46. Abecedarius 6.

1. Ad honorem nominis

Tui, o Maria,
Jucundabor carminis

Hujus symphonia,
Causas tu discriminis

Auferas de via,
Ne me forte daemonis

Turbet phantasia.
2. Balsami tu virgula,

Balsami coelestis,
Pellitur quo macula

Mentium et pestis,
Indue me sedula

Moribus honestis,
Qui propter piacula

Factus sum agrestis.
3. Colam te subtiliter

Per Istud poema,
Ornat laudabiliter

Quam regale schema,

Adveni celeriter

In hora extrema,
Ducens me feliciter

Ad coeli suprema.
4. Dei unigeniti

Mater benedicta,
Poenas nati Incliti

Cernens derelicta,
Dono tui meriti,

Quo fulges depicta,
Mei culpas debiti

Solvas vel delicta.
5. Egri recreatio

Es et orphanorum,
Hos juvans solatio

Munerum tuorum,
Reconciliatio

Meorum carorum
Esto et salvatio

Modo defunctorum.

6. Fidei praesagio

Nosti resurgentum,
Quem cernebas anxio

Corde morientem,
Abigat oratio

Tua malam gentem,
Adhaerentes filio

Tuo persequentem.

7. Gladius moestitiae

Et afflictionis
Mentis tuae anxiae

Verbis Simconib
Praedictus prophetice

Tempore agonis
Mei pellat hosticae

Vim obsidionis.

8. Humilis virginitas,

Omni carens naevo,
Quam servavit deitas

A lapsu primaevo,
Post carnis exuvias

Subveni grandaevo,
Ne ob res Illicitas

Hosti tradar saevo.

8. Iubilans In gaudio

Te, clemens Maria,
Regnantem cum filio

Laudo mente pia,
Reducas ab Invio

Me, o mater dia,
Proprio qui vitio

Retrahor a via

10. Karitatis vinculo

Digneris unire
Odiorum scandalo

Quos vides saevire,
Sine offendiculo

Fac nos obedire
Deo atque sedulo

Corde deservire.

11. Luce novi sideris

Consurgens aurora,
Residens In superis
Prae sanctis decora,

Obstrictis In tenebris

Gratiam irrora,
Et post poenas carceris

Fer ad coeli fora.

12. Mundi lux et domina,

Quae regnas In caelis,
Beatorum agmina

Quam collaudant melis,
Aufer tribulamina

Populi fidelis,
Fracti per molimina

Hostis culpae telis.

13. Nectar ergo Ingere

Consolationis,
Vim repellans miserae

Desolationis,
Supprime pestiferae

Vires nationis,
Quae gliscit nos premere

Ad modum praedonis.

14. O peregrinantium

Assylum suave,
Messiae palatium

Vel ejus conclave,
Mihi sis auxilium,

Ne delinquam prave,
Qui per cordis gaudium

Tibi dico ave.

15. Pro honore nominis

Tui, mater Dei,
Odam hanc dictaminis

Pulchrae speciei
Pango, tu geniminis

Miserere mei
Gratiam solaminis

Tui praestans ei.

16. Quadri orbis termini

Canite beatae
Laudes semper virgini

Cum hilaritate,
Ejus vos regimini

Modo subjugate
Atque deprecamini

Semper commendate.

17. Rosa spinae nescia,

Mirum dans odorem
Qui exstirpat vitia,

Dat menti vigorem,
Fac pro tua gratia

Tuum ob honorem
Corda Inflammantia

Nostra ob amorem.

18. Salve, decus virginum

Tua castitate,
Mediatrix hominum

In fecunditate,
Ora pro me Dominum

Tua pietate,
Det post vitae terminum

Vivere beate.

19. Terra inarabilis

Viri per laborem,
Proferens christicolis

Admirandum florem,
Qui cum laudum titulis

Tibi dat honorem
Nobis tuis famulis

gratiae det rorem

20. Vide de coelestibus
Oculis benignis
Hos quos purgatorius
Nimis gravat Ignis,

Ut ab hostis Ictibus

Soluti malignis
Te laudent devotius

Harmoniis dignis.

21. Xristi tui filii

Rogo te per mortem,
Ejus me opprobrii

Facias consortem,
Et hora excidii

Carnis fac me fortem
Aeterni exsilii

Poenas ne reportem.

22. Yesseae propaginis

Radix, ferens florem
Miri odoraminis,

Qui praestat dulcorem,
Hic tui praecaminis

Virtute foetorem
Pellat mei criminis

Et hostis furorem.

23. Zelantes nos perfide

Horumque conamen
Preme, mater, provide

Tuum per oramen,
Ne vincamur callide

Horum per fraudamen,
Ut laudemus fervide

Te In aevum. Amen.