Congregatio de Causis Sanctorum 553

10. Gabriel Barriopedro Tejedor: Natus est die 18 mensis Martii anno

1915 in urbe Barahona in provincia quae Soria dicitur et vota primo ut

religiosus nuncupavit die 29 mensis Iunii anni 1933.

11. Melecius Pardo Llorente: Natus est in urbe Bustillo de Chaves in

Vallisoletana provincia die 3 mensis Augusti anni 1913. Professus est ut

religiosus die 15 mensis Septembris anni 1931.

12. Ottilius del Amo Palomino: Natus est in urbe Bustillo de Chaves in

Vallisoletana provincia die 2 mensis Aprilis anni 1913. Professus est primo ut

religiosus die 24 mensis Octobris anni 1932.

13. Primitivus Berrocoso Maillo: Natus est die 19 mensis Februarii anni

1913 in urbe Jerte in provincia dicta Cáceres. Primam ut religiosus professio-

nem effecit die 15 mensis Augusti anni 1930.

14. Vincentius Robles Gómez: Natus est die 25 mensis Aprilis anni 1914

in urbe Villanueva del Conde, in Salmantina provincia, et professus est ut

religiosus die 15 mensis Septembris anni 1931.

Die 2 mensis Octobris, item in Fernancaballero plumbis occubuit ad

ianuam coemeterii frater cooperator:

1. Philippus González de Heredia: Natus erat die 24 mensis Maii anno

1889 in urbe San Asensio, in Lucronensi provincia. Professus est die 25

mensis Martii anni 1909.

Propter opinionem de horum Dei Servorum martyrio ab initio ut tale ab

hominibus sinceris cordi habito quaeque magis magisque crevit, duo instructi

sunt processus: primus, de Servo Dei Iosepho Maria Ruiz Cano, instructus est

in dioecesi Seguntina anno 1954; alter, de Servis Dei Iesu Hannibale Gómez

Gómez, Thoma Cordero Cordero et tredecim sociis instructus est in Cluniae

praelatura anno 1959. Per rescriptum diei 17 mensis Maii anni 1987 coniuncti

sunt ambo Processus, et die 11 mensis Ianuarii anni 1991 approbata est unica

Causa per Decretum super validitate Processuum. Die 9 mensis Iunii anni

2009 celebratus est Peculiaris Congressus Consultorum Theologorum, qui

conventus agnovit firmitatem elementorum tum materialium tum formalium

martyrii. Hic optimus finis ratus habitus est ab Eminentissimis Cardinalibus

et Excellentissimis Episcopis in sessione ordinaria diei 4 mensis Maii cum

Causam exponeret Excellentissimus Dominus Linus Fumagalli, Episcopus

titularis Sabinensis-Mandelensis.