Congregatio de Causis Sanctorum 143

SIDONIENSIS GRAECORUM MELKITARUM

Beatificationis et Canonizationis Servi Dei Béchara Abou-Mourad (in saeculo:

Sélim), Sacerdotis professi Ordinis Basiliani SS.mi Salvatoris Melkitarum

(1853-1930)

DECRETUM SUPER VIRTUTIBUS

« Nunc autem manet fides, spes, caritas, tria haec; maior autem ex his est

caritas » (1 Cor 13, 13).

Monachus Melkita Béchara Abou-Mourad presbyter fuit virtutibus prae-

ditus et evangelio fidelis; sed potissimum immensa eminuit caritate. Facultas

generose pro omnium bono, praesertim pauperiorum operandi, cor fuit eius

ardentis apostolatus eiusque totam vitam plasmavit.

Servus Dei Béchara Abou-Mourad, in saeculo Sélim, in loco vulgo Zahlé,

in Libano, ortus est, e familia mediae societatis, in qua pietatis amorisque

alta servabatur traditio. Iam ab infantia Sélim ob vitae dignitatem aestima-

batur, ac praesertim ob constantem proclivitatem ad studium, ad virtutum

exercitium nec non ad assiduam sacramentorum frequentationem. Iuventutis

periodo clare desiderium praesensit vitam sacerdotalem consecratamque

amplectendi; superatis igitur quibusdam difficultatibus ex parentum parte,

Conventum ingressus est Sanctissimi Salvatoris Ordinis Basiliani apud Sido-

nem. Hic monasticum induit vestimentum atque nomen accepit Béchara

quod sibi vult « bonum nuntium ». Noviciatu concluso, Servus Dei, ob notam

suam indolem nec non testimonium austerae vitae, « disciplinae magister »

Domus formationis est nominatus atque die 26 mensis Decembris anno

1876 presbyteralem accepit ordinationem.

Varia inter munera quae iuvenis sacerdos exercuit primum exstitit munus

confessarii ordinarii communitatis monasticae et, paulo post, magistri apud

scholam loci v. d. Deir-el-Qamar. Anno 1892 pastorale ministerium in Wadi

explicare coepit: hac in paupere et egenti regione Servus Dei, qua parochus et

monachus itinerans, per triginta et duos annos sacerdotale opus exercuit.

Sua in pastorali industria zelo excelluit, continua diligentia missionali,

spiritu oecumenico et operosa erga pauperes et egentes caritate ita ut etiam

apud non credentes aestimationis sensus suscitaret. Hoc in territorio sacra

aedes deerat vel aliud aedificium aptum cultui, quapropter cotidie diversis in