Acta Apostolicae Sedis - Commentarium Officiale148

Deum tum in proximum, necnon de cardinalibus Prudentia, Iustitia, Tempe-

rantia et Fortitudine iisque adnexis, in gradu heroico, Servi Dei Antonii

Palladino, Sacerdotis dioecesani, Fundatoris Sororum Dominicanarum a

SS. Sacramento, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 10 mensis Decembris A.D. 2010.

Angelus Card. Amato, S.D.B.

Praefectus

L. e S.

e Michaël Di Ruberto Archiep. tit. Biccarensis, a Secretis

ADRIENSIS

Beatificationis et Canonizationis Servae Dei Mariae Elisae Andreoli, Fundatricis

Congregationis Servarum Mariae Reparatricum (1861-1935)

DECRETUM SUPER VIRTUTIBUS

« Fiat voluntas Dei in me et in omnibus meis. Sanctitas est sanctissimam

Dei voluntatem exsequi. Reliquum vanitas est. Sancta fieri cupio sicut Iesus

vult ».

Divinae voluntatis quaesitio et effectio, quae conspicua hac sententia

exprimuntur, vitam Mariae Elisae Andreoli signant.

Serva Dei in pago v.d. Agugliaro, non longe ab urbe Vicentia, in Italia, die

10 mensis Iulii anno 1861 e modesta familia nata est. Ad baptismalem fontem

nomina Isabellae Amaliae ei imposita sunt. Pueritia eius tristibus vicissitu-

dinibus affecta est, praesertim cum pater familiam deseruit. Quam ob rem

adhuc puellula primum Sororibus a Misericordia Ateste, in dicione Patavina,

commissa est, apud quas optime in religione christiana et humanis litteris est

educata; deinde Venetiis, apud Filias Caritatis, quae vulgo « Canossiane »

nuncupantur, superioris gradus studia perfecit. Isabella, diplomate magistrae