1056 Acta Apostolicæ Sedis - Commentarium Officiale

rum infantis et certae matris mortis maxima probabilitas erat. Antequam

in valetudinarium deduceretur, a duobus hospitalibus puerpera repulsa est,

quoniam gravissimus status eius erat. Eius familiares et totus pagus cum

parocho et sororibus Sanctae Dorotheae a Beato auxilium rogaverunt: rebus

adversis periculisque superatis, partus rite recteque evenit, cuius rei nemo

rationem afferre potuit. Immature puellula sana et integra nata est, nec in

partu sanguinis fluxus fuit mulieri, quae totum per tempus Beati imaginem

in manibus obtinuerat. Dum mulier Beatum implorat partum evenisse ne-

minem latet. Diebus partui proximis illa mulier gravius aegrotavit, quam ob

rem fideles qui in eius pago habitabant preces intenderunt atque ieiunum

servaverunt. Paucos post dies omnino sanata domum mulier rediit et inde

corpore valuit; item puellula valuit.

De qua mira sanatione, quae putabatur divinitus effecta, apud Curiam

Gunturensem, a die 10 mensis Decembris anno 2002 usque ad diem 21 men-

sis Ianuarii anno 2003 celebrata est Inquisitio dioecesana, cuius auctoritas

et vis iuridica a Congregatione de Causis Sanctorum Decreto diei 4 mensis

Aprilis 2003 probatae sunt. Dicasterii Collegium Medicorum in sessione diei

14 mensis Aprilis anno 2005 partum sanum inexplicabilem quoad modum

secundum scientiam fuisse una voce affirmavit. Die 28 mensis Novembris

anno 2013 celebratus est Congressus Peculiaris Consultorum Theologorum,

qui, posito dubio an de miraculo constaret, respon sum adfirmativum una

voce protulit et miraculum patratum a Deo per Beati Ioannis Antonii Fa-

rina intercessionem agnovit. Quod Sessio Ordinaria Patruum Cardinalium

et Episcoporum, habita die 18 mensis Martii anno 2014, me card. Angelo

Amato praesidente, confirmavit.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata rela tione, Sanctitas Sua vota

Congregationis excipiens rataque habens, hodierno die solemniter declaravit:

Constare de miraculo a Deo patrato per intercessionem Beati Ioannis Antonii

Farina, Episcopi Vicentini et Fundatoris Instituti Sororum Magistrarum a

Sancta Dorothea Filiarum a Sacris Cordibus, videlicet de partu cuiusdam

mulieris affectae a « epatite B, con marcata iperbiliru binemia, anemia e pia­

strinopenia, ad alto rischio emorragico e con rischio di danno neurologico

per il feto nato pretermine, nonostante la diagnosi molto riservata "quoad

vitam" e "quoad valetudinem" per la madre e per il feto ».