53. Rosarium 3.

I.

1. Quem cum jam tricesimum

annum Inchoavit,
Johannes mundissimum

amne baptizavit,
Convenientissimum

modum sic monstravit,
Nostrum quo miserrimum

statum reparavit.

2. Qui auctor est fluminum

venit ad Jordanem,
Velut servus dominum

petiit Johannem,
Ut Lotorem criminum

mergeret In amnem,
Qui mundaret hominum

excessum Immanem.
3. Qui ab aqua gratiae

lotus cum ascendit,
In columbae specie

spiritus descendit,
Ejus innocentiae

caput apprehendit,
Sic paternae gloriae

filium ostendit.

4. Qui flos est mirabilis

quem tu produxisti,
Virgo Jesse fertilis,

cum hunc genuisti,
A nostris piaculis

sic nos absolvisti,
Tantis In periculis

solamen dedisti.

5. Super quem, clementia

patris ut decrevit,
Septiformis gratia

spiritus quievit,
Inconvenientia

multa qua delevit,
Satan ex astutia

sua quae insevit.

6. In quo complacentia

patri specialis,
Vera In essentia

cui est aequalis,
Ex convenientia

natus naturalis,
Ex Indifferentia

consubstantialis
7. Qui Instinctu spiritus

sancti In desertum
Ducebatur primitus

sibi Inexpertum,
Per tentamen zabulus

adit hunc apertum,
Utrum Dei filius

sit, non habens certum.
8. Qui fuit trifarie

ab hoste tentatus
Nec ejus fallaciae

fraude superatus,
Sed verbis prudentiae

Christi est fugatus,
Hinc turbis militiae

coeli honoratus.
9. Qui panis esuriit,

ut nos satiaret,
Gratiae fons sitiit,

ut nos debriaret,
Multa moesta subiit,

ut nos laetificaret,
Per pavorem transiit,

ut nos confortaret.
10. Qui adventu nuptias

suo consecravit
Et signorum gratias

ibi Inchoavit,
Nam sex aquae hydrias

in vinum mutavit,
Suorum sic animas

sibi copulavit.

II.

11. Qui missus pauperibus

evangelicare
Nec non Infirmantibus

medelam parare,
Voluit a civibus

suis Inchoare
Es Ipsos prae omnibus

ad bonum aptare.

12. Qui venit absolvere

culpa vinculatos
Et ad lumen ducere

animo caecatos,
Reosque ostendere

reconciliatos,
Qui reddunt pro scelere

se humiliatos.

13. Qui petra ecclesiae

sanctae fundamentum
Sternens praedicamine

convocat conventum,
Ipse det per gratiae

tuae Interventum
Legalis justitiae

nobis Incrementum.

14. Qui Petrum et Jacobum,

Johannem, Matthaeum,
Andream ac Didymum

et Bartholomaeum
Elegit et Jacobum,

Philippum, Thaddaeum,
Sed et Judam subdolum,

Simonem Cbananaeum.

15, Qui navis ecclesiae

nauta est et remus,
Legibus justitiae

cujus inhaeremus,
Ad quem ignorantiae

nocte Nicodemus
venit, ejus gratiae

nos recommendemus.

16. Qui clementer filium

reguli sanavit,
Valetudo febrium

quem debilitavit,
Expulit daemonium

languores curavit.
Cunctis evangelium

regni praedicavit.

17. Qui ad supercilium

montis ducebatur.
Ut per praecipitium

ita occidatur,
Transiens per medium

horum occultatur.
Nos a fraude hostium

clemens tueatur.

18. Per quem socrus Simonis

a febribus curatur,
A diebus plurimis

quibus tenebatur,
Illudque in populis

mox divulgabatur,
Christus laudum titulis

sic venerabatur.

19. Qui teleonarium

Mattheum vocavit,
Qui mox sequens Dominum

secum ambulavit
Ac sibi convivium

laute praeparavit,
Tandem evangelium

evangelizavit.

20. Quem quaerebant tangere

turbae Infirmorum,
Credentes se capere

medelam languorum,
Qui et voto propere

affuit Ipsorum,
Brevi sanans tempore

defectus eorum.

III.

21. Qui thesaurus nobilis

est devotae mentis
Amoris scintillalis

tibi adhaerentis,
Hunc requiro sedulis

votis et Intentis,
Ut servet a periculis

vitae me praesentis.

22. Cujus providentia

omnia reguntur,
Coeli volatilia

ab Ipso pascuntur,
Quo et agri lilia

pulchre vestiuntur,
Per quem et justitia

justi Imbuuntur.

23. Qui misericordiam

nedum praedicavit,
Sed et plurifariam

plurimis donavit,
Mittendam Injuriam

suis Imperavit,
Quibus Indulgentiam

dandam sic monstravit.

24. Qui hortatur sedule

suos ad orandum.
Spondens Impetrabile

quod foret praestandum,
Regnum ergo stabile

peto mihi dandum,
Regnum infinibile,

nunquam consummandum.

25. Quem leprosus Intime

petit ac dolenter,
Ut Ipsum a sanie

expiet potenter,
Meae lepram animae

diluat clementer,
Vitiorum scabie

tinctam Insolenter.

