33. Abecedarius VIII.

1. Ave, quam jugiter

laudat ecclesia,
Laetanter Intonans

tua praeconia,
Auditu percipe,

o clemens domina,
Quae laete canimus

epica carmina.

2. Benedic, Domina,
nos tuos famulos,
In tuis laudibus
omnino sedulos,

A nostris finibus
depellas aemulos

Qui multipliciter
molestant credulos.

3. Campi graminea

tu es viriditas,
Qua certe vincitur

smaragdi claritas,
Nempe virginea

tua maternitas
Vincit carbunculum

geminasque ceteras.

4. Dei altissimi

mater eximia,
Cum Ipso perpetim

regnans In gloria,
Ad te clamantium

audi suspiria,
Pressorum graviter

per adversantia.

5. Extende dexteram,

everte crimina,
Infirmos releva,

solve pericula,
Annonas tribue,

pelle nocentia,
Emenda dyscolos

firmans In gratia.

6. Fraudes satanicas

da nobis vincere,
Orbis delicias

cassas fac spernere.
Eegni perpetui

da claustrum cernere
Deique faciem

semper conspicere.

7. Gnaros nos Insuper

fac per prudentiam
Culpas evellere

per poenitentiam,
Et plene consequi

per Dei gratiam
Thesaurum optimum,

cordis munditiam.

8. Hac frui cupio

prae cunctis opibus
In mundo misero

hoc existentibus,
Quae suis tribuit

id possessoribus,
Gaudere perpetim

in coeli floribus.

9. Ipsi promittitur
nam Dei visio,
Ut ait veritas In evangelio,

Beatitudinis

in qua perfectio
Constat, hanc Igitur

ex corde cupio.

10. Karitas etenim

atque munditia
Cordis conveniunt

in praeminentia,
Nam quod promittitur

uni ex gratia.
Datur et alteri

in coeli gloria.

11. Laudemus Igitur

primum principium
Promittens largiter

aeternum praemium,
Quod, mater Inclita,

tuum per meritum
Det nobis famulis

tuis In pretium.

12. Maria, regia

de stirpe genita,
Divina sobole

deinde praedita,
Aure percipias

haec melodimata,
Quae tibi canimus

pro laude debita.

13. Nemus vernalibus

nitens es floribus,
Rosis ac liliis

et bis similibus,
Spiritualibus

quippe virtutibus,
Candes prae omnibus

Christi fidelibus.

14. O virgo nobilis,

o plena gratia,
Laetanter coelica

tenens palatia,
Materna miseris

praesta solatia,
Ab omni hostium

tutans fallacia

15. Pudoris stabile

fuisti lilium,
Quod nullum labile

portasti folium,
Sis consolabile

nobis praesidium
Et Iterabile

ad coeli gaudium.

16. Quo sine termino

laeta perfrueris,
Divina speculans

prae sanctis ceteris,
Precamur Intime,

uti memineris,
In quo discrimine

tuos dimiseris.

17. Remus In pelago

sis naufragantium,
Solatrix pauperis,

salus languentium,
Reductrix scelerum

exorbitantium,
Intinerantium

tutum hospitium.

18. Stellamque nauticus

te maris nominat,
Cujus ducamine

ad portum remigat,
Tua nos pietas

ad vitam dirigat,
In qua perenniter

justus tripudiat.

19. Te dulcis filius

in sanctuarium
Elegit primitus

sive sacrarium,
Qua suae gratiae

praestat donarium,
Quo tuum refice

stipendiarium.

20. Virgo et genitrix

Christi perpetua,
Superni pneumatis

imbre nos Irriga,
Pelle vim hostium

cunctaque nocua,
A te laudantibus

laude continua.