COMMENTARIUS.

(a) Ad argumenta principalia. Primo arguit, probando, quod Deum esse omnipotentem, possit naturali ratione demonstrari, quia naturali ratione demonstratur esse infinitae potentiae; ergo et omnipotentiae. Antecedens patet 8. Phys. text.

com. 18. Deus movet tempore infinito ; ergo est infinita potentiae, etc.

Respondet Doctor primo ad antecedens, et responsio patet hic, et in primo d. 2. q. i. ubi prolixe pertractata est auctoritas Philosophi. Et dicit Doctor quod Philosophus per hoc intellexit de potentia imperfecta intensive, et non extensive tantum, puta, quod semper duret, quia nulla virtus potest movere per infinitum tempus.