Acta Apostolicae Sedis - Commentarium Officiale140

CONGREGATIO DE CAUSIS SANCTORUM

PARMENSIS

Beatificationis et Canonizationis Ven. Servae Dei Annae Mariae Adorni,

Fundatricis Congregationis Ancillarum Beatae Mariae Immaculatae et Instituti

Parmensis a Bono Pastore (1805-1893)

DECRETUM SUPER MIRACULO

Venerabilis Dei Serva Anna Maria Adorni in oppido Fivizzano, prope

urbem Massa Carrara, nata est die 19 mensis Iunii anno 1805. Formata est

ad detegendam vitam secundum Evangelium necnon ducta ad feminina

opera et ad elementariam instructionem. Adulescens in urbem Parmam

simul cum matre conferre se debuit. Quamvis religiosam vitam amplecti

cuperet, matri tamen obsequens nupta est cum quodam viro Domui Ducali

Parmensi addicto. Ex matrimonio sex nati sunt filii, qui tenera in aetate

obierunt, uno excepto qui postea monasticam vitam amplexus est.

Viduata, cum undequadraginta aetatis annos ageret, propositum adimplere

potuit sese Deo consecrandi; attamen Institutum non est ingressa, sed,

suadente confessario, iter suscepit caritatis ad sublevandas praesertim

mulieres in carcere detentas. Pie quoque sollicita de mulieribus e carcere

dimissis, domum quandam conducere valuit pro seipsis et pro aliis

iuvenibus assistentia egentibus. Plures mulieres secutae sunt eius vestigia

in opere adimplendo, ita ut Anna Maria sibi proposuerit religiosam condere

familiam, nempe Congregationem Parmensem Ancillarum Beatae Mariae

Immaculatae, opus scilicet caritate Iesu Boni Pastoris inspiratum. Simul

cum aliis suis puellis discipulis vota emisit et vitam impendit ad mulieres

promovendas, maxime eas sub aspectu tam materiali quam morali in

adversis condicionibus versantes. Venerabilis Serva Dei, operibus caritatis

iuvenili animo semper intenta, die 7 mensis Februarii anno 1893, ob suam

sanctitatis famam iam praeclara, in Domino obdormivit.

Illius prospiciens beatificationi, Postulatio Causae iudicio huius Congre-

gationis de Causis Sanctorum coniectam miram sanationem subiecit, quae