48. Rosarium I.

I.

1. Ave, summi genitoris

Nati mater Inclita,

Corda nostra per amoris

Tui flammam excita,

Veneremur cunctis horis

Te ut laude debita.

2. Ave, dulcis o Maria,

Mater prolis tenerae,

Cui In Ista hymnodia

Cogitamus psallere,

Fac nos hac finita via

Stygis poenas fugere.

3. Ave, virgo carne nata

De stirpe Zorobabel

Ac de Anna contristata

Sicut olim Samuel,

Legi Dei sit substrata

Caro nostra Jezabel.

4. Ave, sancti Gabrielis

Salutata vocibus,

Olim ad te qui de caelis

Missus est divinitus,

Impedire nostri velis

Inimici Impetus.

5. Ave, virgo, quae crearis,

Per auctorem omnium,

Miro modo fecundans

Per aeternum spiritum,

Fecundata sublimaris

Quando paris filium.

6. Ave, virgo gignens Deum,

Thori viri nescia,

Munda carne velans eum

Puritatis conscia,

Tua prece Jebusaeum

Pellas ab ecclesia.

7. Ave cui se Infudit

Plenitudo gratiae,

Quando carnem sibi cudit

In te rex justitiae

Et In sinu tuo ludit

Tempore infantiae.

8. Ave nubes, In Aegyptum

Christus qua Invehitur,

Rex Herodes quando Ipsum

Subdole persequitur,

Tandem a te, ut est scriptum,

Solerter reducitur.

9. Ave, Jesu Christi nutrix,

Pascens hunc ut filium,

Turbatorumque adjutrix

Ad te suspirantium,

Nostra clemens esto tutrix

A sutelis hostium.

10. Ave, virgo, consolamen

Te laudantum jugiter,

Patrem posce, natum, fiamen,

Ut misericorditer

Nos cum sanctis locet, amen,

In coelo perenniter.

II.

11. Ave, porta, quae tranabis

Per aeternum principem

Quae nec patens Inveniris

Aliquem per hominem,

Virga flore redimiris

Per conceptum nobilem.

12. Ave, tellus Irrigata

Eore sancti spiritus

Et per rubum designata

Non crematum penitus,

Virtus Dei Incarnata

Est In te divinitus.

13. Ave, virgo, fons hortorum

Gratiae praestabilis,

Tu riga corda tuorum,

Qui te laudum titulis

Venerantur, hos celorum

Infer tabernaculis.

14. Ave, virgo, flos vernalis

Mirae odorantiae,

Miserere cunctis malis

Matris jam ecclesiae,

Quam Infestat Infernalis

Dux sua saevitie.

15. Ave, arbor, cujus fructu

Poenam fert Leviathan,

Et a leprae gravi luctu

Est mundatus Naaman

Sed et regna ejus ductu

Sunt destructa Chanaan.

16. Ave, mater sanctae spei,

Quam ornat dilectio,

Cujus decor speciei

Nostra est refectio,

Salva Illos, mater Dei

Quos urit purgatio.

17. Ave, candens et decorum

Castitatis litium,

O solamen miserorum

Fons virtutum omnium,

Consolare famulorum

Corda modo tristium.

18. Ave, summa prole foeta,

O coelestis virgula,

Per quam mundi sunt deleta

Peccatorum nubila,

Unde gaudio Impleta

Exstant aevi saecula.

19. Ave, mater redimentis,

Ave, mater millies,

Per te hostis persequentis

Profugetur rabies

Et In tenebris detentis

Procuretur requies.

20. Ave, pietatis plena,

Ave, plena gratia,

Mente dulcis et serena

Comptaque prudentia,

Nos ad coeli duc amoena

Dei coniventia.

III.

21. Ave, virgo, cui sincere

Cordisque constantia

Symphonias laudis merae

Resonat ecclesia,

In aeternum fac habere

Nos tua consortia.

22. Ave, virgo, coeli clavis

Justis reserabilis.

Nulli dura sed suavis

Cunctis et amabilis,

Sis et nobis servis pravis

Clemens ac placabilis.

23. Ave, virgo et virago,

Imbre almo rorida,

Vitis divae qua propago

Est exorta florida,

Adae per quam est Imago

Medicata morbida.

24. Ave, mater, uber vitis,

Botrus qua colligitur,

Ad quem pura mens et mitis

Dulciter afficitur,

Quo et animo contritis

Venia promittitur.

25. Ave, virgo, cui soli

Data est fecunditas,

Quam quoque regina poli

Ordinavit trinitas,

Tuae sacrae jungat proli

Nos tua benignitas.

