28. Abecedarius III.

1. Annum cum attigit

natus tricesimum,
Baptistam adiit

lavantem populum,
Baptismum accipit

lavator scelerum,
Per aquas conferens

notis remedium.

2. Baptista tremuit

nec audet tangere
Messiae verticem

sed clamat misere:
Baptismi gratiam

a te recipere
Mundano debeo

foedatus pulvere.
3. Creatrix trinitas

tunc evidentius
In suis claruit

proprietatibus,
In voce genitor,

in carne filius,
Sanctus In specie

columbae spiritus.

4. Deinde spiritus

hujus ducamine
Venit In eremum,

summo conamine
Hostis aggreditur

hunc et temptamine,
Sed sacro vincitur

scripturae lumine.

5. Ejus jejunii

cum quadragesimus
Dierum pleniter Instaret numerus,

Panis esuriit,
sitit fons deicus,

per quem reficitur
orbis catholicus.

6. Formam credentibus

dat poenitentiae,
Perfectam regulam

obedientiae,
Nec non consilium

dat continentiae,
Ob spem et meritum

aeternae gloriae.

7. Gignendi soboles

sacra connubia
Nequaquam abstulit

hac castimonia,
Immo haec approbat

sua praesentia,
Ex aqua faciens

vina suavia.

8. Hinc sibi copulat

multos discipulos,
Quosdam prae ceteris

vocat apostolos,
Per quos et convocat

ad fidem populos,
Linquens In sordibus

verbis Incredulos.
9. Johannem, Jacobum,

Petrum et Didymum,
Bartholomaeumque,

Philippum, Jacobum,
Judam et Simonem,

Teleonarium,
Andream convocat

et Judam subdolum.

10. Kathedram tradidit

Petro ecclesiae
Auctoritatemque

dedit plenarie,
Dicens, quod solveris

tu arbitrarie,
Tenebit solium

coelestis curiae,

11. Lex hujus cathedrae
nunc In episcopis
Claret realiter

atque presbyteris,
Qui rite praesident

suis ecclesiis
Ac justis Instruunt
sanctis et monitis.

12. Miris resplenduit

Christus prodigiis,
Vita laudabili,

doctrinis variis,
Quibus consuluit

nostris miseriis,
Ut scripsi breviter

octo rosariis.

13. Nam ibi angeli

narratur missio,
Consensus virginis,

Christi conceptio,
Ejus nativitas

et circumcisio,
Nec non sanctissimae

vitae progressio.

14. Omissis Igitur

ibidem positis,
Stilus convertitur

ad laudem virginis,
Cujus ob gratiam

dulcis amaminis
Hujus aggredior

onus dictaininis.

15. Proh pudor, obstrepunt
sed multa vitia
Lumen Ingenii Impedientia,

Quibus et premitur

intelligentia,
Ne clare capiat

expedientia.

16. Quaeso suppliciter,
mater clementiae,
Meae propitius

nubem inscitiae
Propellas, tribuens
lumen scientiae,
Frondes Ingenii
et rorem gratiae.

17. Rorem desidero

missum divinitus,
Qui sanctus scribitur

in lege spiritus,
Meas aboleat

ut noxas penitus,
Olim inhaeseram

quibus medullitus.

18. Superbus etenim

fui et invidus,
Amarus, tepidus,

iratus, lubricus,
Gulae deserviens

vinoque deditus
Meisque turpiter

excessi sensibus.

19. Totus subjacui

culpae piaculis,
Offensionibus

et magnis scandalis,
Quae gessi nequiter

in meis saeculis,
Ea vix scriberem

mille versiculis.

20. Ut ergo dignius

tuis assidue
Insistant laudibus,

praedicta dirue,
Precatu animum

virtute Imhue
Et Intellectui

vigorem tribue.