1052 Acta Apostolicæ Sedis - Commentarium Officiale

5 mensis Iulii anno 1908 quattuor sueta vota perpetua propria membrorum Congregationis Passionis Iesu Christi professa est.

Serva Dei e numero septem primarum monasterii Congrega tionis Passio- nis Iesu Christi Lucensis est virginum, quibus - secun dum visionem a Sancta Gemma Galgani habitam - magni prophetici ponderis opus erat ineundum.

Die 18 mensis Martii anno 1913, profecta est, ut una cum quinque so- ciabus monasterium virginum e Congregatione Passionis Iesu Christi in Mexico fundaret, quod autem inceptum perturba tionis rei politicae causa nullomodo perfici valuit. Quaproter, paucis post annis cum duabus sociis Mexicopoli discessit et in Hispaniam se contulit, quae prope Flaviobrigam, primum Lezamae et exinde, anno 1918, in vico Deusto constiterunt, ubi primum monasterium Congregationis in Hispania reserarunt.

Cardo in via sanctitatis summum fuit commercium, quod Serva Dei cum Patre Ioanne González Arintero, presbytero ex Ordine Praedicatorum, iunxit, qui inter annos 1922 et 1928 pruden tissimus eius fuit moderator spiritualis eamque operibus apostolicis suis sociavit tamquam pretiosam et assiduam adiutricem in ephemeride, cui titulus «Vita Supernaturalis», ab ipso fundata curanda, cuius articulos a Serva Dei ficto nomine « J. Pastor » editos studuit subscribendos, ut populi curiositati eam surriperet et morum eius tueretur humilitatem.

Eodem tempore, Mater Maria Magdalena uti Superiorissa electa est et pluries confirmata. Anno 1935 vocata est, ut commu nitatem virginum e Congregatione Passionis Iesu Christi Lucensem Superiorissae exercens offi- cium regeret. Quinquennali hoc munere fungens, quod enimvero universae eius vitae difficillimum fuit onus, gaudio et honore gavisa est, cum a Luca esset oriunda, novum monasterium virginum Congregationis condendi una et Sanctuarium Deo in honorem Sanctae Gemmae Galgani municipis suae dicatum atque sollemnia canonizationis apparandi, quae die 2 mensis Maii anno 1940 evenit et post bellum, anno 1947, maioribus festis iterum est celebrata.

Die 15 mensis Iulii anno 1941 civitatem suam deseruit, ut in Hispaniam denuo per exercitum iter remearet, ubi, ardenti amore dominicae Passionis salutisque et sanctitatis populi Dei iugiter sustentata, novum monasterium Matriti fundavit.

Humanitate virtutibusque christianis omnibus et votis religiosae conse- crationis Serva Dei per totum suae conversationis tempus eminuit. Perlonga enim eius peregrinatio in mundo indefessa semper collustrata est ac ducta