Congregatio de Causis Sanctorum 551

SEGUNTINA seu CLUNIENIENSIS

Beatificationis seu Declarationis Martyrii Servorum Dei Iosephi Mariae Ruiz

Cano, Iesu Hannibalis Gómez Gómez, Thomae Cordero Cordero et XIII Sociorum,

e Congregatione Missionariorum Filiorum Immaculati Cordis Beatae Mariae

Virginis ({ 1936)

DECRETUM SUPER MARTYRIO

«Omnis ergo qui confitebitur me coram hominibus, confitebor et ego eum

coram Patre meo, qui in caelis est » (Mt 10, 32).

Haec Domini Iesu Christi verba vitam et mortem Servorum Dei Iosephi

Mariae Ruiz Cano, Iesu Hannibalis Gómez Gómez, Thomae Cordero Cordero

et sociorum collustrant, qui effundentes suum sanguinem suam fidem erga

Christum testificati sunt, quique impraesentiarum emicant in Ecclesia

martyrum diademate coronati.

Mente profecto capere debemus tamquam praeclaram Deo habitam pro-

priam fidem horum Servorum Dei occisiones quorum occasio in bello civili

Hispanico fuit ex anno 1936 ad annum 1939, quo tempore cruenta persecutio

catholicae religioni, Dei Ecclesiae, eius institutionibus eiusque membris,

episcopis, sacerdotibus et religiosis praecipue incidit. Tunc multi eo ipso quod

ecclesiastici erant, comprehensi et interfecti sunt. Si minis cessissent vel

illecebris et defecissent a fide, poterant vitam servare, sed ii, divino auxilio

confirmati, maluerunt sanguinem fundere amore Christi sicque incorruptam

consequi martyrii coronam. Huius praeclari agminis participes sunt sedecim

religiosi, sodales Congregationis Missionariorum Filiorum Immaculati Cordis

Beatae Mariae Virginis, conditae a Sancto Antonio Maria Claret. Eorum

comprehensionis et occisionis adiuncta nota sunt. Erant in hoc agmine

1 sacerdos, 14 theologiae alumni et 1 frater cooperator, qui alio et loco et

die martyrium passi sunt.

Prima victima mortem occubuit Seguntiae in provincia quae Guadalajara

dicitur die 27 mensis Iulii anni 1936.

1. P. Iosephus Maria Ruiz Cano, in oppido Fernán de los Caballeros

(Badajoz) ortus die 3 mensis Septembris anno 1906; qui professionem

religiosam emisit die 15 mensis Augusti anno 1924, sacerdos est ordinatus

die 29 mensis Iunii anno 1932 quique cum est deprehensus erat instructor cui

commissum erat Seguntinum Seminarium Claretianum. Potuit se in fugam