50. Rosarium III.

I.

1. Eja, mater o Maria,

Stola fulgens duplici,
Quam coelestis hierarchia

Voto laudat simplici,
Tuum plebi, virgo pia,

Da juvamen supplici.
2. Eja, forma virginalia

Carne continentium.
Quam non fuscat aliqualis

Peccati contagium,
Omnem hostis Infernalis

Auferas ohsidium,

3. Eja, maris clara stella,

Totum hemisphaerium
Mundi lustrans, verbi cella

Seu reclinatorium,
En ubique regnant bella,

Sis nobis praesidium.
4. Eja, dulcis et praeclara

Prae creatis omnibus,
Tibi, consolatrix gnara,

Rite adhaerentibus,
Da solamen, virgo cara,

In poenis degentibus.
5. Eja, mater generalis

Orphanorum omnium,
Devote In suis malis

Ad te suspirantium,
Ignis, da, ne gehennalis

Nos urat Incendium.

6. Eja, lux interminalis

Desuper Irradians,

Sanctitatis internalis

Decorem recuperans,
Omne taetrum criminalis
Culpae sis exterminans.
7. Eja, plasta plastem plasmans.
Modo Ineffabili,
Et medelam sic propinans

Morbo vix sanabili,
Consolamen sis procurans
Nunc fideli populi.
8. Eja, causa tu formalis
Carnis Christi Donmini,
Boni causa ut finalis

Qui dat vitam homini,
Nos defende tuis alis
Subtrahens discrimini.
9. Eja, flamma caritatis
Quae mentes fidelium
Accendis ad claritatis

Dei desiderium,
Compeditis In peccatis
Adhibe remedium.
10. Eja, splendor luminalis
Tenebras excutiens,
Ingerit quas gehennalis
Inimicus persequens,
Ab hoc manus matronalis
Scuto sis nos protegens.

II.

11. O Maria, flos pudoris,
Mater viri nescia,

Fervens ardor es amoris,
Plena sapientia,

Verus sapor et dulcoris
Pollens abundantia.

12. O Maria, mater Dei,
Cujus conniventia

Nobilis progeniei
Orta est prosapia,

Virgo pulchrae faciei,
Omni plena gratia.

13. O Maria, virgo grata
Cunctis In ecclesia

Pro salute nobis data
Divina clementia,

Firma, dulcis, cara, rata,
Trinitatis conscia.

14. O Maria, mater Dei,
Virgo pudicitia,
Flos praeclarae speciei

Famae redolentia
Virtus salus omnis rei
Precum per suffragia.

15. O Maria, portus maris,
Sublevans naufragia,

Sidus clarum appellaris,
Mentis pellens tristia,

In supremo ta locaris
Mater simul filia.

16. O Maria, virgo mater,

Mundo praestans gaudia,
Christum gignens, qui te pater

Fecit cum potentia,
Deprecare, ne nos ater
Puniat ob vitia.

17. O Maria, clausas hortus
Hortique areola,
Qua flos nobis est exortus,

Quem fovisti sedula,
Qui, cum fuit cruce tortus,
Absolvit piacula.

18. O Maria, gloriosa

Mater summi luminis,
Potens et Imperiosa

Arce coeli culminis,
Aufer nostra vitiosa
Vi tui precaminis.

19. O Maria virgo, gaude,
Materque deifica,
Cujus resonant In laude

Devotarum cantica,
Deprecamur, ut a fraude
Nos praeserves hostica.

20. O Maria, virgo grata

Virtutisque speculum,
Super coelos exaltata,

Quo regnas In saeculura,
Nostrum clemens advocata
Auferas periculum.

III.

21. Audi nos, o virgo vera,
Sed gaudens genimine,
Stella clara, lux In sphaera,

Carens obscuramine,
Praepolita tu minera
Virtutum micamine.

22. Audi nos, lux veritatis,
Caecos ignorantiis,

Phos refulgens castitatis,
Carnis carens vitiis,

Fons hortorum, caritatis
Abundans deliciis.

23. Audi nos, o fragrans rosa,

Rosa salutifera,
Cujus forma speciosa

Splendet plus quam sidera,
Aufer mundi criminosa

Daque pacis foedera.

24. Audi nos, o consolatrix
Amino moerentium,

Maximeque gubernatrix
Tibi servientium,

Sis virtutis expugnatrix
Credulos laedentium.

25. Audi nos, clemens regina
Pauperum solatium

Et In Stygis officina
Voces te precantium,

Solutos choris combina
Coelo habitantium.

