, radium

Miram quae diffundis,
Qui dat magnum gaudium

A peccato mundis,
Vocibus clamantium

Ad te gemebundis,
Tuum des praesidium

Trahens de profundis.

45. Salve, luna tenebras

Culpae quae repellis,
Stellas namque ceteras

Lumine praecellis,
Mihi nanti praebeas

Manum In procellis,
Lites mundi auferas,

Finem pone bellis.

46. Salve, lux laetitiae

Homini credenti,
Nulli lumen gratiae

Denegans petenti,
Donum Indulgentiae

Mihi poenitenti
Impetra et gloriae

Locum decedenti.

47. Salve, quam a saeculo

Patrum vigilamen
Effert laudis titulo

Suum per effamen,
Mihi tuo famulo

Des opitulamen,
Ne jungar diabolo

Mundi post examen.

48. Salve, quam fecunditas

Ornat maternalis,
Tibi tamen puritas

Manet virginalis,
Protegat benignitas

Tua hos a malis,
Quos mihi serenitas

Jungit specialis.

49. Salve, palma, folia

Cujus dant umbramen,
His, qui cum constantia

Tibi famulamen
Exhibent, ex gratia

His da relevamen,
Quos premit angustia

Sive tribulamen.

50. Salve, stella, radium

Solis quae misisti,
Quando Dei filium

Carne genuisti,
Hominis naufragium

Ita abstulisti,
Quem quoque ad gaudium

Coeli reduxisti.

III.

51. Gaude, culmus fertilis

Septem ferens spicas,
Gratiarum credulis

Largientes micas,
Prop elias a famulis

Fraudes Inimicas,
Quae ad bonum sedulis

Multas ponunt tricas.

52. Gaude, felix mulier,

Mitis et formosa,
Corda quam sinceriter

Amant amorosa,
Declinare fortiter

Fac me vitiosa,
Ut laudem perenniter

Te, o gloriosa.

53. Gaude, porta coelicae

Quae Ingressionis
Es plebi catholieae,

Firmatae In bonis;
Pia mater, perfice

Me virtutum donis,
Quem vexat barbarice

Princeps Babylonis.

54. Gaude, virgo, pauperum

Clemens procuratrix,
Ac divinorum munerum

Larga dispensatrix,
Sis vociferantium

Ad te liberatrix,
Gravat delinquentium

Quos poena purgatrix.

55. Gaude, dux ecclesiae

Christi militantis,
Et In regno gloriae

Modo triumphantis,
Conserves a rabie

Hostis Impugnantis
Mentem te quotidie

Odis venerantis.

56. Gaude, quae describens

Apud Nazaraeos
Arca Dei foederis,

Terrens philistaeos,
Ut auctores sceleris

Abiges nunc eos,
Me connectens superis

Et fautores meos.

57. Gaude, quae sequentibus

Te praestas ducatum,
Perducens celerius

Ad felicem statum
Dirige propitius

Mundi principatum,
Ab hoc pellens longius

Hostium conatum.

58. Gaude, pulchritudine

Mire redimita,
Qualis non In homine

Puro est audita,
Me clementer unguine

Gratiarum dita
Tuoque munimine

Tuta In hac vita.

59. Gaude, receptaculum
Mentis fugientis,
Inimici scandalum

Ipsam persequentis,
Praesta adminiculum
In poenis detentis,
Ipsis dans latibulum
Regni permanentis.

60. Gaude, meum gaudium
Atque consolamen,
Cujus cano jubilum

Mentis per ructamen,
Carnis post excidium

Ne remoriamen
Facias, sed hostium
Vim repellas. Amen.

Parstertia.

Ad Primam.

I.

61. Ave, parens Inclita.
Summae bonitatis,
Relaxantis debita

Nostrae pravitatis,
Quaeso, me habilita
Tuis praedicatis,
Restaurando perdita
Omnis probitatis.

62. Ave, quam praesagia

Vatum praedixerunt,
Inspirante gratia

Cum de te scripserunt,
Salutis remedia

Omnes receperunt,
Qui tua praeconia

Laeti concinerunt.

63. Ave, stella lucida

Rutilans In mane,
Ab bis pellens lurida,

Qui te laudant sane,
Tempora des fulgida

Plebi Christianae,
Quam perturbant valida

Bella gentis vanae.

64. Ave, sanctuarium

Dei singulare,
Id per laudatorium

Conor quam laudare,
Scelus meum varium

Digneris mundare
Mihique donarium

Coeli Impetrare.

