Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 1 mensis Iulii A.D. 2010.

e Angelus Amato, S.D.B. Archiep. tit. Silensis, Praefectus

L. e S.

e Michaël Di Ruberto Archiep. tit. Biccarensis, a Secretis

CERRETANA-THELESINA-S. AGATHAE GOTHORUM

Beatificationis et Canonizationis Ven. Servae Dei Mariae Seraphinae a Sacro

Corde (in saec.: Clothildis Micheli), Fundatricis Instituti Sororum ab Angelis

(1849-1911)

DECRETUM SUPER MIRACULO

Venerabilis Serva Dei Maria Seraphina a Sacro Corde (in saec.: Clothildis

Micheli) nata est in oppido Imèr, provinciae Tridentinae, periodo propria

Imperii ''Habsburgici'', die 11 mensis Septembris anno 1849, secunda ex filiis

parentum Dominici et Annae Mariae Dominicae Orsingher. Sequenti die

baptismali aqua est abluta. Duobus post annis sacro chrismate confirmata

est. Usque ad duodeviginti aetatis annos vitam gessit apud suos in ambitu

christianae fidei graviter exercitae: verbo et exemplo parentes formaverunt

eam ad Dei proximique amorem. Annis infantiae ludum primarium efficien-

ter frequentavit, ac decem annos nata accessit ad sacrum Convivium. Duo-

deviginti annos agens aetatis ferventer occurrit cum Deo, qui vitam eius

subvertit: dum enim devote oraret apud templum curatiale suae terrae na-

talis, Beatissima Virgo ostendit illi Dei voluntatem ut fundamenta iaceret

novi Instituti quod appellabitur Sororum ab Angelis, eo quod sibi proposuit

Angelos in adoratione Sanctissimae Trinitatis imitari et proximo inservire.

Sequentibus annis in animo Clothildis indelebiliter exortum est propositum

severam et strenuam ascesim gerendi ac primatum tribuendi voluntati Dei,

Acta Apostolicae Sedis - Commentarium Officiale540