27. Abecedarios II.

1. Ave nunc Inclita

stirps, quae In culmine
Tuo fers flosculum

divo spiramine
Satum et alitum,

qui suo sanguine
Captivum hominem

solvit a crimine.

2. Bene laetitia

vocaris Israel,
Qua carnem Induit

verus Emmanuel.
Sicut praedixerit

angelus Gabriel
Et scriptis tradidit

sanctus Ezechiel.

3. Carnem suscipiens

nam Christus Dominus
Te portam transiit

conclusam penitus.
Et natus exiens

te nihilominus
Clausam dimiserat.

ut eras primitus.

4. Dein legaliter

cum circumciditur,
Jesus dulcissimum

nomen Imponitur,
Sed cum tenerrimus

sanguis sic funditur.
Maternus animus

tuas concutitur.

5. Ex regionibus

orientalibus,
Illustrat radius

quas primum Delius,
Magi gentilium

ex sapientibus
Devoti veniunt

docti divinitus.

6. Ferunt hi munera

nato triplicia
Ejus dominium

significantia,
Auro exprimitur

ejus potentia,
Myrrho mortalitas,

thus sacrificia.
7. Gaudenter Igitur

adstant puerulo
Tento exiguo

in tuguriolo,
Adorant Intime

cordis hunc jubilo,
Exsultant plausibus,

salutant osculo.
8. Hi sic humiliter

obtenta gratia
Per viam aliam

vadunt ad propria,
Ita deluditur

regis fallacia
Nec non accenditur

ejus ferocia.

9. Infantum saeviens

in Innocentiam,
Turbam barbarice

trucidat plurimam,
Putat Insaniens,

se sapientiam
Dei exstinguere

suam per furiam.

10. Karorum pignorum

mortes maternitas
Clemens flebiliter

planxit et pietas,
Dire tyrannica

quae stravit feritas,
Quorum nos meritas

salvet divinitas.

11. Legis veteribus

data traditio
Habet, ut feminae,

cujus conceptio
Fuit ex semine,

fiat purgatio
Ac tandem Domino

prolis oblatio.

12. Modo virginitas

seu castimonia,
Tua Integritas

et sanctimonia,
Prolis divinitas

atque potentia
Te solvunt penitus

a caerimonia.

13. Non enim filium

virili semine
Carne conceperas

sed sacro flamine,
Qui suae gratiae

te obumbramine
Totam repleverat

suoque lumine.

14. O si tribueret
divina gratia,
Tua nos visere
gesta humilia,

Virtutum exsequi

per exercitia
Et Ita perfici

vera justitia,

15. Post hoc cum filio

a templo remeas
Expletis, facere

quae tunc decreveras,
In villa Nazareth,

in qua conceperas,
Dilecto vigiles

servas excubias.

16. Quo divi pueri

necessitatibus
Dum mater tenera

instares cautius,
Joseph justissimo

apparet angelus,
Jubet Canopieis

vos ferri finibus.

17. Rursus te, arbitror,

premit angustia.
Quando recedere

a tua propria
Juberis, eremi

ire per Invia,
Et sic cum filio

ferre exsilia.

18. Sed post haec Iterum

advenit nuntius,
Unus de angelis

missus divinitus,
Ad solum proprium

vocans vos citius,
Ut scriptis tradidit

telonearius.

19. Terris cum Iterum

tuis Induceris,
Cordis molestiam

non parvam pateris,
Nam annis filii

decursis teneris,
Festis legalibus

hunc tecum invehis.

20. Verum cum rediens,
o legis aemula,
Hunc desse cerneres
te moesta spicula

Laeserunt gravius
in ista horula,

Donec reinvenis
quaerendo sedula.