65. Ave, quam spectabile

Signum et Insigne
Praemonstravit sedule

In rubo et Igne,
Adjuva benevole

Tuos et benigne,
Quos perturbant frivole

Hostes ac maligne.

66. Ave, divo germine

Quae gravidabaris,
A coelesti lumine

Dum salutabaris,
Hos reduc de turbine

Procellosi maris,
A quibus hoc carmine

Devote laudaris.

67. Ave, virga, coelitus

Flos de qua processit,
Quando Dei filius

Nostris se Ingessit,
Ecce tuus famulus

Tristis te accessit.
Luxus mundi lubricus
Nimis quem depressit.

68. Ave, plena gratia,

Mitis atque pia,
Cordis quam constantia

Hac In hymnodia
Veneror, solatia

Praestes, o Maria.
Mea te prosapia

Cunctis In bac via.

69. Ave, tabernaculum
Nostri salvatoris,
Laudandum per sedulum,

Cultum cunctis horis,
Precor, sis umbraculum

Mei peccatoris,
Temptatum per zabulum
Intus atque foris.

70. Ave, stillicidium,

Potens propinare
Justis In praesidium

Nectar salutare,
Tuum per praesidium

Me velis aptare,
Ut Illud mysterium

Dignus sim tractare.

II.

71. Salve, thronus aureus

Sanctae trinitatis,
Quem cingit eburneus

Decor castitatis,
Exornat purpureus

Color caritatis,
Et splendor sidereus

Suramae claritatis.

72. Salve, terra optima,

Carens culpae spinis,
Sed et fertilissima

Fructibus divinis,
Curam, o dulcissima,

Gere mei finis,
Manibus ne anima

Detur beluinis.

73. Salve, thesauraria

Dei gratiarum,
In mundi miseria

Nobis praestitarum,
Fletui suffragia

Praestes animarum,
Poena carceraria

Stygis detentarum.

74. Salve, vas clementiae

Ac benignitatis,
Vas coelestis gratiae,

Vas divinitatis,
Da misericordiae

Manum tribulatis,
Per donum laetitiae

Et prosperitatis.

75. Salve, prudentissima

Virgo Sunanitis,
Virgo fertilissima,

De qua surgit vitis
Vina fundens optima

Amore unitis,
Mea fac ut anima

Munda sit et mitis.

76. Salve, proles Davidis,

Proles benedicta,
Castitatis candidis

Vestibus amicta,
Precibus sit validis

Tuis fraus devicta,
Quae nos modis callidis

Ducit In delicta.

77. Salve, mater nobilis,

Cujus admirandus
Partus est a credulis

Cunctis adorandus,
Per hunc nam horribilis

Hostis ac nefandus
Duris erat vinculis

Stygis mancipandus.

78. Salve, quae prophetica

Voce commendans
Et per evangelica

Scripta veneraris,
A plebe catholica

Digne collaudans,
A fraude Sathanica

Juste formidans.

79. Salve, mater coelicae
Benedictionis,
Domina angelicae
Congregationis,
Sis ecclesiasticae

Memor nationis,
Laesae manu hosticae
Persecutionis.

80. Salve mater gratiae,

Cujus ad honorem
Hujus venerantiae

Concino tenorem,
Post statum miseriae,

Post mundi laborem
Duc In statum gloriae

Tuum laudatorem.

III.

81. Gaude, sidus radium

Proferens mirandum,
Quando paris filium

Cunctis venerandum,
Hunc ante judicium

Mitem fac et blandum,
Ne me propter vitium

Judicet damnandum.

82. Gaude, virga Aaron,

Florem dans decorum,
Canticum cui Salomon

Canit canticorum,
Fantes hoc tetrastroplion

Carminum tuorum,
Ducas, o theotocon,

In regnum coetorum.

83. Gaude, nobilissimum

Decus castitatis,
Vitae rectae speculum,

Flos suavitatis,
Deleas piaculum

Nostrae pravitatis,
Jungens post hoc saeculum

Nos praedestinatis.

84. Gaude, plena gratia,

Virgo singularis,
Non passa Incendia,

Rubo quae signaris,
Nato reconcilia

Nos, o stella maris,
Semper quem In gloria

Laeta specularis.

85. Gaude, per quam servitus

Hominis finitur,
Et libertas spiritus

Ipsi Impertitur,
Inimici fremitus

Per te Impeditur,
Quo nos ut antiquitus

Perdere molitur.

