COMMENTARIUS.

(a) Virum abstracta vel separata relatione originis, puta generatione activa, sive paternitate,possit manere prima persona divina constituta et distincta ab aliis personis.

In ista quaestione sunt tres articuli principales, in quibus sunt quatuor per ordinem videnda. Primo, supposito quod persona divina constituatur per relationem, ut videtur quaestio supponere, an repugnet specialiter primae personae. Secundo, dato quod non, qua relatione posset prima persona constitui ? Tertio, qualiter se habent istae relationes ad invicem, quae communiter conceduntur inesse primae personae? Et ultimo, patebit quaestio cum quodam corollario, scilicet cum quali abstractione vel separatione possit stare ratio primae personae.