Congregatio de Causis Sanctorum 147

Namque paucis annis, triginta et duas congregationes fundavit ad foven-

das operas caritatis pro civitate. Anno 1924 constituit Institutum Sororum

Dominicanarum a SS. Sacramento, quod die 4 mensis Iulii anno 1929 tribus

annis post obitum fundatoris, ad ius dioecesanum evectum est. Particeps fuit

mense Aprile anno 1918 primi conventus Catholicorum Dauniae, cui praefuit

Fodiae Dominus Aloisius Sturzo et ad fundationem, natali suo oppido, sedis

localis recentis Factionis Popularis Italicae profuit.

Omni in sua pastorali actione Servus Dei inter omnes eminuit, in firma

ac serena constantia atque in singulari caritate erga Deum et proximos,

perpetuam fidem in Christum et necessitatibus populi Dei servans. In Evan-

gelio annuntiando laetitia et sine dubitationibus in Eucharistiae celebratione

summas animi facultates egregie coniunxit caritatis cum officio. Propter hoc

et propter instantissimam curam erga necessitates urbis suae a multis

existimabatur et putatur uti « Don Bosco di Cerignola ».

Aestate anni 1924 Servus Dei ostendere incepit prima signa inexorabilis

morbi, qui paucos annos illum omnino consumpsit; die 15 mensis Maii anno

1926 somnum aeternum in Domino pie cepit. Immensus fuit cleri et populi

concursus ad exsequias eius et iam tum multae amoris et benevolentiae

significationes fuerunt sed et venerationis erga hunc « pastorem bonum »,

testimonium authenticum amoris Christi in mundo.

Fama sanctitatis, qua in vita claruit, iuxta Curiam Ceriniolensem-Ascu-

lanam Apuliae celebrata est Inquisitio dioecesana a die 14 mensis Octobris

anno 1995 ad diem 14 mensis Maii anno 1999. Deinde in eadem dioecesi

Inquisitio Suppletiva a die 20 mensis Ianuarii ad diem 14 mensis Maii anno

2004 acta est. Horum iuridica validitas a Congregatione de Causis Sanctorum

per Decreta diei 6 mensis Octobris anni 2000 et diei 24 mensis Februarii anni

2007 approbata est. Exarata Positione, disceptatum est, secundum normas,

an Servus Dei heroicum in modum virtutes coluisset. Die 28 mensis Maii anno

2010 habitus est Congressus Peculiaris Consultorum Theologorum, positivo

cum exitu. Patres Cardinales et Episcopi, in Sessione Ordinaria die 26 mensis

Octobris anno 2010 congregati, Ponente Causa Exc.mo Domino Marcello

Semeraro, Episcopo Albanensi, agnoverunt Servum Dei Antonium Palladino

virtutes theologales, cardinales eisque adnexas heroum in modum excoluisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in