86. Gaude, mater Inclita

Domini Messiae,
Quam per melodiamata

Hujus symphoniae
Laudo, haec poemata

Tibi fantes pie
Ducas ad agalmata

Coeli hierarcliiae.

87. Gaude, virga proferens

Florem sine rore,
Tandemque parturiens

Fructum sine more,
Ipsius reficiens

Sis me vel odore,
In cujus deficiens

Langueo amove.

88. Gaude, consolatio

Mea singularis,
Quae sub tuo filio

Cunctis principans,
Me cum contubernio

Meo tuearis
Coelesti praesidio,

Quo tu vallabaris.

89. Gaude, sponsa nobilis

Principis Assueri,
Cunctis carens maculis,

Mater Dei veri,
His me laudum titulis

Fac me promereri,
Ut cum tuis famulis

Queam recenseri.

90. Gaude, salutifera

Stirps, qua medicamen
Venit, quo mens misera

Recipit solamen,
Aufer mea scelera

Tuum per precamen,
Tandemque ad aethera

Duc me tecum. Amen.

Quarta pars.

Ad Tertiam.

I.

91. Ave, plena gratia,

Ave, mater Dei,
Honorificentia

Populi Hebraei,
Vere tu laetitia

Semper cordis mei,
Nempe beneficia

Multa praestas ei.
92. Ave, virgo gloria

Israelitarum,
Exornat prosapia

Quam patriarcharum,
Effert sapientia

Mira prophetarum,
Mentium Industria

Laudet devotarum.

93. Ave, porta principi

Patens aeternali,
Cum volebat concipi

Corpore mortali,
Per te precor eripi

A culpa criminali,
Ne post mortem aucupi

Tradar Infernali.
94. Ave, quae ab angelo

Olim salutata
Fuisti, spiraculo

Divo impraegnata,
Corda mihi vinculo

Amoris alligata
Ab omni periculo

Praeserves beata.

95. Avc, porta Invia

Cunctis exstans viris,
Quae divina gratia

Ut auro vestiris,
Quando Christi pervia

Ipsi elargiris
Ex tua substantia

Corpus modis miris.

96. Ave, quae coelestibus

Gaudium fecisti,
Gaudium terrestribus

Quoque praestitisti,
Cum castis visceribus

Christum concepisti,
Et decursis mensibus

Novem peperisti.

97. Ave, virgo hominum

Deique receptrix,
Christo dans hospitium,

Pauperum susceptrix,
Per dilectum filium,

Rogo, mi dilectrix,
Ad coeli palatium

Mea sis directrix.
98. Ave, vas clementiae,

Ave mater roris,
Plena sapientiae

Deique amoris,
Auferas malitiae

Virus et livoris,
Verae amicitiae

Nos constringens loris.

99. Ave, coeli curiae

Praepotens regina,
Qua nostrae miseriae

Venit medicina,
Sauciatos rabie

Sana serpentina,
Ululantes anxie

In Stygis officina.

100. Ave, donis spiritus

Gratiaque plena,
Quam saluto gnavius

En vice centena,
Intus et exterius,

Quaeso, me serena,
Perducens posterius

Ad vitae amoena.

II.

101. Salve, quam nunc veneror

Plausu laetabundo,
Per quam, ut confiteor,

Salus venit mundo,
Me ab hoste, deprecor,

Tuta furibundo,
Quo suadente inquinor

Scelere Immundo.

102. Salve, servatorium

Gratiae coelestis,
Largiens stipendium

In vita honestis
Fantem laudatorium

Hoc In tuis festis
Praeserves ab hostium

Morsibus molestis.

103. Salve, cor, praesentia

Cujus ornat coelum,
Cujus nati gratia

Legis pandit velum,
Tua refulgentia

Pellant hostis telum,
Et eum pertinacia

Iram atque zelum.

104. Salve, virgo media

Hominis et Dei,
Per quam sacrificia

Immolamus ei.
In Ista miseria

Miserere mei,
Meaeque solatia

Des progeniei.

105. Salve, sedes gratiae,

Christus qua sedebat,
Tempore infantiae

Quando vagiebat,
Sed misericordiae

Sedem te habebat.
Cum nostrae miseriae

Maculas tergebat.

106. Salve, signum foederis

Et securitatis,
Datum nobis miseris

Dono trinitatis,
Porrige de superis

Manum pietatis
Constrictis In tenebris

Suis pro peccatis.

