Congregatio de Causis Sanctorum 541

uti constanter ''praesentis'', qui interpellat et urget eam. Die 28 mensis Iunii

anno 1891, in loco Briano, provinciae Casertanae, haud sine intensa afflicta-

tione et diuturna peregrinatione, Serva Dei condidit Institutum Sororum ab

Angelis et nomen sibi assumpsit Sororis Mariae Seraphinae a Sacro Corde.

Viginti sequentibus annis Venerabilis Serva Dei quindecim circiter domos in

universa Italia instituit. Die 24 mensis Martii anno 1911 Mater Seraphina in

loco Faicchio, provinciae Beneventanae, apud Primariam Domum Sororum

ab Angelis animam exhalavit.

Summus Pontifex Benedictus XVI die 3 mensis Iulii anno 2009

subsignavit Decretum quo approbatae sunt virtutes heroico in gradu ab

ipsa exercitae.

Beatificationi prospiciens, Postulatio Causae submisit iudicio Congrega-

tionis de Causis Sanctorum coniectam miram sanationem Sororis Michaelinae

Acocella, sodalis ex Sororibus ab Angelis, mense Novembri anno 1999 patra-

tam. Soror haec anno 1980 subire debuit interventum chirurgicum gastro-

resectionis cum gastroieiunostomia. Periodo post interventum aegrota

percipere coepit quendam languorem hypotensionis, sudationis, astheniae

assumptione cibi ac praesertim liquidis dulcoratis aggravatae. Haec lassitu-

dinis condicio impedivit ei quominus consuetas activitates exsequi posset,

ac saepe coartavit eam ad simplicia quoque officia cotidiana exsequenda.

Examen radiologicum apparatus digerentis in lucem protulit exitus praece-

dentis interventus ''cum stomacho resecto ad III medium cum evacuatione

quae evenit tempore inferiore quatenus ad normam''. A mense Ianuario anni

1982 ad diem 17 mensis Novembris anno 1999 Soror Michaelina subiecta est

examinibus et curationi a variis medicis, qui edixerunt agi de syndrome a

Dumping in gastro-resecata. Infirma prae omnium oculis emacrescere coepit

et valetudinis condiciones apparuerunt admodum instabiles, ita ut, assen-

tientibus quoque clinicis, ad interventum chirurgicum procedere statueretur.

Sub vesperum diei 17 mensis Novembris anno 1999, Soror Michaelina,

contuens informationem televisificam circa Beatam Mariam Virginem a Co-

lumna, devote inspirata ac firmiter exaudiri persuasa, Fundatricem Sororem

Mariam Seraphinam a Sacro Corde invocavit dicens: ''O Mater Seraphina, fac

ut stomachus meus reficiatur''. Sequenti die aegrota exspergefacta quendam

prosperum valetudinis statum advertit, ita ut illico usitatam nutritionem

assumere posset, et amplius nullam exhiberet restrictionem in exsequendis

consuetis activitatibus vitae religiosae, et etiam magisterio; et in praesens

bona utitur valetudine.