Congregatio de Causis Sanctorum 1053

fide, oratione, eucharistica cele bratione et devotione erga Passionem Do-

mini ac Beatam Mariam Virginem Perdolentem tamquam inexhausto fonte

suffulta. Intimus paupertatis et humilitatis spiritus de actis et vultu eius

urbano simul et severo redundabat et de caritate, quam praesertim erga

socias Sorores supereminenti cura exercuit, in quarum animum miseri cordis

amoris Dei summopere infudit intellectum. Oboe dientia Regulae Congre-

gationis numquam simplex et adventicia ei fuit inceptui cuidam dubio ad-

haesio, sed immersio vera in fretum dominicae Passionis spiritualitatis ac

singularis mysterii Christi crucifixi enarratio, quibus tempora vivere valuit

gravia praeter vires humanas, nisi intercedente gratia divina et auxiliante

plena suipsius oblatione voluntati Dei profundissima in humilitate.

Intra moenia monasterii Matritensis, pro bonis fructibus Concilii Va-

ticani II iam portentis immolata vita, Serva Dei die 10 mensis Februarii

anno 1960 in Domino quievit.

Ob sanctitatis famam Causa Beatificationis et Canonizationis apud Cu-

riam Archiepiscopalem Matritensem inita est per celebra tionem Inquisitionis

dioecesanae inter annos 1989 et 1991 et Processus Rogatorialis apud Curiam

Episcopalem Lucensem inter annos 1987 et 1988, quarum auctoritas et vis

iuridica a Congre gatione de Causis Sanctorum die 12 mensis Decembris

anno 1992 probatae sunt. Positione confecta, in Congressu Peculiari Consul-

torum Theologorum primum die 2 mensis Decembris anno 2011 ac dein

die 15 mensis Ianuarii anno 2012 ob idonearum perquisitionum necessita-

tem habitum, prospero cum exitu disceptatum est, iuxta consuetudinem, an

Serva Dei more heroum virtutes christianas exercuisset. Patres Cardinales

et Episcopi in Sessione Ordinaria diei 18 mensis Februarii anno 2014, cui

egomet ipse Angelus Cardinalis Amato praefui, professi sunt Servam Dei

virtutes theologales, cardinales iisque adnexas in modum heroum exercuisse.

Facta demum de hisce omnibus rebus Summo Pontifici Francisco per

infrascriptum Cardinalem Praefectum accurata rela tione, Sanctitas Sua vota

Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate

tum in Deum tum in proximum, necnon de cardinalibus Prudentia, Iusti­

tia, Temperantia et Fortitudine iisque adnexis in gradu heroico Servae Dei

Mariae Magdalenae a Iesu Sacramentato (in saeculo: Iosephinae Mar cucci),

religiosae professae e Congregatione Passionis Iesu Christi, in casu et ad

effectum de quo agitur.