Congregatio de Causis Sanctorum 1045

ACTA CONGREGATIONUM

CONGREGATIO DE CAUSIS SANCTORUM

CHANGANACHERRENSIS seu VERAPOLITANA

Canonizationis Beati Kuriakose Eliae Chavara a Sancta Familia Presbyteri et

Fundatoris Congregationis Fratrum Carmelitarum Beatae Mariae Virginis Im-

maculatae (1805-1871)

DECRETUM SUPER MIRACULO

Beatus Kuriakose Elias a Sancta Familia Chavara die 10 mensis Februarii

anno 1805 in vico vulgo Kainakary intra fines Keralae in India natus est et

hebdomada post ad baptismalem fontem rege neratus. Vocatione ad vitam

sacerdotalem percepta, anno 1818 Seminarium ingressus est et, propin-

quorum quorumdam reluctatione superata, die 29 mensis Novembris anno

1829 presbyteratu auctus. Una cum aliis duobus presbyteris primam com-

munitatem religiosam virorum in Kerala fundavit, Congregationem scilicet

Servorum Mariae Immaculatae, nunc Carmelitarum Beatae Mariae Virginis

Immaculatae, pro opere apostolatus corroborando. Quo institutio nem puella-

rum et ascensum spiritualem Ecclesiae catholicae in Kerala amplius foveret,

reverendo patre Leopoldo Beccaro comi tante, primum Conventum Sororum

Tertii Ordinis Carmeli tarum Discalceatarum die 13 mensis Februarii anno

1866 in civitate vulgo Koonammavu dicta instituit. Vota religiosa perpetua

anno 1855 professus est et Congregationem ipsa rexit Superioris Prioris-

que fungens muneribus. Clarus fuit rector atque Ecclesiae societatisque

instaurator, qui admodum in Ecclesiam in Kerala spiritualiter renovandam

valuit ac summopere praecavit, ne communitas christi fidelium ad tentatio-

nem separationis procumberet. Ultimos dies in monasterio civitatis vulgo

Koonammavu degit, ubi, post infirmi tatem et menses tres plenae caecitatis,

die 3 mensis Ianuarii anno 1871, in Domino quievit. Exuviae eius deinde

intra moenia Domus Matris in civitate vulgo Mannanam dicta anno 1889