1046 Acta Apostolicæ Sedis - Commentarium Officiale

translatae sunt et in ecclesia monasterii Sancti Ioseph tumulatae. Summus

Pontifex Ioannes Paulus II anno 1986 eum in numerum beatorum rettulit.

Canonizationis respectu, Causae Postulatio iudicio huius Congregationis

de Causis Sanctorum assertam subiecit miram eiusdem Beati intercessioni

tributam sanationem puellae, quae in vico Pala intra fines Keralae in India

occurrit. Pupilla, enim, quae praemature nata erat, dum tertium aetatis

agebat annum, a medico quodam oculorum curae perito perscrutata est,

qui praesentiam vero oculorum distortionis convergentis alternae censuit

seu ad amba lumina pertinentis. Suggestus ergo ei est ocularium usus et

chirugicae sectionis utilitas sollicite praecepta, quae vero citius ac promp-

tissime, cum condiciones oculorum puellae penitus in peius ruissent, nulla

alia intermissa mora oportuit.

Tantis in perditis et infelicissimis adiunctis, propinqui puellae ad di-

vinum auxilium confugere statuerunt per Venerabilis Servi Dei intercessio-

nem, ad cuius sepulcrum devote confluxerunt, et hanc intra moenia laris

perseveraverunt orationem ante imagunculam quamdam cum effigie Beati,

quam puellulae collocaverunt propin quam, ut manu sua eam contingere

posset. Quadriduo post, die 16 mensis Octobris anno 2007, omnes quidem

puellam incorrupte conspicere posse animadverterunt. Clinicae etiam ocu-

lorum perscru tationes, quae dein secutae sunt, utriusque luminis motus

confir maverunt rectos omnemque distortionem, nullo relicto vestigio vel

infirmitatis signo, plene vacantem.

Continuatio temporis clarissime patuit, sicut et nexus inter invocatio-

nem Beati et puellae sanationem, quae exinde optima gavisa est valetudine

normalesque vitae consuetudines gerit.

De hac mira habita sanatione apud Curiam Episcopalem Palaiensem a die

16 mensis Iulii anno 2010 ad diem 16 mensis Augusti anno 2011 Inquisitio

dioecesana celebrata est, cuius auctoritas et vis iuridica a Congregatione

de Causis Sanctorum Decreto diei 26 mensis Aprilis anno 2012 probatae

sunt. Acta dein collecta examini et iudicio Dicasterii Medicorum Collegium

subiecta sunt, quod in Sessione diei 26 mensis Septembris anno 2013 sana-

tionem rapidam, completam et duraturam, necnon inexplicabilem secundum

hodiernam scientiam medicam fuisse affirmavit. Die 10 mensis Decembris

anno 2013, Congressus Peculiaris Consultorum Theologorum factus est ac,

die 18 mensis Martii anno 2014, Sessio Ordinaria Patrum Cardinalium et

Episcoporum, cui egomet ipse Angelus Cardinalis Amato praefui. Et in