Acta Apostolicae Sedis - Commentarium Officiale146

CERINIOLENSIS-ASCULANA APULIAE

Beatificationis et Canonizationis Servi Dei Antonii Palladino, Sacerdotis dioecesani

Fundatoris Congregationis Sororum Dominicarum a SS. Sacramento (1881-1926)

DECRETUM SUPER VIRTUTIBUS

« Pascite, qui est in vobis, gregem Dei, providentes non coacto sed spon-

tanee secundum Deum, neque turpis lucri gratia sed voluntarie, neque ut

dominantes in cleris sed formae facti gregis » (1 Pt 5, 2-3).

Haec Apostoli hortatio vitam et operam Servi Dei Antonii Palladino

omnino complectitur: ille ante omnia Deum dilexit et constanter summa

ope in animarum bono nixus est totamque vitam suam apostolicis in

operibus fovendis pro Dei regni aedificatione tradidit.

Antonius Palladino Cerinioliae, Fodiana in provincia, die 10 mensis

Novembris anno 1881 e medii ordinis familia, solidis principiis et firma

Christiana fide praedita, natus est. Undecimum annum aetatis agens,

admissus est in Asculanum Seminarium, in quo gymnasium nec non philoso-

phicos et theologicos cursus frequentavit. Anno 1903, expletis studiis, iuxta

Pontificium Institutum Sancti Apollinaris lauream theologicam adeptus

est et cum subdiaconus in dioecesim rediisset, philosophicas disciplinas

mandatum docendi recepit. Die 6 mensis Ianuarii anno 1905 sacro auctus

est presbyteratus ordine.

Adhuc iuvenis sacerdos, fuit tam vicarius magistri Seminarii quam

eiusdem Seminarii administrator et illic historiae ecclesiasticae et sociologiae

diligentissime professor fuit. Maximo studio in curam iuvenum incubuit, suo

in oppido natali fundans locum ludi et institutionis dictum Ricreatorio festivo

Sancto Ioanni Bosco dicatum. Sequentibus in annis, Dominus Antonius

parochus Sancti Dominici nominatus est in regione oppidi Cerinioliae in

qua graves aderant contentiones sociales, magna miseria, vehemens erga

Ecclesiam adversatio nec non contemptus et fere sacrarum neglegentia;

sed posthabitis omnibus difficultatibus, Servus Dei sine animi demissione

et sine ulla exceptione, multa opera apostolica suscepit ad excitandam et

augendam religiosam nec non misericordem et intellectualem renovationem

omni in loci regione.