Acta Apostolicae Sedis - Commentarium Officiale542

Evidens exstat congruentia chronologica ac nexus inter invocationem ad

Venerabilem Servam Dei et sanationem Sororis infirmae.

De hac sanatione, quae mira est habita, inde a die 9 mensis Decembris

anni 2003 ad diem 26 mensis Februarii anni 2005 apud Curiam Archi-

dioecesanam Neapolitanam instructa est Inquisitio Dioecesana super miro,

cuius validitatem iuridicam approbavit Congregatio de Causis Sanctorum,

decretum vulgans die 20 mensis Maii anno 2005. Deinde Consilium Medicum

Dicasterii eventum examinavit in sessione habita die 3 mensis Decembris

anno 2009, in qua experti viri edixerunt sanationem sub lumine actualis

scientiae medicae inexplicabilem fuisse. Die 26 mensis Martii anno 2010

positivo cum exitu actus est Congressus Peculiaris Consultorum Theologo-

rum, et die 8 sequentis mensis Iunii Patres Cardinales et Episcopi in Sessione

Ordinaria congregati, Ponente Causae Exc.mo D.no Marcello Semeraro,

Episcopo Albanensi, huiusmodi sententiam confirmaverunt.

Et in utroque Coetu collegiali, sive Consultorum sive Cardinalium et

Episcoporum, posito dubio an de miraculo, per intercessionem Venerabilis

Servae Dei Mariae Seraphinae a Sacro Corde, divinitus patrato constaret,

responsum affirmativum prolatum est.

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, Sanctitas

Sua, vota Congregationis de Causis Sanctorum excipiens rataque habens,

hodierno die declaravit: Constare de miraculo a Deo patrato per intercessionem

Venerabilis Servae Dei Mariae Seraphinae a Sacro Corde, Fundatricis Instituti

Sororum ab Angelis, videlicet de celeri, perfecta ac constanti sanatione Sororis

Michaelinae Acocella a ''sindrome di Dumping in paziente gastroresecata per

malattia ulcerosa''.

Hoc autem decretum publici iuris et in acta Congregationis de Causis

Sanctorum Summus Pontifex referri mandavit.

Datum Romae, die 1 mensis Iulii A.D. 2010.

e Angelus Amato, S.D.B. Archiep. tit. Silensis, Praefectus

L. e S.

e Michaël Di Ruberto Archiep. tit. Biccarensis, a Secretis