47. Abecedarius 7.

1. Arca, quae charismata

Fers plebi credenti,
Perversorum dogmata

Fortiter spementi,
Adesto poemata

Haec tibi canenti,
Abigens phantasmata

Hostis virulenta

2. Benedicta cellula
Sempiterni solis,
Quem laudas per saecula
Jam translata polis,

Momenta per singula
Hostis premor dolis,

Quos tu, mater sedula,
Aufer dono prolis.

3. Carmen hoc hydraulicum

Vel hoc praedicatum
Tuum reddat unicum

Miseris placatum,
Ut nos post tristificum

Hujus mundi statum.
Perducat ad coelicum

Regnum et beatum.

4. Dignum es sacrarium

Pneumatos aeterni,
Quam virtutum omnium

Flores ornant verni,
Nos per tuum filium

Fac clementer cerni,
Ne urat Incendium

Nos Ignis Averni.
5. Exemplar laudabile

Omnis honestatis,
Jugum delectabile

Monstrans veritatis,
Omne fastidibile

Aufer cum peccatis,
Bonum infinibile

DanS aeternitatis.
6. Fulget resurrectio

Tui dulcis nati,
Quem videbas anxio

Corde mortem pati,
Succurrat laudatio

Hujus praedicati
Defunctorum crucio

Seu captivitati.

7. Guttam tuae gratiae

Praesta vel stillamen,
Quo sumam inertiae

Meae recreamen,
Declinem malitiae

Omnis machinamen,
Perfectae justitiae

Per induciamen.
8. Hominum salvatio

Est In te Incepta,
In te cum redemptio

Nostra est concepta,
Credentum sic natio

Vitam est adepta,
Ad bonum ex vitio

Quae fuit Inepta
9. In coeli palatio

Fulgens stella maris,
Cum dilecto filio

Modo jucundaris,
Tuo junge gaudio,

Parens expers paris,

Hos cordis tripudio
A quibus laudaris.

10. Raritatis unguine

Necte discordantes
Et rixarum turbine

Se scandalizantes,
Ut vero amamine

Se pacificantes
Justo demum ordine

Fiant collaudantes.
11. Lapsis manum porrige

Tuae pietatis
Et a luto erige

Nostrae pravitatis,
Ac levatos subige

Legi veritatis,
Subjectosque corrige

Virga caritatis.
12. Miris privilegiis

Es glorificata,
Patrum testimoniis,

Quae sunt approbata,
Unde es collegiis

Sanctorum praelata,
Et nostris miseriis

In solamen data.
13. Nunc ergo prosequere,

Quod olim coepisti,
Quando divo munere

Christum concepisti,
Digneris sustollere

Nos a salo tristi
Ac tecum In aethere

Laetos jube sisti.
14. O misericordiae

Mater benedicta,
Cujus dono gratiae

Solvuntur delicta
Virtute constantiae

Me mala Inflicta
Vincere quotidie

Mente fac Invicta.
15. Plebs fidelis recitet

Jugiter honorem
Tuum, quae In Nazareth.

Nobis salvatorem,

Concepisti, visitet

Hic nos per amorem,
Suum ne praecipitet

Hostis In errorem.
16. Qualus es, quo ponitur

Jesus panis vitae,
Quo plene reficitur.

Qui hunc sumit rite,
Metu non concutitur,

Cum dicetur: Ite,
Immo jucundabitur

Audiens: Venite.
17. Respice de superis

Fletum miserorum,
Lugentum In tenebris

Purgatorioruin,
Prece tui muneris

Vincula eorum
Solvens duc In aetheris

Locum electorum,
18. Stirps felix Davidica

Juxta Isaiam
Virtute deifica

Generans Messiam,
Legi meam applica

Genealogiam,
Ne veram per lubrica

Derelinquat viam.
19. Te phalanx angelica

Hymnum per decorum
Laudat et per cantica

In regno polorum.
Laus haec honorifica

Carminum tuorum

Auferat tristifica

Hostium nostrorum.
20. Vallis tu es humilis

Pollens flore miro,
Qui est admirabilis

Toto mundi gyro,
Salva me, amabilis

Mater sine viro,
Cum decumbam debilis

In languore diro.
21. Xristum natum sequeris

Coelos ascendentem
Et carne In dexteris

Patris residentem,
In sorde me sceleris

Releva jacentem,
Maxime In Veneris

Scabie sordentem.
22. Ydraulae concentibus

Hujus pro honore
Tuo Insistentibus

Tuoque amore
Subveni celerius

Mortis In angore,
Ne succumbant fraudibus

Hostis vel tenore.
23. Zabolinum contere,

Deprecor, jurgamen,
Cum cogar assistere

Ante judicamen,
Adsit mihi propere

Tuum tunc juvamen,
Quo possim devincere

Omne malum. Amen.