Congregatio de Causis Sanctorum 141

in oppido Brugnera ex Portu Naonis evenit. Etenim vir quidam, Iosephus

Buttignol, quodam die mensis Februarii anno 1939, cephalalgia correptus est.

Tunc medicus edixit esse encephalitidem lethargicam. Morbus talis erat ut

patiens vir sensibilitatis signa minime ostenderet, dum simul personae

rigiditatem exhibebat, oculos clausos, absolutam inappetentiam. Decessus

instare praedicebatur. Ulteriores medicae consultationes confirmabant

diagnosim, cui graviora accedebant meningitidis indicia. Omnia remedia

videbantur incassum proficere patienti, qui cum tarda respiratione et singul-

tibus sedecim per dies in veternoso statu permansit. Sive medici sive eius

familiares de immediato obitu certiores sunt persuasi.

Prae desperato rerum statu, familiares patientis, simul cum Communitate

Domus Generalis Ancillarum a Beata Maria Immaculata, novendiales effon-

dere coeperunt precationes in honorem Venerabilis Fundatricis, ad cuius

Congregationem pertinebat quoque filia ipsius domini Buttignol. Ipsa qui-

dem filia, soror religiosa, aliquot imagines Servae Dei in cubiculo infirmi

collocavit, et particulam reliquiarum Annae Mariae super eiusdem caput

imposuit. Sexto adveniente die novendialium precationum, infirmus repenti-

no sanatus est et ex improviso expergefactus. Talis impraevisa completa

resolutio clinicae condicionis diuturne permansit.

Manifesta exstitit congruentia temporis inter invocationem ad Venerabi-

lem Servam Dei et sanationem domini Iosephi Buttignol.

De hoc eventu, qui mirus habitus est, apud Curiam dioecesanam Parmen-

sem instructi sunt Processus Ordinarius a die 29 mensis Februarii anno 1940

ad diem 5 mensis Aprilis anno 1943, et Processus Apostolicus a die 5 mensis

Martii anno 1953 ad diem 10 mensis Martii anno 1956, quorum iuridicam

auctoritatem approbavit haec Congregatio Decretum edens die 19 mensis

Iunii anno 2006. Medicum Dicasterii Consilium in Sessione diei 27 mensis

Novembris anno 2008 agnovit sanationem celerem fuisse, perfectam et per-

manentem, inexplicabilem sub lumine scientiae medicae hactenus notae. Die

7 mensis Martii anno 2009 habitus est Congressus Peculiaris Consultorum

Theologorum, quorum favens sententia confirmata est a Patribus Purpuratis

et Episcopis in Sessione Ordinaria congregatis die 19 mensis Ianuarii anno

2010, Ponente Causae Exc.mo D.no Andrea Maria Erba, Episcopo emerito

Veliterno-Signino.

Et in utroque Coetu, sive Consultorum sive Cardinalium et Episcoporum,

posito dubio an de miraculo divinitus patrato constaret, responsum affirma-

tivum prolatum est.