45. Abecedarios 5.

1. Audi nunc praeconia,

Virgo singularis,
Fanda Dei gratia

Odis his praeclaris
Quis et ab ecclesia

Jugiter laudaris,
Et quibus In gloria

Semper jucundaris.

2. Balsamatus hortulus,

Satus manu Dei,
In quo crevit flosculus

Mirae speciei,
Ad te, mater, oculus

Stillat cordis rei
Ut per te sit loculus

Christi requiei.

3. Coeli quondam hortulum

Tuum roraverunt
Et praedictum flosculum

Sic germinaverunt,
Nubes quoque poculum

Dulce stillaverunt,
Quo fidelem populum

Dulciter paverunt.

4. Domientes misere
Suis In peccatis,

Mater, leva propere

Manu pietatis,
Hos digneris nectere

Viae veritatis,
Valeant ut cernere

Vultum deitatis.

5. Et mea facinora

Prece cuncta dele,
Quae gessi Itinera

Currens corruptelae,
Virtute me repara

Coelestis medelae,
Ne mergant In tartara

Me hostis querelae.

6. Fuga cum potentia

Mali persuasorem,
Ne vincat fallacia

Tuum laudatorem
Mentis In constantia

Sive per torporem,
Sed cum reverentia

Digna te honorem.

7. Gemma continentiae

Praeferens splendorem,
Matri dans ecclesiae
Decus et honorem,

Sanctae pudicitiae
Mihi des amorem,

Foedae quo lasciviae
Fugiam foetorem.

8. Haeresum mortifica

Venena divelle,
Mala quoque cetera

Odii cum felle,
Et cor meum repara

Gratiarum melle,
Heu ob multa scelera

Legibus rebelle.

8. In obedientia

Namque mandatorum
Datis ab ecclesia

Et conciliorum
Obstiti audacia

More superborum,
Concite per Invia

Currens vitiorum.

10. Karitate media

Thronus es constratus,
Quo ponit remedia

Deus Incarnatus,
Cosmi aufer taedia,

Peto Inclinatus,
Causatur inedia

Quibus est reatus.

11. Lumen praesto miseris

Munerum tuorum,
Constrictis In tenebris

Taetris tormentorum,
Ut solutis debitis

Criminum eorum
Jungantur In superis

Coetui sanctorum.

12. Magisque humiliter

et corde gemendo
Atque singulariter

Tibi hos commendo,
Carne naturaliter

A quibus descendo,
Quorum specialiter

Salutem Intendo.

13. Nec non necessariis

Meis, suis bonis
Elemosynariis

Quorum utor donis,
Repende pro gratiis

Suae dationis
In aeternae gaudiis

Retributationis

14. O coelestis curiae

Potens imperatrix,
Fons misericordiae,

Vitae reparatrix,
Nostras preces hodie

Audi, miseratrix,
Et nostrae miseriae

Esto sublevatrix.

15. Porta, quam pertransiit

Princeps gloriosus,
Cujus pausa sanciit

Te ut flos formosus,
Coluber resiliit

A te tortuosus,
Qui parentes adiit

Ut serpens dolosus.

16. Quatuor confinia

Jam orbis terrarum
Tua ob praeconia

jubilant non parum,
Nam diversiclinia

Conscientiarum
Precum patrocinia

Auferunt tuarum.

17. Res miranda saeculis,

Res quoque novella,
Nam sol admirabilis

Processit de stella,
Deus est laudabilis

Natus de puella,
Qui det nobis famulis

Gratiarum mella.

18. Seraphim perenniter
Dei laude pleni
Te laudant hilariter
Vultibus sereni,

In morte celeriter,
Pia mater, veni,

Ad coelos velociter
Duc me ductu leni.

19, Templum conscientiae,

Qua consistunt cuncta,
Cui In regno gloriae

Modo es conjuncta,
Foedere concordiae

Corda mihi juncta
In valle miseriae

Serves et defuncta.

20. Vas coelestis gratiae

Vasque pietatis,
Semper omni specie

Carens foeditatis,
Onus et tristitiae

Nostrae gravitatis
Oleo laetitiae pelle

Cum peccatis.
21. Xristo regi gloriae,

Servos redde gratos,

Vitiorum scabie
Turpiter foedatos,

Et sic indulgentiae
Dono reparatos,

Post per donum gratiae
Fac nos oculatos.

22. Yesse florens virgula,

Florem tunc misisti,
Paranympho credula

Quando concepisti
Carnis absque macula

Corpus Jesu Christi,
Gratiarum pabula

Sic nobis dedisti.

23. Zelotem propities

Patrem, natum, flamen,
Laesum Infinities

Culpae per atramen,
Et Ita me repares,

Ut post judicamen,
Coetui me socies

Servandorum. Amen.