26. Qui salutem subito

vi orationis
Servo paralitico

dat centurionis,
Tuae patrocinio

supplicationis
Videat me oculo

miserationis.

27. Viduae qui filium

ad vitam vocavit,
Mortis quem Imperium

corpore prostravit,
Mulieri gaudium

ita procreavit
Et Ipsum credentium

plebs magnificavit.

28. Qui cum suis famulis

stagnum transfretavit,
Flantibus procellulis

ipse dormitavit,
Motus a discipulis

ventis Imperavit,
Ipsos a periculis

ita liberavit.

29. Cujus tactu fimbriae

mulier curatur,
Quae fluente sanguine

multum gravabatur,
Jairique filiae

vita reparatur,
Jesuque quotidie

laus ampliabatur.

30. Ad quem caeci subdite

clamant ac sincere,
Fili David inclite,

nostri miserere,
Usum lucis inditae

digneris praebere,
Ut queamus debite

tibi adhaerere.

IV.

31. Cujus admirabilis

sermonum doctrina
Judaeis Incredulis

exstitit ruina,
Sed suis est famulis

vera medicina,
Servans a periculis,

ducens ad divina.

32. Qui suos discipulos

misit praedicare
Et omnes Incredulos

ad fidem vocare,
Restaurare languidos,

leprosos mundare,
Suscitare mortuos,

Caecis lumen dare.

33. Qui dilectum famulum

suum et symmistam
Commendat ad populum,

Johannem baptistam,
Cujus prece perfidum

abigat sopbistam,
Plebem In periculum

ne perducat Istam.

34, Cujus praeamabilis

eras educatrix
Nec non a periculis

multis defensatrix.
Cujus pedes osculis

demulcens peccatrix,
Cujus venerabilis

facta est amatrix.

35.- Qui corona gloriae

Jobannem dotavit,
Regulam justitiae

quia defensavit,
Unde rex saevitiae

ipsum decollavit,
Sic locum lasciviae

turpiter foedavit.

36. Qui per suum angelum

commovit piscinam,
Porrigens ad languidum

unum medicinam.
Gratiam me miserum

servet per divinam,
Ne trahar per znbulum

ad culpae ruinam.

37. Qui me tuis precibus

sublevet languentem,
Bonis ab operibus

jam deficientem,
Claudum In affectibus,

gratia carentem,
A devotionibus

meis arescentem.

38. Qui cum patre provide

cuncta operatur,
Quod ab eo perfidae

genti Intimatur.
Unde magis fervide

hunc persequebatur,
Nam se patri lucide

parem testabatur.

3y. De quo sua opera

sunt testificata,
Patri quod est dextera

proles adaequata,
Errorum pestifera

fraude bac sedata
Nec non plebs ad aethera

credens revocata.

40. Qui patris In omnibus

quaerit voluntatem,
Praedicans hominibus

ejus majestatem,
Ei par ut filius

per aequalitatem
Suamque operibus

pandit potestatem.

V.

41. Qui de quinque panibus,

quos multiplicavit,
Ac duobus piscibus

multos satiavit,
Per hoc se affectibus

plebis sic aptavit,
Ouod Ipsum prae omnibus

regem exoptavit.

42. Qui sacratis pedibus

transiit per mare
Et suos In fluctibus

videns laborare,
Ventorum impulsibus

dignatur obstare
Ac illaesos penitus

suos conservare.

43. Qui vasa diripuit

fortis hunc ligando,
Carne cum succubuit

se In mortem dando
Sed quando refloruit

a tumba surgendo
Spolia tristribuit

suos liherando.

44. Qui videbat Satanam

de coelo cadentem,
Se contra potentiam

Dei erigentem,
Ipse det, ut respuam

hunc malum serpentem,
Peccati malitiam

mihi persuadentem.

45. Qui cum patre parvulis

reserat secreta,
Quae olim a saeculis

fuerant decreta,
O mater amabilis,

gratia repleta,
Nobis tuis famulis

adsis mente laeta.

46. Cujus se amantibus

jugum est suave,
Nam levat portantibus

onus legis grave,
Tibi famulantibus

me sodalem fave,
Dignis et concentibus

tibi dicam Ave.

47. Cui Martha convivia

laeta praeparavit,
Soror stillicidia

verbi degustavit,
Quod Martiiae Ignavia

bene non portavit,
Sed Christi clementia

illam excusavit.

48. Qui In corda seminat

triticum electum,
Hostis superseminat

lolium despectum,
Sed Christus hoc congregat

in fascem collectum
Et per Ignem concremat

veluti frutectum.

49. Qui thesaurus Inclitus

est regni coelorum,
Qui latet absconditus

in corde piorum,
Hoc ut fruar coelitus

cum coetu sanctorum,
Bonis nunc me penitus

privo terrenorum.

50. Qui est admirabilis

illa margarita,
Per quam fide stabilis

plebs se privat vita,
Virgo laudum titulis

digne insignita,
Minimum in famulis

tuis hac me dita.