Acta Apostolicae Sedis - Commentarium Officiale144

domibus celebrabat. Etsi inter loci difficultates, frequens populus adibat ad

eius simplicem et instantem sermonem audiendum, ita ut domus insufficien-

tes essent ad innumeros fideles excipiendos.

In diei decursu Servus Dei in oratione et opere, necnon magno paupertatis

spiritu totam impendit vitam. Suo in animo desiderium continuae cum Do-

mino communionis ferventer colebat, demonstrans se secundum cor Christi

sacerdotem esse. Liturgiam pie celebrabat, confessarii ministerium diuturne

exercebat, fideles ferventer edocebat, aegrotis morientibus assistebat, die ac

nocte orabat. Nullo umquam tempore caritatem neglexit.

Ob provectam suam aetatem atque mutabiles salutis condiciones, anno

1921 Servus Dei Sidonem reverti debuit, in monasterium videlicet Sanctissi-

mi Salvatoris, unde plures ante annos profectus erat. Hic, religiosa commu-

nitate suffultus, per alios quinque annos suum exercere potuit ministerium in

Cathedrali aede Melkita et in proximis pagis. Extremos vitae annos, quamvis

morbo affectus, cum serenitate vixit divinae voluntati prorsus deditus.

Dolorem humiliter experiri scivit, assumens etiam condicionem propriae

insufficientiae necnon hanc tribulationem pro peccatorum conversione et

regni Dei diffusione offerens; immo, coacta eius inoperositas induxit eum

ad sese in maiorem contemplationem et orationem immergendum. Adversa

cordis valetudo gravior in dies facta est ob cardiopathiam quae ad mortem

eum misit. Etenim die 22 mensis Februarii anno 1930 pie in Domino

obdormivit sacramentis confirmatus atque omnium affectu et admiratione

circumdatus.

Ob diffusam sanctitatis famam, qua iam in vita fruebatur quaeque post

eius mortem gradatim crescebat, a die 5 mensis Augusti anno 1984 ad diem

26 mensis Novembris anno 1993, apud Curiam Ecclesiasticam Sidonensem

Graecorum Melkitarum Inquisitio dioecesana instructa est, cuius iuridica

auctoritas per Decretum diei 18 mensis Martii anno 1994 a Congregatione

de Causis Sanctorum est recognita. Parata Positione, disceptatum est, ad

suetas normas, an Servus Dei virtutes heroico gradu exercuisset. Die 10

mensis Februarii anno 2004 Sessio acta est Consultorum Historicorum et

die 18 mensis Decembris anno 2009 Peculiaris Consultorum Theologorum

Congressus habitus est. Patres Cardinales et Episcopi in Sessione Ordinaria

die 26 mensis Octobris anno 2010 congregati, audita relatione Ponentis

Causae Excellentissimi Domini Edmundi Farhat, Archiepiscopi titulo

Bybliensis, edixerunt Servum Dei heroicum in modum virtutes theologales,

cardinales iisque adnexas excoluisse.