107. Salve, dicta civitas

Majestatis Dei,
Ob culpas praeteritas

Ad quam currunt rei,
Obstet tua pietas

Intemperiei,
Gravis quam Iniquitas

Causat cordis mei.

108. Salve, clavis aurea

Gemmis decorata,
Per quam sunt aetherea

Regna reserata,
Dignitas virginea

Tua, o beata,
Abigat tartarea

Bella et peccata.

109. Salve. plena gratia

Pneumatisque donis,
Quorum redundantia

Ex te fluit bonis,
Aufer ab ecclesia

Vim obsidionis,
Quam Infert malitia

Stygei praedonis.

110. Salve, stirps egregia

Atque generosa,
Summi regis filia,

Mater gratiosa,
Canentes praeconia

Tua In hac prosa,
Transfer ad palatia

Coeli gaudiosa.

III.

111. Gaude, coeli domina.

Cui hoc iu decreto
Cano jubilamina

Cordis In secreto,
Post mundi certamina

Transitoque freto
Ad coelorum culmina

Duc nos vultu laeto.

112. Gaude, fulgens gemmula,

Pulchrior sapphiro,
Relucens per saecula

In coelorum gyro,
Munda, mater, sedule

Gratiae butyro
Me propter piacula

Similem deliro.

113. Gaude, secretarium

Domusque cedrina,
Per quam dat solarium

Majestas divina,
Auferas contrarium,

O coeli regina,
Pellens adversarium

Cum omni ruina.

114. Gaude, quae his literis

Laudis per concentum
Debite describens

Continens contentum,
Nam, a quo tu pasceris,

Generas frumentum,
Quod et nobis miseris

Praestet nutrimentum.

115. Gaude, quae deliciis

Et jucunditate
Frueris ac gaudiis

In beatitate.
Servulum a noxiis

Tua pietate
Praeserves et vitiis

Ac adversitate.

116. Gaude, virgo, filia

Regis manu fortis,
Possides sedilia

Quae In coeli portis,
Cum linquam debilia

Carnis hora mortis,
Duc me ad ovilia

Coelicae cohortis.

117. Gaude, tabernaculum

Sanctae trinitatis,
Mundum stans In saeculum

Cunctis a peccatis,
Praestes adminiculum

Corde perturbatis
Et Stygis per zabulum

Poenis profligatis.

118. Gaude, quae nos dulciter

Fecisti gaudere,
Quos lacrimabiliter

Eva fecit fiere,
Laudi tuae jugiter

Fac nos inhaerere,
Tecumque perenniter

Coelum possidere.

119. Gaude, cui his laudibus

Modo sabbatizo,
Amans te prae opibus

Auroque obrizo,
Subveni celerius,

Quando agonizo,
Ne tradar perennibus

Poenis ab Inviso.

120. Gaude, vas virgineum,

Tenens medicamen,
Quod justis nectareum

Confert relevamen,
Per Istud carmineum

Melos post examen
Thronum ad aethereum

Me perducas. Amen.

Pars quinta.
Ad Sextam.

I.

121. Ave, odorifera

Nardus, dans odorem,
Terra, pontus, aethera

Quo sumunt vigorem,
Audi, virgo tenera,

Tuam laudatorem,
Abigens pestifera

Mentisque languorem.

122. Ave, venerabilis

Mater verbi summi,
Moysi spectabilis

Virgo, signum dumi,
Contentas his titulis

Laudes fac consumi
Amoris scintillulis

Velut virga fumi.
123. Ave, tabernaculum,

In quo requievit,
Qui mandi piaculum

Moriens delevit,
Hostis aufer jaculum

Quod modo desaevit
In mundo et scaudalum

Plurimum succrevit.

124. Ave, cujus planctui

Natus concordavit,
Filio tonitrui

Cum te commendavit,
Sub amoris mutui

Pace quando stravit,
Hostes aut astutui

Ejus obviavit.

125. Ave, virens vinea,

Quae tunc floruisti,
Cum Christum virginea

Carne genuisti,
Sed corona spinea

Punctum cum vidisti,
Veluti feminea

Tristis exstitisti.

126. Ave, stirps qua floruit

Flos amvgdalinus,
Qui morte defioruit

Conditus supinus,
Sed surgens refloruit

Ut flos matutinus,
Facile nam potuit,

Velut rex divinus.
127. Ave, cujus uteri

Nobile gestamen
Resarcivit superi

Regni laceramen
Servi tui miseri

Aufer allutamen,
Quo gravor pestiferi

Hostis ob luctamen.