26. Audi nos, spes desperatis
Et aurora rutilans,

Arcana divinitatis

In aeternum speculans,

Esto Christianitatis
Tribulamen sublevans.

27. Audi nos, virgo decora,
Virgo praeamabilis,

Plebis per credentis fora
Laudum pollens titulis,

Stillas gratiae irrora
Nobis tuis famulis.

28. Audi nos, o laude digna
Creatorum omnium,

Tuum auferat maligna
Pium patrocinium

Et ad tui nos consigna
Filii consortium.

29. Audi nos clamantes laete:
Gaude, vigo regia,

Nata est clementer de te
Summa sapientia,

Da, vivamus In quiete
Modo et In patria.

30. Audi nos, decor vernalis
Et praeclara rosula,
Cujus vita virginalis

Cunctis exstat regula,

Dans, ne Ignis gehennalis

Nos urat In saecula.

IV.

31. Euge, jubar claritatis,
Virgo parens unica,
Quam In coeli laudat pratis

Dignitas angelica,
Nostras Igne caritatis
Animas califica.

32. Euge, sidus o sincerum
Sidusque splendiferum,

Quod elegit sator rerum
In thronum mirificum,

Cum In fine se dierum
Praebuit salvificuni.

33. Euge, feta dia prole
Sed virtute supera

Et pudoris absque mole
Exsistis puerpera,

Sed praeclarior nunc sole
Regnas super aetbera.

34. Euge, mater Jesu Christi,

Mater Inquam gratiae,
Namque caste concepisti

Fontem sapientiae,
Tamen virgo permansisti

Carnis carens carie.
35. Euge, splendens maris stella,

Rutilans In gloria,
Tu pro nobis Interpella

Pro tua clementia,
Et odire mundi mella

Fac nos cum Industria.

36. Euge, rosa, fragrans mire
In superna patria,
Fac nos tibi deservire
Cordis cum Instantia
Et post mortem hinc transire
Ad sanctorum praemia.
37. Euge, virgo praefulcita,
Fructu mire florida,
Cellaque melle condita,

De supernis rorida,
Aufer bella tripartita
Verbo tuo invida.
38. Euge, quae fecisti mira
Opera justitiae
Et vicisti tela dira
Hostilis nequitiae,
Tuta servulos ab Ira
Poenalis sententiae.
39. Euge, quia sine spina

Rosam gignis floridam,
Tuque stella matutina

Nubem fugans gelidam
Fac credentem In divina
Laude plebem fervidam.
40. Euge, mater et nos audi
Pietatis auribus,
Ut non sinas coelum claudi

Nobis te laudantibus,
Et obstare hostis fraudi
Fac nos modis omnibus.

V.

41. Gratulare hoc In festo

Vel tui memoria,
Qua plebs credens adstat praesto

Digna reverentia,
Supplicanti praesens esto

Consueta clementia.

42. Gratulare, cui hymnizans

Beatorum concio
Adstat atque citharizans

Magno cum tripudio,
Sed et clerus hic honizans

Mentis desiderio.

43. Gratulare, carens labe

Prorsus omnis criminis,
Nos ab omni munda tabe

Nostrae turpitudinis
Et semper sub alis habe
Materni regiminis.

44. Gratulare, regna vitae
Tenens jam perennia,

Venerantes modo rite
Tua privilegia,

Trahat Ista vox Venite
Ad aeterna praemia.

45. Gratulare, virgo dia,

Mater summi numinis,

Omni digna melodia
Cujuscunque carminis,

Audi melos aure pia
Istius dictaminis.

46. Gratulare, mater pia
Cordeque tripudia,

Omnis mundi monarchia
Cujus fert praeconia,

Duc errantes nos In via
Ad coeli confinia.

47. Gratulare, o regina
Rerum exsistentium,

Esto nostra medicina
Mente Infirmantium,

Ac defende a ruina

Semper nos In posterum.

48. Gratulare, virgo parens
Vi sancti spiraminis,

Rubens rosa spina carens
Vetustae originis,

Fac, ne foedet mundus arens
Nos putore criminis.

49. Gratulare mulierum

Gemma preclarissima,
Quae lactasti regem rerum,

Mater sagacissima,
Duc post finem nos dierum
Coeli ad altissima.

50. Gratulare, o Maria,

Floram veris primula,

Quam sacrorum melodia
Collaudat per saecula,

Hymnum Istum audi, pia,
Plausum mente sedula.