Acta Apostolicae Sedis - Commentarium Officiale548

SATMARIEN.

Beatificationis seu Declarationis Martyrii Servi Dei Ioannis Scheffler, Episcopi

Satmariensis ({ 6 Decembris 1952)

DECRETUM SUPER MARTYRIO

«Noli itaque erubescere testimonium Domini nostri neque me vinctum

eius, sed collabora evangelio secundum virtutem Dei » (2 Tim 1, 8).

Verba haec, quae Paulus Apostolus ad Timotheum discipulum e vinculis

misit, casum Ioannis Scheffler, Dei Servi, perspicua vi complectuntur. Hic

enim germanissimus Christianae fidei testis fuit, quippe quam ipse usque ad

mortem constantissime defendisset ac diffudisset.

Hic Dei Famulus die 29 mensis Octobris anno 1887, in pago, quem vulgo

Kálmánd appellant, in Hungaria, pauperibus colonis parentibus natus est.

Qui, cum inde a puero impigrum atque acre ingenium praebuisset, brevi

multorum existimationem collegerat, et vero curionis, qui quidem operam

dedit ut Ioannes, institutione puerili ad finem adducta, in Catholicum Re-

gium Lyceum Maius Satmariense admitteretur. Reliquis deinceps annis puer,

dum in schola formabatur, ut in sacris muneribus totus Domino deserviret,

consilium in animo agitavit: quapropter, diplomate maturitatis cum laude

potitus, institutionem, tam rerum divinarum quam litterarum ac doctrinae,

in Dioecesano seminario prosecutus est, dieque 6 mensis Iulii anno 1910,

obtenta necessaria venia ab aetatis defectu, ad sacrum presbyteratus ordinem

ascendit.

Hinc iuvenis sacerdos, ad breve tempus adiutoris munere functus, ut in

sacris legibus exerceretur, in Urbem missus est. Inde domum reversus,

nonnullis, tum in Curia tum in paroeciis, susceptis officiis, in Athenaeo Bu-

dapestinensi theologiae doctoris dignitatem et nomen assecutus est. Eodem

tempore Superiores, quippe cui summam omnium rerum fidem haberent,

gravia ei munera, tam academica quam pastoralia, detulerunt, quae omnia

ipse mira peritia, firmissima pietate, maxima denique humilitate explevit.

Talis vir, cum plurimi haberetur, quia summam in munere pastoris exercendo

gravitatem ac diligentiam multifariam adhiberet, die 17 mensis Maii anno

1942, consecratus est Episcopus Satmariensis, idemque Ecclesiae Magnova-

radinensi Latinorum Administrator Apostolicus datus; quibus Ecclesiis