128. Avc, spes solatii

Cunctis tribulatis,
Civitas refugii

Et securitatis,
Poenis purgatorii

Pressis pro peccatis
Fer donum remedii

Atque pietatis.
129. Ave, porta coelica,

Per quam tunc exivit
Christus, cum substantia

Carnis se vestivit,
Ex obedientia

Mortem hanc subivit
Et Ita siderea

Regna resarcivit.

130. Ave, virgo, speculum
Bonitatis Dei,
Praestans habitaculum

Ejus requiei,
Per amoris vinculum

Me conjungas ei,
Auferens piaculum
Foedum cordis mei.

II.

131. Salve, potentissima

Mundi imperatrix,
Pauperum dulcissima

Tamen consolatrix,
Irae sis piissima

Dei refraenatrix,
Servi tui anima,

Quam timet peccatrix.

132. Salve, cujus nomine

Respiro frequenter,
Cum pro meo crimine

Torqueor dolenter,
Unde hoc In carmine

Laudo te gaudenter,
In coelorum culmine

Regnantem potenter.

133. Salve, porta misero

Patens peccatori,
Hunc servans ab Infero

Reddensque amori,
Mihi tuo tenero

Praesta laudatori,
Ne velim de cetero

Per peccata mori.

134. Salve, coeli civium

Potens reparatrix,
Nam es poenitentium

Reconciliatix,
Sis esurientium

Virtute cibatrix
Et amaritudinum

Sis dulcificatrix.

135. Salve, plena gratia

Virgoque fecunda,
Quae obedientia

Fuisti rotunda,
Fac sit ex clementia

Mea mens jucunda,
Ex Impatientia

Quae est furibunda.

136. Salve, venerabilis

Mulier Hebraea,
Florens laudum flosculis

In omni Judaea,
Solutum a vinculis

Culpaeve morpbea
Me junge coelicolis,

Dulcis mater mea.

137. Salve, speciosior

Sole In splendore
Atque virtuosior

Virtutum vigore,
Accende me, deprecor,

Amoris fervore,
Mente qui destituor

Noxae prae algore.

138. Salve, potentissima

Stygis spoliatrix
Et copiosissima

Mundi irrigatrix,
Mea ad te anima

Clamitat peccatrix,
Ut ejus promptissima

Tu sis reparatrix.

139. Salve, mensa aurea

Propositionis,
Panum et eburnea

Sedes Salomonis,
Sanctae des Idonea

Conversationis,
Auferens erronea

Malae actionis.

140. Salve, o solatium

Animae devotae,
Per juge servitium

Tibi bene notae,
A me mundi vitium

Facias remote,
Regionis gaudium

Mihi dans ignotae.

III.

141. Gaude, quam cubiculum

Suscepit Assueri,
Quando tabernaculum

Intras Dei veri,
Me cum per putibulum

Continget teneri,
Cum justis In saeculum

Fac me recenseri.

142. Gaude, virgo, thalamus

Christi requiei,
Quem descripsit calamus

Prophetarum Dei,
Rogo te attentius,

Consolamen rei,
Salva me de manibus

Inimici mei.

143. Gaude, velum gratiae,

Velum jacinthinum,
Velans regem gloriae

In mundo peregrinum,
Impetum nequitiae

Conteras vulpinum,
Dans benevolentiae

Modum columbinum.

144. Gaude, vellus roridum,

Vellus Gedeonis,
Quae solamen solidum

Cunctis te exponis,
Robora me pavidum

Gratiarum donis,
Contra hostem callidum

Tempore agonis.

145. Gaude, sanctitudinis

Speculum, Maria,
Expers omnis criminis

In hujus vitae via,
Te laudantes carminis

Hujus melodia,
Ad beatitudinis

Regnum ducas, pia.

146. Gaude, plena gratia

Virgo quae probaris
Et In coeli gloria

Modo jucundaris,
Aufer adversantia

Mundi, stella maris,
Infert quae versutia

Feri singularis.

147. Gaude, fertilissima

Stirps tuo adore
Flores atque balsama

Vincis ac decore,
Mundes, o piissima,

Tuo pro amore
Intus me In anima

A culpae foetore.

148. Gaude, nubes compluens

Arva animarum,
Quae desiccat vehemens

Aquilo culparum,
Esto nobis tribuens

Fontem gratiarum,
Qui sit aestum dimovens

Conscientiarum.

