Acta Apostolicae Sedis - Commentarium Officiale150

praeponatur oportet cuicumque normae servandae, praesertim hoc tempore

belli ». Et, dum « proxima » fiebat illis, qui graviter vel aegrotarent vel auxilio

indigerent, eis largiebatur signa divinae praesentiae, misericordiam scilicet,

consolationem et amorem, quae in sua consuetudine vitae experiebatur. Elisa

sibi persuasum habuit virtutem fundamentalem esse humilitatem, ex qua

oritur et ordinatur quaevis forma amoris in Deum et in proximum, quia « sine

humilitate nulla alia adesse potest virtus ... mater caritatis est humilitas ».

Hunc cogitandi et vivendi modum a Maria Virgine didicit, quae ei fuit

« auxilium, praesidium et exemplum » ut vitam ageret credente in Deum et

discipula Christi vere dignam. Licet Servarum Mariae Reparatricum ipsa

esset fundatrix, soli Virgini Mariae titulos « Fundatricis » et « Matris Genera-

lis » tribuit.

Quae omnia usque ad finem vitae testatur. Postremis annis, cum

haemorrhagica nephritide laboraret, modus quo infirmitatem aequo animo

ferebat mirum fuit omnibus exemplum. Deficientibus viribus, paucis diebus

ante mortem munus Superiorissae Congregationis dimisit. Pie in Domino

quievit Rhodigii die 1 mensis Decembris anno 1935, cordi omnium, in

primis suarum filiarum, ut testamentum spirituale reliquens quod saepe

repetebat, sicut normam vitae suae: « O via caelestis! Solus Deus testis,

Iesus Christus exemplar, Maria sanctissima auxilium; dein nihil! Nihil aliud

praeter caritatem et sacrificium ».

Cum Servae Dei fama sanctitatis divulgaretur, in Curia episcopali

Rhodigiensi, a die 2 mensis Februarii anno 1965 usque ad diem 15 mensis

Septembris anno 1971, celebratus est Processus Informativus dioecesanus;

dein, in Urbe celebratus Processus Apostolicus et die 24 mensis Maii anno

1974 editum est Decretum super scriptis Servae Dei. Die 22 mensis Maii anno

1987 emanatum est a Congregatione de Causis Sanctorum Decretum super

validitate Processuum. Positione confecta, die 29 mensis Ianuarii anno 2010,

in Congressu peculiari Consultorum Theologorum favorabili cum exitu

disceptatum est, iuxta consuetudinem, an Serva Dei heroice virtutes

christianas exercuisset. Patres Cardinales et Episcopi in Sessione Ordinaria

diei 16 mensis Novembris anno 2010, audita relatione Exc.mi D.ni Marcelli

Semeraro, Episcopi Albanensis, Causae Ponentis, agnoverunt Servam Dei

heroice virtutes theologales et cardinales iisque adnexas exercuisse et

consilia evangelica servavisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,