40. Abecedarios XV.

1. Amicta radio

solis deifici,
Modo quam veneror

hoc stilo simplici
Exaudi gemitus

vulgi catholici
Laudantis jugiter

te voto supplici.
2. Batus es olei

misericordiae,
Devotos liniens

donis dementiae,
Nobis velociter

succurras hodie,
Qui nimis premimur

ab hostis rabie.

3. Coeli mellifluum

da rorem sapere,
Liquorem gratiae

de saxo sugere
Ac eucharistiam

devote sumere,
Et hanc de cetero

nunquum amittere.
4. Dirige praesides

per viam regiam,
Dirue schismata

firmes ecclesiam,
Injustos doceas

sequi justitiam,
Pacem des populo

pellens discordiam.
5. Elisos releva,

medere languidis,
Da fortitudinem

in bello pavidis,
Resistens fortiter

paganis rabidis,
Jam In ecclesiam

multum praevalidis.
6. Furorem penitus

aufer tyrannicum,
Qui vulgus deprimit

ecclesiasticum,

Esurientibus

da manna coelicum,
Clementer satians

catervam Inopum.

7. Gazophylacium,

thesaurum resera,
Ditat qui terrea,

pontum et aethera,
Coelum empyreum

et quaeque cetera,
Nos In marsupium

ipsius praepara.

8. Hujus possessio

praestat laetitiam,
Aufert pauperiem

et Indigentiam,
Devotae animae

largitur gratiam,
Et post exsilium

aeternam gloriam.

9. In qua nullatenus

defectibilitas
Videtur aliqua

nec ulla vanitas,
Sed summum gaudium

summaque bonitas
Et Indicibilis

cordis jucunditas.
10. Karitas Insuper

et sapientia,
Discreta omnium

rerum notitia
Ac delectabilis

Dei praesentia
Hic datur singulis

in abundantia.
11. Lux Indeficiens

ibidem cernitur,
Qua sancta trinitas

clare conspicitur,
Nostra felicitas

in quo perficitur
Et nunquam termino

quoquam amittitur.

12. Maria, nobilis

pincerna veniae,
Quae mater diceris

misericordiae,
Fac nos participes

praedictae gloriae,
Completo termino

hujus miseriae.
13. Ne tunc confusio,

quam signat Babylon,
Nos sua subruat

mole vel Acheron,
Seu foetens fluvius,

vocatus Phlegeton,
Clementer porrige

solamen de Sion.
14. O vae miserrimum

illic degentibus,
Et ab, ab misere

semper dicentibus,
Illis, ut arbitror,

fuisset melius,
Non esse genitos

in matrum ventribus.
15. Purgandis Ignium

per cruciamina,
Succurre citius,

o mitis domina,
Solutos deinceps

tua precamina
Ducant benigniter

ad coeli culmina.

16. Quaeso suppliciter

te matrem gratiae,
Matrem solaminis
atque clementiae,

De mea mortuos

juva progenie,
Quos forte continet

lacus miseriae.
17. Romanam Insuper

in tuam gratiam
Devoto animo

commendo curiam
Et Illi subditam

plebem catholicam
Nec non et regulam

ecclesiasticam.

18. Summum pontificem

cum cardinalibus,
Omnes episcopos

cum suis plebibus,
Clerum cum monachis

atque abbatibus,
Et omnes ordines

cum suis fratribus.
19. Terrenos principes,

qui laudabiliter
Praesunt jam subditis

tibi suppliciter
Commendo, quatenus

his maternaliter
Adstes, ut exteros

expugnent fortiter.
20. Veram Intermino

hujus dictaminis
Tibi subjicio me,

mater luminis,
Mihi subvenias

vi deprecaminis
Tui et omnibus

mei geniminis.