149. Gaude, virgo aurea,

Signum pietatis,
Ac fenestra vitrea,

Qua sol deitatis
Intravit, erronea

Nostrae caecitatis
Auferas cum carnea

Culpa foeditatis.

150. Gaude, fons scientiae,

Cujus per stillamen
Pelluntur moestitiae,

Datur sublevamen,
Aufer nunc ecclesiae

Sanctae tribulamen,
Illatum ex rabie

Paganorum. Amen.

Sexta pars.

Ad Nonam.

I.

151. Ave, domicilium

Sanctae trinitatis,
Castitatis lilium,

Mater pietatis,
Placa tuam filium

Offensum peccatis,
Largiens auxilium

Cunctis tribulatis.
152. Ave, virgo Jessea,

Ave virga floris,
Qui dat serta aurea

In coelorum foris,
Mala Instantanea

Intus atque foris,
Aufer, o virginea

Mater, cunctis horis.

153. Ave, de qua canimus:

Ave maris stella,
Nam succurris citius

Nobis In procella,
Te deprecor attentius,

O clemens puella,
Tuum pro fidelibus

Natum Interpella.
154. Ave, pudicitiae

Gemma admiranda,
Normula justitiae,

Cunctis praedicanda,
Tu misericordiae

Mater veneranda,
Omnibus ecclesiae

Natis es amanda.
155. Ave, quam Intrinseca

Nunc devotione
Veneror glorifica

Collaudatione,
Tua me salvifica

Benedictione,
Corruam ne hostica

In Impugnatione.

156. Ave, quam Emanuel

In matrem sacravit,
Angelus te Gabriel

Quando salutavit,
Consultum Achitophel

Tunc annihilavit,
Contra plebem Israel

Quod olim dictavit.

157. Ave, qua divinitus

Debuit Messias
Nasci, sicut primitus

Scripsit Isaias,
Rogo te medullitus

Has per hymnodias,
Hostis aufer Impetus

Atque phantasias.

158. Ave, scala gratiae,

Christus quam ascendit,
Quando semen Abrahae

Carne apprehendit,
In vallem rniseriae

Postea descendit,
Ubi multifarie

Mundum reprehendit.

159. Ave, cujus dulciter

Vox In aure Dei
Personat humiliter,

Cum te subdis ei,
Hostium celeriter

Obsta rabiei,
Qui laedunt letaliter

Castrum cordis mei.

160. Ave, sceptrum regium

Christianitatis,
Solamen moerentium

Suis pro peccatis,
Tuum privilegium

In his praedicatis
Fantes duc In gaudium

Cum praedestinatis.

II.

161. Salve cujus coelicae

Vitae insignimen
Concino poetice

Illud per polimen,
Auferas Sathanieae

Fraudis impedimen,
Quando scandam lubricae

Carnis hujus limen.

162. Salve, quae nunc frueris

Coelicis abunde,
Ibique amplecteris

A sponso jucunde,
Mei vincla sceleris

Precibus confunde,
Et mihi de superis

Gratiam Infunde.

163. Salve, quam humiliter

Odis praeconizo.
Tuis donis dulciter

Nam panegorizo,
Adveni celeriter,

Quando agonizo,
Ne vexer letaliter

Ab hoste Inviso.

164. Salve, quae virtutibus

Omnibus depicta,
Pulchrior sideribus

Sole stas amicta,
O prae mulieribus

Cuuctis benedicta,
Expia celeriter

Servuli delicta.

165. Salve, tabernaculum,

Christus quod Intravit,
Carnis quando cingulum

Sibi adaptavit,
Hac fidelem populum

Abundanter pavit,
Quando vini poculum

Panemque sacravit.

166. Salve, terra sitiens

Proferens virgultum,
Per fructum reficiens

Nos suavem multum,
Cor meum desipiens,

Stolidum vel stultum
Eeduc mei miserens

Ad divinum cultum.

167. Salve, vas mirabile

Minime extensum,
Tamen Ineffabile

Verbum es Immensum
Continens, Id nobile

Carmen sic expensum
Tibi acceptabile

Sit velut Incensum.

168. Salve vitis gratiae

Ac jucunditatis,
Vitis abundantiae

Et suavitatis,
Vinum da laetitiae

Mente perturbatis,
Auferens moestitiae

Causam cum peccatis.

