Acta Apostolicae Sedis - Commentarium Officiale546

tribus circiter annis ab ingressu in religionem, Serva Dei graviter tuberculosi

alvi affecta est, quamobrem in vicum Nepe apud suos parentes redire coacta

est. Etiamsi summo dolore ob hanc decisionem afficeretur, numquam animo

se demisit atque postrema vitae suae tempora vitam gessit ingenti serenitate,

in orationem prorsus demersa et tota Domino dedita. In vico Nepi die

1 mensis Octobris anno 1928 pie in Domino obdormivit. Anno 1987

Ioannes Paulus II agnovit eam virtutes heroico in modo exercuisse.

Beatificationis intuitu, Postulatio Causae examini huius Congregationis

de Causis Sanctorum coniectum praebuit mirum eventum, intercessioni

Servae Dei ascriptum. Huiusmodi eventus in Monte Romano successit, in

loco v.d. Buffolareccia Universitatis Agrariae, die 4 mensis Augusti anno

1959. Iuvenis Thomas Ricci, intervallo fruens in opere, humi se recumbere

decrevit ad quiescendum et pauxillum dormiendum; improvise magna

autoraeda afflictatus est; ingens quaedam rota, quae sustinebat pondus

circiter milia chiliogrammatum, gravavit in columnam vertebralem. Ductor

autoraedae, qui nepos erat Servae Dei, statim ut casum animadvertit, ex

bulga nummaria parvam Caeciliae imaginem extraxit eius desperanter

intercessionem invocans. Thomas Ricci, qui auxilium a quodam teste

oculari accepit, primum in ambulatorium medicum est translatus ac postea

statim in valetudinarium Tarquiniense. E primis examinibus nulla res

suspiciens est exorta in statu patientis. Constanti subiectus observationi,

die 10 mensis Augusti Thomas Ricci e valetudinario est dimissus. Conscius

se miraculose periculo liberatum, simul cum multis suis concivibus, die 27

mensis Septembris anno 1959, Nepe se contulit atque prope sepulcrum

Caeciliae Eusepi apud Deum pro se intercedenti gratias egit.

De hoc eventu, qui mirus est habitus, a die 17 mensis Novembris anno

1993 ad diem 15 mensis Februarii anno 1995 apud Curiam Centumcellarum-

Tarquiniensem prima Inquisitio dioecesana est instructa; a die 15 mensis

Ianuarii ad diem 18 mensis Aprilis anno 2003 secunda Inquisitio dioecesana

apud eandem Curiam est acta; tandem Inquisitio additicia Romana die

22 mensis Aprilis anno 2009 est ab ipsa Congregatione adimpleta. Quarum

iuridica validitas ab hoc Dicasterio de Causis Sanctorum per Decretum diei

10 mensis Martii anno 2006 est approbata. Acta collecta ex primis duabus

Inquisitionibus examini et opinioni data sunt Consilii Medici-Technici huius

Dicasterii die 7 mensis Februarii anno 2008. Deinde, die 1 mensis Octobris

anno 2009, Consilium Medicum-Technicum exitum ex Inquisitione additicia

Romana erutum examinavit et unanimiter declaravit eventum vitati periculi