26. Ave, virgo gloriosa,

Jubar coeli splendidum,

Tua luce radiosa

Omne pellens luridum,

Corda lustra tenebrosa

Mundum quoque turbidum.

27. Ave, dulce consolameii

Pie te laudantium,

Praesta, mater, relevamen

Populo credentium,

Sustinenti oneramen

Per pressuras hostium.

28. Ave, quam In hujus freto

Mundi atque turbine

Veneramur corde laeto

Laudum harum carmine,

Fac Inscribi In decreto

Nos In coeli culmine.

29. Ave, mundi imperatrix

Chorique coelestium,

Protoplasti reparatrix

Per dilectum filium,

Sis ad pacem revocatrix

Corda discordantium.

30. Ave, virgo verecunda,

Omni carens crimine,

Jesu Christo placens munda,

Plena sacro flamine,

Nos absolve de profunda

Culparum voragine.

IV.

31. Ave, arca pietatis,

Quam sumus Beseleel

Olim fecit pulchram satis

Pro matre Emmanuel,

Quo ad voam veritatis

Vocaretur Israel.

32. Ave, quae caecutientis

Mundi aufers tenebras,

Summi natum dum gignentis

Carne ex te generas,

Nunc et fraudes prosequentis

Inimici conteras.

33. Ave, virgo, stella maris,

Quae per mundi climata

Splendes, juste sic vocaris

Operum ob merita,

Vitam nobis largiaris

Coeli ad agalmata.

34. Ave, virgo, coeli porta,

Porta sapientiae,

Per quam salus est exorta

Filiis ecclesiae,

Te laudantibus reporta

Donum indulgentiae.

35. Ave, mundi lux serena

Et solamen tristium,

Audi voces, laude plena,

Tibi famulantium,

Quos ad coeli duc amoena

Mundi post exsilium.

36. Ave, mater Jesu Christi,

Quem virgo concipere

Dono Dei meruisti

Posteaque gignere

Plebi jam credenti tristi

Digneris succurrere.

37. Ave, virgo, fide, plena

Cunctisque virtutibus,

Mater Christi, spes serena

Tibi adhaerentibus,

Frange hostis nequam frena

Suis cum complicibus.

38. Ave, mundi consolatrix,

Ave, spes humilium,

Salutisque nostrae datrix,

O pudoris lilium,

Esto nostra excusatrix

Apud tuum filium.

39. Ave, gemma pretiosa,

Gemma splendorifera,

Taetra reddens luminosa

Plus quam coeli sidera,

Aufer mea vitiosa,

Nostra purga scelera.

40. Ave, clemens, ave pia,

Ave mater regia,

Quam ornarunt In hac via

Mira privilegia,

Hac laudantes poetria

Te duc ad coelestia.

V.

41. Ave, Christianitatis

Salutis Initium,

Quando dono deitatis

Concepisti filium,

Cunctis praestes tribulatis

Tuum adjutorium.

42. Ave, veneranda multum

Tuis dilectoribus,

Tuum qui sequuntur cultum

Cum devotis cordibus,

Aufer omne, quod est stultum,

Cunctis cum maeroribus.

43. Ave, felix o Maria,

Quam nunc plebs catholica

Dulci laudat melodia

Ac per laudum cantica,

A qua pelle prece pia

Satanae phantasmata.

44. Ave, quae In coelo gaudes

Magno valde gaudio,

Audi venerantum laudes

Te cordis tripudio,

Et hostiles pellat fraudes

Tua Intercessio.

45. Ave, sacri theca cibi,

Carnis dulcis filii,

Metri concinentes tibi

Versibus eximii

In decreto fac conscribi

Coeli consistorii.

46. Ave, o malogranata

Plena granis gratiae,

Mire privilegiata

Prae natis ecclesiae,

Et In coelis nunc locata

Juxta regem gloriae.

47. Ave, quae nunc sublimaris

In supremo solio,

Sublimata jucundaris

Cum dilecto filio,

Consolamen largiaris

Nobis In exsilio.

48. Ave, mater Insignita

Multis privilegiis,

Per quam mundo venit vita

Cum donis et gratiis,

Plebs baec credens sit munita

Hostis ab Insidiis.

49. Ave, splendens margarita

Plus quam gemmae ceterae,

In corona regis sita

Regnantis In aethere,

Da mens nostra sit contrita

Pro commisso scelere.

50. Ave, tua quam aetate

Nulla fuscat scoria,

Da finita vanitate

Mundi transitoria

Tecum in aeternitate

Perfruamur gloria.