169. Salve, nubes contegens

Christi deitatem,
Assumpsit obediens

Cum humanitatem,
Per te nobis largiens

Sit benignitatem,
Omnes culpas abluens

Dansque caritatem.

170. Salve, quae virtutibus

Omnibus ornata
In matrem es coelitus

Christi ordinata,
Defunctorum gemitus

Respice, beata,
Qui torquentur acrius

Ob sua peccata.

III.

171. Gaude, quae nunc optimam

Partem elegisti,
Coelitum altissimam

Sedem ascendisti,
Misericordissimam

Manum praebe tristi
Mihi, plurifariam

Olim quem audisti.

172. Gaude, quae regaliter

Regnas In supernis,
Ubi facialiter

Deum semper cernis,
Mundes Integraliter

Me nunc In Internis
Jungeque finaliter

Gaudiis aeternis.

173. Gaude, quae In dextera

Nati conscendisti,
Quando super aethera

Assumpta fuisti,
Duc me per Itinera

Legis, quae transisti,
Quando virgo tenera

In mundo vixisti.

174. Gaude, mater coelitus

honorificata,
Super omnes spiritus

In coelo locata,
Junctorum germanitus

Mihi, o beata,
Omnia radicitus

Auferas peccata.

175. Gaude, domus gratiae

Ac satietatis,
Domus sapientiae

Ac benignitatis,
Filiis ecclesiae

Modo tribulatis
Donum des laetitiae

Et prosperitatis.

176. Gaude, lux quae nuntias

Veri solis ortum,
Christum quando generas,

Nobis vitae portum,
Culparum per tenebras

Modo me absorptum
Ad coeli delicias

Duc per angiportum.

177. Gaude, quae custodia

Angelorum septa
Per natum es gaudia

Coelorum adepta,
Laudis meae hostia

Tibi sit accepta,
Et cuncta turbantia

Pellas et Inepta.

178. Gaude, odorifera

Stirps, quae gignis fructum,
Qui Adam ad aethera

Reduxit seductum,
Dulcis mater, prospera

Mentis meae luctum,
Propter mea scelera

Merito Inductum.

179. Gaude, quae In Bethlehem

Panem protulisti,
Quo novam Jerusalem

Plene refecisti,
Manum praebe celerem

Concioni Christi,
Quae ad te amabilem

Corde clamat tristi.

180. Gaude, cujus merito

Istud praedicamen
Nunc virtutum pictito

Tuorum celamen,
Tuum mihi flagito

Des auxiliamen,
Ne post mortem perdito

Hosti tradar. Amen.

Septima pars.

Ad Vesperas.

I.

181. Ave, plena gratia

Velut aquaeductus,
Divina clementia

Ex qua crevit fractus,
Quo Adam ad gaudia

Coeli est reductus,
Et corda moerentia

Suos ponunt luctus.

182. Ave, o clarissima

Nubes, quam ascendit
Dei sapientia,

Coelos quae extendit,
Abrahae ex gratia

Semen apprehendit,
Ex te, beatissima,

Carne dum descendit.

183. Ave. quae hominibus

Pacem peperisti
Coelique virtutibus

Gaudium auxisti,
Succurre celerius

Menti meae tristi,
Clementer ut saepius

Antea fecisti.

184. Ave, virga corrigens

Vitam peccatoris,
Fortiter sis abigens

Fraudes deceptoris,
Scelera sis removens

Tui laudatoris,
In Deo proficiens

Ut sim cunctis horis,
185. Ave, mundi domina,

Cui nunc corde laeto
Cano juhilamina

Mentis In secreto,
Hostis post certamina

Transioque freto
Nostra scribe nomina

In coeli decreto.

186. Ave, tabernaculum

Quae protectionis
Es, pellens periculum

Tribulationis,
Mihi sis latibulum

Tempore agonis,
Hostilis obstatulum

Pellens suasionis.
187. Ave, felix femina,

Circumplexa virum,
Continet regimina

Qui per mundi gyrum,
Affectum dilaquea

Cordis mei dirum,
Qui facit per crimina

Me quasi delirum.

188. Ave, porta dirigens

Ad orientalem
Viam cor abjiciens

Culpam criminalem,
Servum tuum erigens

Sis ad Immortalem
Vitam, tuam faciens

Me contubernalem.
189. Ave, quinque porticus

Habens o piscina,
Utitur catholicus

Cujus medicina,
Ad te missus angelus,

O coeli regina,
Me conservet penitus

Ab omni ruina.
190. Ave, virgo platanus

Obumbrationis,
Quam ornavit Dominus

Fructibus et donis,
Manum da fidelibus

Consolationis,
Omnes pellens Impetus

Tartari draconis.

