1048 Acta Apostolicæ Sedis - Commentarium Officiale

MACERATENSIS - TOLENTINA - RECINETENSIS - CINGULANA - TREIENSIS

Beatificationis et Canonizationis Servi Dei Aloisii Rocchi Christifidelis Laici (1932-1979)

DECRETUM SUPER VIRTUTIBUS

« Nolite timere; multis passeribus pluris estis » ( Lc 12, 7).

Iam inde a pueritia immedicabili morbo correptus et viginti ac septem

annos perfecta immobilitate obligatus, Servus Dei Aloisius Rocchi homo

fuit amantissimus vitae vivisque perstu diosus cruci adfixis consolandis illis,

quos appellitabat infirmos.

Hic Servus Dei die 19 mensis Februarii anno 1932 in Urbe ortus est.

Paulo post familia vero Tolentinum rediit, e qua civitate originem traxerat,

et, quattuor annos natus, subsecutis infirmi tatibus fractus iam coepit ae-

grotare: saepius enim humi procidebat et in schola nec moveri nec aliorum

puerorum instar currere adeo valebat, ut ab omnibus demum derelinqueretur

seductus; et quo facilius Primam Communionem reciperet, ad balaustium

sacrarii opus fuit, ut a matre susceptus incederet.

Saevam propediem medici ei procedentis musculorum dystrophiae seu

morbi de Duchenne dixerunt sententiam. Ferula tum institit ad ambulandum

egere primum una, dein duobus, donec lapillus ipse quasi iugum ei factus

est invictum et parentes, ut in editum domi adveherent, puerulo erant

oneri succedendi. Insuper, dum decimum agebat aetatis annum, incendio e

coniectis de caelo igniferis plumbis mananti astiterat, quod plenam calvitiem

ei hereditate reliquit.

Servus Dei primo vehementer ad haec extulit una et asperna tionis ac

repulsae comprehensibiles sensus, qui vero tristitiam intimamque inquietu-

dinem ac destitutionem fidei et desperationem in eiusdem animo excussit

summam. Quae mulier genuinae et firmae erat fidei, mater pueri filii infir-

mitati succubuit, quem, contra temporis mores aegrotos huiusmodi in Insti-

tutum quoddam concludendi, domi servavit, saepius eidem verba dictitans:

«Aloisi, parve, Iesus te diligit», quae - uti Servus Dei ipse olim professus

est - initium etenim fuerunt eius conversionis.

Aloisius, interdum, ad iuventutem iamiam perventus oportuit de schola

discedere, ab omni familia informanda recedere, sartoris laborem - cum