41. Abecedarius 1.

1. Ave venerabilis
Coeli regis aula,
Attamen In oculis
Tuis semper paula,

Junge me Christicolis
Coelica In caula,

Te laudantem titulis
Laudum hac hydraula.

2. Bene tu laetitia

Faris Israelis,
Quia sapientia,

Quae regnat In caelis
Te replevit gratia,

Ut vox Gabrielis
Docuit praenuntia

Et Ezechielis.

3. Caput et principium

Tu es feminarum,
Carne continentium

Et conjugatorum,
Expia confinium

conscientiarum
Juge per servitium

Tibi devotarum.

4. Domus regis coelici

Vel Imperatoris,
Chori quem angelici

Laudant cunctis horis,
Melos hujus cantici

Ob signum amoris
Canentem fac perfici

Lege redemptoris.

5. Bngaddina vinea

Balsamum dans vitae,
Quod fert ad aethera

Se utentes rite,
Me, mater virginea

Consoleris mite,
Cum vox dicet ferrea

Ite vel Venite.

6. Frutex botri Cypridis

Ex quo fluit vinum,
Quod largitur timidis

Amorem divinum,
Precibus da validis

Rorem matutinum,
Qui servet a morbidis

Tuum Inquilinum.

7. Genitrix mirifica
Omnia creantis
Et morte tristifica
Tuos liberantis,

Cor sapientifica
Tibi famulantis,

Caecum culpa lubrica
Carnis petulantis.

8. Humilis virginitas

Te ornat, Maria,
Insuper maternitas

Domino Messia
Ex te nato, bonitas

Tua adsit, pia,
Hostium Iniquitas

Deprimit me quia.

9. Ingere justitiam

Legis per tenorem
Abigens malitiam

Et ejus auctorem,
Exstingue lasciviam

G-ratiae per rorem,
Praestans continentiam

Ejusque amorem

10. Kathedralis dignitas

Te praehonoravit,
Christi quando deitas

In te habitavit,
Cujus tandem pietas

Sic te sublimavit,
Quod res tibi ceteras

Cunctas subjugavit.

11. Laetare perenniter,

Fulgens stella maris,
Inevellibiter

In coelo Iocaris,
Et perpetualiter

Ibi jucundaris
Te colentes jugiter

Semper tuearis.

12. Mannatis es aurea

Urna, quod credentem
Satiat In area

Mundi se colentem,
Precor o virginea

Mater senescentem
Me hoc cibo recrea

Carne decedentem.

13. Ne, quaeso, despicias,

Dulcis o Maria,
Me Inter angustias

Tunc et agonia,
Sed pelle versutias

Daemonum a via,
Coeli ad delicias

Duc me, virgo pia.
14. O depositorum

Sanctae trinitatis,
Tenes diversorium

Coeli cum beatis,
Praestes adjutorium

Tuae pietatis
His, quos purgatorium

Punit pro peccatis.
15. Paradisus diceris

Qua deliciatur
Rex regnans In superis,

Quando Incarnatur,
In te nobis miseris

Consolamen datur,
Et peccati veteris

Poena relaxatur.

16. Quaerenti te, domina,

Appare benigne
Tua semper carmina

Concinam ut digne,
Praebe consolamina

Tuum ob Insigne
Nomen propter crimina

Detentis In Igne,
17. Reparatrix gratiae

Perditae per Evam,
Legem temerantia

Linquentem primaevam,
Vitam meam gloriae

Repara grandaevam,
Ne judiciariter

Statuar ad laevam.
18. Stirps, quae defers coelicum

Huic mundo florem,
Qui praestat salvificum

Devotis odorem,

Sappiime tristificum

Insidiatorem,
Tuum qui me plurimum

Turbat laudatorem.
19. Tu misericordiae

Umbra, quae furorem
Temperas justitiae

Solis ac terrorem,
Meae negligentiae

Mentisque teporem
Aufer sapientiae

Dei per amorem.
20. Vellus Gedeonicum,

Signum dans Invictum,
Gignens tuum unicum,

Jesum benedictum,
Omne fac me lubricum

Et omne delictum
Fugere et Impetum

Hostis maledictum.
21. Xristiani populi

Alitrix benigna,
Quam collaudant angeli,

Semper laude digna,
Contra fraudem zabuli

Cruce nos consigna,
Omnis quoque scandali

Auferas maligna.
22. Yesse virga fertilis,

Fructum ferens mirum,
Redolet miraculis

Qui per mundi gyrum,
Precibus me sedulis

Releva delirum
Depressum Insidiis

Per Inimicum dirum.

23. Zelum Dei Impetra

Mihi per dictamen
Hoc, quod tollat scelera

Mentisque liquamen,
Ducat per Itinera

Et legis ligamen,
Sublevet ad sidera

post hanc vitam. Amen.