II.

191. Salve, virgo pariens

Gentibus salutem,
Quae legem Instituens

Movet ad virtutem,
Esto mater dirigens

Meam senectutem,
Ut legi obediens

Scelera refutem.

192. Salve, fundens oleum

Petra firmitatis,
Quod Inungit cuneum

Christianitatis,
Auditum virgineum

Istis praedicatis
Adhibe per famulum

Tuum decantatis.

193. Salve, o virginea

Aula summi regis,
Cujus velut aurea

Turris carnem tegis,
Perduc ad aetherea

Christiani gregis
Plebem, quae spontanea

Implet scripta legis.

194. Salve, porta pessulo

Timoris firmata,
Amoris signaculo

Divini signata,
Christiano populo

Adsis miserata,
Protegens a scandalo

Abluens peccata.

195. Salve, terra germinans

Mundo Salvatorem,
Cum fuisti generans

Carnis ejus florem,
Hoc per carmen elegans

Ejusque tenorem
In me sis aedificans

Divinum amorem.

196. Salve, templum numini

Divino dedicatum,
Nullo unquam homini

Puro reseratum,
Carmen Istud nomini

Tuo decantatum
Salvet me discrimini

Pro peccatis datum.

197. Salve, nubes coelica.

Mirum fundens rorem,
Dantem VI deifica

Gratiae madorem,
Deprecor, imbrifica

Tuum laudatorem,
Abigens phantastica

Mentisque torporem.

198. Salve, petra largiens

Aquas gratiarum,
Nostrarum reficiens

Sitim animarum,
Esto sordes abluens

Conscientiarum,
Contractas multotiens

Per aestum culparum.

199. Salve, sol communicans

Splendorem diei,
Virgo carnem generans

Mundo Christi Dei,
Gratia sis obvians

Culpae glaciei,
Quae nunc est refrigerans

Fundum cordis mei.

200. Salve, pigmentarium

Vas, quo medicamen
Tentum est, quod mentium

Sanat laceramen,
Fac meorum scelerum,

Deprecor, piamen,
Ut non post judicium

Poenas feram. Amen.

III.

201. Gaude, pulchra mulier,

Sole stans amicta,
De qua sunt communiter

Gloriosa dicta,
Petimus humiliter,

Mater benedicta,
Nostra solvi pleniter

Impetres delicta.
202. Gaude, quae non despicis

Quemquam peccatorem,
Sed benigne respicis

Ducens ad amorem.
Pia mater, judicis

Tempera furorem,
Nos conjungens coclicis

Mundi post laborem.

203. Gaude, silex largiter

Aquas fundens vitae,
Nam vivunt perenniter

Hac utentes rite,
Voca nos hilariter

Dicens: Huc venite,
Et vobis humiliter

Gratias haurite.
204. Gaude, promptuarium

Gratiae divinae,
Quae praestas stipendium

Menti columbinae,
Mihi adjutorium

Fer In meo fine,
Ac Insultus hostium

Laedere non sine.
205. Gaude, saccus, pretium

Quod redemptionis
Servasti vel hominum

Liberationis,
Fanti famulitium

Hujus cantionis
Tu largire praemium

Retributionis.

206. Gaude, virgo solium

Judicis venturi,
Cuncta per judicium

Verum discussuri,
Tuum per auxilium

Simus audituri:
Venite In gaudium

Semper gravisuri.
207. Gaude, cujus nomini

Concinunt polite
Sacerdotes Domini

Gunctique levitae,
Obsequentes carmini

Huic expedite
Ne dentur discrimini,

Cum dicetur: Ite.

208. Gaude, vas mirabile,

Continens Immensum
Verbum nec sensibile

Hominis per sensum,
Melos Istud sedule

Tibi sic Impensum
Mihi placet frivole

Dominum offensum.
209. Gaude, obsequentium

Tibi procuratrix,
Et noxis cadentium

Pia revelatrix,
Mentes poenitentium

Sis refocillatrix;
Carne decedentium

In coelum delatrix.

210. Gaude, tympanistria,

Laudans per dictamen
In magnificentia

Patrem, natum, flamen,
Da pro tua gloria

Et per hoc laudamen,
Ut salver per saecula

Saeculorum. Amen.