Congregatio de Causis Sanctorum 1055

VICENTINA

Canonizationis Beati Ioannis Antonii Farina Episcopi Vicentini Fundatoris Institu- ti Sororum Magistrarum a Sancta Dorothea Filiarum a Sacris Cordibus (1803-1888)

DECRETUM SUPER MIRACULO

Beatus Ioannes Antonius Farina natus est in Vicentino pago vulgo

Gambellara die 11 mensis Ianuarii anno 1803. Puerili aetate disciplina et

litterarum rudimentis a patruo sacerdote institutus est, quindecim annos

natus episcopale Seminarium Vicentinum ingres sus est, ibique, dum Theo-

logiae studet, docere incepit. Auctus sacerdotali ordinatione in Seminario

docere perrexit, praesedit scholae publicae ac alter a parocho exstitit in

quadam plebis inopis paroecia Vicetiae. Qua in urbe scholam popularem

puellarum constituit et anno 1836 condidit Institutum Sororum Magistrarum

a Sancta Dorothea Filiarum a Sacris Cordibus ad egenas, surdas mutas-

que puellas educandas necnon ad infirmos senesque iuvan dos. Anno 1850

creatus est episcopus Ecclesiae Tarvisinae, quo munere decem per annos

functus est; postea ad sedem episcopalem Vicentinam translatus est, ubi

amplissimam operam pastoralem et culturalem usque ad mortem explicavit.

In utraque dioecesi eminuit magna caritate et apostolica sedulitate, quas

exercuit erudiendo clerum et fideles, docendo pueros christianam doctrinam,

instituendo plura sodalicia et consociationes ad pietatem promovendam et

ad populum auxiliandum. Propter operas suas definitus est "Vir caritatis";

populus autem "Episcopum pauperum" eum appellabat. Eius vita signata

est acerbis aegritudinibus et criminationibus, quas interiori tranquillitate

et venia perpessus est, regulae supremae salutis animarum praecipue fide-

lis. Sanctitatis fama circumfusus, obiit die 4 mensis Martii anno 1888. Die

4 mensis Novembris anno 2001 ad numerum Beatorum Summus Pontifex

Ioannes Paulus II eum adscripsit.

Ad canonizationem Postulatio Congregationi de Causis Sanctorum obtulit

adfirmatum partum divinitus effectum, qui evenit in Andra Pradesh, Sud In­

dia, eodem anno beatificationis. Quaedam mulier, pauperrima et litterarum

omnino rudis, per nonum graviditatis mensem affecta est morbo hepatiario

B, sanguinis defectu, cum morbo icterico; propter effrenatos san guinis fluxus

qui in partus tempore necessarie futuri erant, detri men torum neurologico-