37. Abecedarios XII.

1. Arca tu mystica

Noe describens,

Nam a naufragio

mundum hunc eripis,

Cum sacro pneumate

spirante concipis

Christum et permanens

virgo hunc parturis.

2. Beata, nobilis

et pulchra domina,

Donis angelica

praecellens agmina,

Depellas hostium

saeva molimina,

Duc nos post obitum

ad coeli culmina.

3. Coeli mirificum

es luminarium,

Dulcem moerentibus

immittens radium,

Ab his qui abigat

omne contrarium

Et Ipsis Insuper

praestet solatium.

4. Dilectum filium

nobis propitia,

Offensum maxime

per nostra vitia,

Et sic nos penitus

mundatos gratia

Coeli conventui

post mortem socia.

5. Es stella siquidem

lucis praefulgida,

Quam corda diligunt

amore fervida,

Nostra criminibus

effecta gelida

Splendore gratia

fac esse calida.

6. Pons a fidelibus

misericordiae

Vocaris merito

et vena veniae,

Per te consequimur

nam indulgentiae

Munus et praeminum

in regno gloriae.

7. Gaudenter Igitur

modo concinimus

Tua praeconia

his In carminibus,

Nosque humiliter

tibi prosternimus,

Precantes perfrui

tuis muneribus.

8. Hamum de medio

tolle satanicum,

Quo gestat capere

gregem catholicum,

Immittens subdole

virus haereticum

Seu per vim bellicam

vulgus paganicum.

9. Is nempe populus

saevit barbarice

Plebis in cuneum

ecclesiasticae,

Quem per potentiam

tuae magnificae

Prolis a finibus

credentum abjice.

10. Kacodaemonia

quoque de medio

Prop elias fortiter

tuo suffragio,

Ne nos impediant

in famulitio

Tuo, quod agimus

cordis tripudio.

11. Lux nam es nobilis,

lux es egregia,

Potens abjicere

quaeque tristantia,

De coeli culmine

nobis irradia,

Illustrans animas,

exsiccans vitia.

12. Manat mirifice

nam a te bonitas,

Nostras abjiciens

culpas praeteritas,

Quas nobis intulit

olim antiquitas

Sive quas addidit

nostra stoliditas.

13. Nunc ergo, quaesumus

precatu sedulo,

Tuo subvenias

cum adminiculo

Nobis, qui premimur

. gravi piaculo,

Intus per crimina,

foris a saeculo.

14. O venerabilis,

o dulcis domina,

Quam laudant jugiter

piorum agmina,

Cito subveniant

tua precamina

Te venerautibus

per jubilamina.

15. Participantibus

nobis amamine

Devote petimus

pro tuo nomine,

Suo subvenias

in tribulamine

Nunc et In ultimo

mortis discrimine.

16. Quo nobis miseris

quoque subvenias

Et manum gratiae

clementer porrigas,

Pressos formidine

in spem tunc erigas,

Et fraudes daemonum

potenter abigas.

17. Risum, o Domina,

praesta gementibus,

Panem salvificum

esurientibus,

Tuisque precibus

succurre citius

In purgatorii

poenis degentibus.

18. Solutos vinculis,

o mater tenera,

Et omni penitus

abstersa macula

In coeli ocius

duc tabernacula,

Ubi te jugiter

laudent per saecula.

19. Tibi committimus

hos singulariter,

Quibus conviximus

familiariter,

A quibus venimus

stirpe carnaliter,

Et quorum utimur

bonis tam largiter.

20, Valvasque aperi

coeli carminibus

Te cordis jubilo

benedicendibus,

Tecum quo, domina,

et sanctis omnibus

Laudemus jugiter

Deum concentibus.