Acta Apostolicae Sedis - Commentarium Officiale512

Datum Romae, apud S. Petrum, die quarto decimo mensis Iunii, anno

Domini bis millesimo undecimo, Pontificatus Nostri septimo.

e Tharsicius card. Bertone

Secretarius Status

Marcellus Rossetti, Protonot. Apost.

Franciscus Piva, Protonot. Apost. s.n.

Loco e Plumbi

In Secret. Status tab., n. 195.545

II

SYLHETENSIS

In Bangladesa nova conditur dioecesis Sylhetensis.

BENEDICTUS EPISCOPUS

servus servorum dei

ad perpetuam rei memoriam

Missionali Ecclesiae navitati Nos, beati Petri Successor, valde volentes

favere, sollicitam nunc vertimus mentem ad fideles in Bangladesa degentes.

Eorum igitur spiritales perspicientes necessitates, de nova cogitamus

dioecesi, sicut expostulatum est, ibi instituenda. Idcirco, quorum interest

cognita sententia, de consilio Congregationis pro Gentium Evangelizatione,

plenitudine Apostolicae Nostrae potestatis, territorium districtuum civilium

vulgo Sylhet, Sunamganj, Habigganj et Moulibazar ab Archidioecesi Dac-

chensi abstrahimus, ex quibus novam Dioecesim erigimus Sylhetensem

appellandam. Novae ecclesialis communitatis sedem in urbe v.d. Lokhipur

statuimus templumque ibidem exstans, Deo in honorem Divinae Misericor-

diae dicatum, ad gradum evehimus templi Cathedralis, cunctis consentaneis

concessis iuribus et privilegiis. Dioecesim Sylhetensem Metropolitanae Ec-

clesiae Dacchensi suffraganeam facimus atque iurisdictioni Congregationis