44. Abecedarius 4.

1. Alma, prudens, Inclita

Mater salvatoris,
Veneranda debita

Laude cunctis horis,
Sume thymiamata

Tui laudatoris,
Fantis tua merita

Oda hac amoris.
2. Basim hic primariam

In humilitate
Tuam pono gratiam,

Qua a deitate
Meruisti gloriam

In aeternitate,
Prolisque laetitiam

Cum virginitate.
3. Cujus In praesentia

Dulciter gaudebas,
Et amoris basia

Forsan huic praebebas,
Si gravabant tristia

Hunc tu condolebas,
Et ut mater anxia

Ipsi succurrebas.
4. Demum cum In corpore

Mori dignaretur,
Mundus ut a scelere

Sic absolveretur,
Tu adstabas misere,

Scriptum ut habetur,
Donec apto tempore

Terrae traderetur.

5. Eja, mater, jubila

Animo jucundo
Conregnans per saecula

Nato laetabundo,
Mei pellas nubila

Cordis a profundo,
Pro quo mente sedula

Preces ad te fundo.

6. Felix certe mulier,

Felix ter et quater,
Deus tam sublimiter

Quam honorat pater,
Ejus mirabiliter

Ut sis nato mater,
Qui misericorditer

Noster exstat frater.

7. Genitrix virginea

Genitrixque vitae,
Mente quam spontanea

Collaudamus rite,
Mala momentanea

Pellens die: abite
Salutis Idonea,

Dicas, huc venite.

8. Humatim ecclesia

A multis tractatur
Et per adversantia

Multa perturbatur,
Unde cum fiducia,

Mater, te precatur,
Tanta In angustia

Ne derelinquatur.

9. Iacturas, mi domina,

Nunc catholicorum
Precibus resareina

Gens quas paganorum
Ipsis per molimina

Intulit bellorum,
Occisos ad agmina

Ducas beatorum.
10. Raritatis unguine,

Mater, nos connecte,
Livoris discrimine

Dirutos despecte,
Legis sic ligamine

Conjunctos perfecte
Duc pro tuo nomine

Ad coelos directe.
11. Latens In te deitas

Olim, o beata,
Per quam est humanitas

Mire reparata,
Meas negligentias

Tollat et peccata,
Quis mens per versutias

Hostis est ligata.
12. Manum praebe mortuis

Tuum ob Insigne
Nomen, qui continuis

Torquentur In Igne
Poenis, hos perpetuis

Gaudiis benigne
Infer, quo assiduis

Te odis laudent digne.
13, Nobis quoque miseris,

Dulcis o puella,
Nantibus In asperis

In mundi procella,
Opem fer de superis

Vel de coeli cella,
Quia tu describens

Recte maris stella.
14 O sidus deiferum,

Sidus virginale,
Emittens per uterum

Lumen speciale,
Aufer, peto, scelerum

Chaos criminale,

Ne tandem In barathrum

Mergar gehennale.
15. Pexim venerantibus

Te, mater Messiae,
Totis vel carminibus

Hujus symphoniae
Adsis tuis precibus

Modo matris piae,
Laedantur ab hostibus

Ne In Illa die.
16. Quadras orbis jugiter

In te gratulatur,
Quia mirabiliter

Per te reparatur,
Deus cum benigniter

In te Incarnatur
Et carne finaliter

Patri Immolatur.

17. Repara nos, deprecor,

Mater pietatis.
Gravibus nam Implicor

Et multis peccatis,.
A via destituor

Ita probitatis
Semitamque prosequor

Mundi vanitatis.
18. Stella splendens coelica

Lucem copiosam
Dans, quae fugat lubrica

Culpamque lutosam,
In Ista te rhythmica

Oda gloriosam
Laudantem splendifica

Mentem tenebrosam.

19. Thalamus tu diceris

Christi nuptialis,
Carens culpae tenebris

Omnibusque malis,
Defende me teneris

Tuis nunc sub alis,
Vinculis ne carceris

Tradar Infernalis.
20. Vellus Gedeonicum,

Coeli plutum rore,
Populum Jndaicum

Servans a timore,

Impetum satanicum

Tuo pro honore
Aufer et barbaricum

Suo cum furore.
21. Xristianizantibus

Cum devotione,
Oppressis ab hostibus

Persecutione,
Adesto celerius

Cum subventione
Ne cadant corporibus

Internecione.

22. Ymni hujus carmine
Tibi famulantes,

Sed adhuc In turbine
Mundi pervagantes,

Soluta putredine
Carnali laetantes,

Deum sint In culmine
Coeli collaudantes.

23. Zelo Dei praedita

Per aeternum flamen,
Quo fuisti dedita

Ejus ad laudamen,
Culpae meae debita

Tuum per precamen
Solve, ut te Inclita

Laude laudem. Amen.